Dagblaðið Vísir - DV - 03.12.1999, Page 15

Magnús Skarphéðinsson heldur að trúin víki
fyrir efnishyggjunni.
ið. „Nuddarinn teygir sig inn á lík-
amstakt þess sem tekur við nudd-
inu. Fyrir vikið stjórnar sá síðar-
nefndi nuddinu. Sá sem nuddar fer
eins djúpt og líkami hins leyfir og
einbeitir sér að því að losa um stífl-
ur og vekja þann sem nuddið fær
til vitundar um ástand líkamans.
Þannig hjálpar nuddarinn honum
að beina athyglinni inn i líkamann
svo hann gangi inn í ævintýraheim
líðandi stundar," segir Guðrún
glaðlega og tekur fram að Huna-
fræðin segi orkuna leita þangað
sem athyglin beinist. „Þegar sá
sem þiggur nudd og nuddarinn
sameinast í að næra og hlúa að
sama líkamanum á þennan hátt þá
hleðst upp mikil orka og sá sem
kom í nudd gengur endumýjaður
út og hlaðinn krafti."
Hvaö er Hunaheimspeki?
„Hunaheimspekin á rætur sínar
í eldgamalli hefð frumbyggja á
Hawai og útleggst á ís-
lensku sem „Fræðin um
hið dulda i manninum," út-
skýrir Guðrún. Hún leggur
mikla áherslu á öndun í
nuddinu og segir að djúp
regluleg öndun með nudd-
inu auðveldi fólki að kom-
ast út úr huganum og tengj-
ast líkamanum, tilfinning-
unum og losa um streitu,
reiði, gleði og sorg. Hlýir
Hawai-straumar ilja eflaust
norpandi íslendingum með
vöðvabólgu. Það hressir ef-
laust þögla þjóðarsál að
leggjast undir dansandi
lomi lomi nuddara og
kynnast duldum hvötum.
Örlög heimsins
Sálarransóknarskólinn
er mekka andlegheitanna
og þangað leitar alls konar
fólk. Magnús Skarphéð-
insson er skólastjóri og að
hans sögn er Sálarrannsóknarskól-
inn ekki dýr og að mörgu leyti rek-
inn af hugsjón. „Þetta eru 13 skóla-
dagar yflr veturinn sem kosta ekki
nema 24 þúsund krónur."
Er vakning í andlegum málum?
„Ekkert sérstök. Hins vegar er
sífellt meira andlegt hungur hjá
þeim þjóðum sem vanrækja fegurð,
listir og guðdóminn, einkum og sér
í lagi á Vesturlöndum þar sem lit-
leysið og guðleg tilfmning víkur
meira fyrir trú á efnishyggjuna. Og
þetta guðleysi og þessi leiðindi og
þessa hnignun getum við þakkað
háskólum Vesturlanda að mestu
leyