Dagblaðið Vísir - DV - 30.11.1999, Síða 32

V I K I N C
UTT0
a&vtnna,
FRETTASKOTIÐ
SÍMINN SEM ALDREI SEFUR
Hafir þú ábendingu eöa vitneskju um frétt,
hringdu þá í síma 550 5555. Fyrir hvert
fréttaskot, sem birtist eöa er notaö í DV,
greiðast 3.000 krónur. Fyrir besta fréttaskotiö
í hverri viku greiöast 7.000. Fulirar nafnleyndar
er gætt. Viö tökum viö fréttaskotum allan
sólarhringinn.
550 5555
ÞRIÐJUDAGUR 30. NÓVEMBER 1999
Steingrímur J.:
Gaddfreðin
einkavæðing
„Satt best að segja átti ég ekki von
á því, þrátt fyrir allt, aö þeir myndu
j*. forherðast svo í kjölfar þó þeirrar
miklu umræðu sem varð um FBA að
halda bara beint áfram með ríkisvið-
skiptabankana.
Meðal annars
vegna býsna já-
kvæðra viðbragða
forsætisráðherra
við frumvarpi
okkar Ögmundar
Jónassonar um að
setja inn ákvæði
sem tryggja
dreifða eignarað-
ild, þá hefðu menn
a.m.k. átt að komast til botns í því
máli,“ segir Steingrímur J. Sigfússon,
formaður VG, en ríkisstjórnin hyggst
selja 15% af hlut rikisins í Búnaðar-
bankanum og Landsbankanum í lok
desember.
„í rauninni eru menn hér á tiltölu-
lega gaddfreðinni einkavæðingar-
braut og það er óneitanlega athyglis-
vert að Framsóknarflokkurinn, hvort
sem honum er það ljúft eða leitt og ég
fer nú að halda að þeim sé þetta alls
ekki eins leitt og þeir láta, að þeim er
beitt fyrir vagninn í þessum efnum.
Það eru Framsóknarráðherrarnir sem
að mörgu leyti eru sporgöngumenn í
einkavæðingunni.“ -hdm
Steingrímur J.
Sigfússon.
„Ég lýsi mig alsaklausan," sagði Þórhallur Ölver Gunnlaugsson, Vatnsberamaðurinn, við þingfestingu ákæru þar
sem honum er gefið að sök manndráp með ásetningi gagnvart Agnari W. Agnarssyni í sumar. Á blaðsíðu 4 er fjall-
að ítarlega um það sem fór fram i dómsalnum í gær. DV-mynd Hiimar Þór
Prestafélagið:
Gunnar
verður að
sættast
„Mál séra Gunnars Björnssonar
í Holti hefur ekki verið rætt i
stjórn Prestafélagsins enda ekkert
erindi borist þar
að lútandi,"
sagði Helga Soff-
ía Konráðsdótt-
ir, formaður fé-
lagsins, sem
harmar mjög
hvernig málum
er komið í sókn
séra Gunnars i
Önundarfirði.
„Séra Gunnar er
varamaður í
stjóm Prestafélagsins og ég þekki
hann ekki nema af góðu. Hann er
góður guðfræðingur og skemmti-
legur ræðumaður," sagði séra
Helga Sotfla.
- Hvaða ráð getur þú gefið prest-
inum í Holti?
„Séra Gunnar verður að gera
allt sem í hans valdi stendur til að
sættast við sóknarbörn sín.“
- En þau vilja ekki sættast við
hann.
„Hann verður að sættast," sagði
formaður Prestafélagsins.
-EIR
Helga Soffía
Konráðsdóttir.
^ Sjúkrahús Reykjavíkur:
I tíu ára einelti
- segir yfirlæknirinn sem sagt var upp
Gunnari Þór Jónssyni prófessor og yfirlækni á bæklunardeild Sjúkrahúss
Reykjavíkur hefur verið sagt upp störfum. Hann segir það gert til þess að
annar maður geti fengið stöðuna hans. DV-mynd Pjetur
^Forseti bæjarstjórnar:
Ég er ekki
RARIK
„Það er bara ákvörðun okkar,"
svaraði Gísli Páll Pálsson, forseti bæj-
arstjórnar Hveragerðis, spumingu
DV þess efnis
hvers vegna bæj-
arstjórnin hygðist
halda lokaðan
fund á morgun til
að fjalla um sölu
rafveitu Hvera-
gerðis til RARIK.
- Er ekki um að
ræða stórt hags-
munamál Hver-
gerðinga?
- Hefði þá ekki verið eðlilegt að
hafa fundinn opinn?
„Þetta er okkar ákvörðun. Við ráð-
um því. Þetta er okkar mál.“
„Er ekki óeðlilega að málum staðið
að RARIK skuli fyrst kynna sér tölur
keppinautanna og bjóða síðan sjálft?
„Nei.“
- Hvers vegna ekki?
„Þetta skýrist allt á morgun."
- En þeir vissu um tilboð keppi-
nautanna?
„Ég veit ekkert hvað þeir hafa
heyrt í fréttunum. Ég er ekki RARIK.
< *-Þetta skýrist allt á morgun."
Sjá nánar á bls. 2. -JSS
„Ég tel mig hafa verið í tiu ára ein-
elti af vissum aðilum á þessu sjúkra-
húsi,“ sagði Gunnar Þór Jónsson, yf-
irlæknir á bæklunardeild Sjúkrahúss
Reykjavikur, við DV. Honum hefur
verið sagt upp störfum. Hann hefur
svarað uppsögninni með því að
stefna sjúkrahúsinu fyrir Héraðs-
dóm. Hann krefst þess að uppsögnin
verði ógilt. Gunnar Þór gegnir einnig
stöðu prófessors við læknadeild Há-
skóla íslands.
Jóhannes Gunnarsson lækninga-
forstjóri sagði í DV fyrir helgi að
Gunnari Þór hefði veriö sagt upp
vegna „vanrækslu í starfi". Gunnar
Þór sagði að þar væri einungis um að
ræða að hann hefði ekki staðið skil á
vottorðum á tilskildum tíma, svo og
greinargerðum til landlæknis. Hann
kvaðst ekki vera einn lækna sem
yrði á að draga slíka pappírsvinnu.
„Tilgangurinn með því að Qæma
mig í burtu er að tiltekinn maður
geti tekið við starfi mínu. Það sem
sóst er í er prófessorsstaða sem ég
gegni við sjúkrahúsið. Kæran, sem
ég hef lagt fram, byggist á þvi að
stjómendur sjúkrahússins hafi ekki
húsbóndavald yfir mér þar sem ég er
ráðinn að sjúkrahúsinu samkvæmt
gildandi kennslusamningi við Há-
skóla Islands."
Gunnar Þór sagði að lækningafor-
stjóri Sjúkrahúss Reykjavíkur hefði
farið með málið til læknadeildar og
reynt að fá því framgengt aö hann
yrði einnig leystur frá störfum þar.
„Þar hef ég fengið áminningu fyrir
að hafa ekki stundað rannsóknar-
störf eins og til er ætlast. Samkvæmt
lögum á ég rétt á að gera bragarbót
þar á. Deilan snýst um hvort ég hafi
fengið þennan lögvarða rétt eða ekki.
Ég hef farið fram á að fá eins árs
rannsóknarleyfi. Niðurstaða í því
máli liggur ekki fyrir enn.“
Gunnar Þór sagði að fyrst hefði
verið gerð tilraun til að flæma hann
úr starfi frá sjúkrahúsinu fyrir tíu
árum með munnlegri uppsögn. Hann
hefði leitað aðstoðar lögmanns og
niðurstaðan verið afdráttarlaus, um-
ræddur kennslusamningur væri ráð-
andi um stöðu hans og störf við
sjúkrahúsið. Hið sama hlyti að gilda
um uppsögnina nú.
-JSS
Veðrið á morgun:
Víöa létt-
skýjaö fyrir
austan
Á morgun verður sunnan 10-15
m/s og snjókoma fram að hádegi
en síðan vestan 8-13, él og hiti
kringum frostmark vestan til á
landinu. Um landið austanvert
verður fremur hæg suðlæg átt,
víða léttskýjað og frost 3 til 9 stig.
Veðrið í dag er á bls. 37.
Jólakort
NYJAR W VÍDDIR
Sími 569 4000
Hafnarbraut 23, Kóp.
*
/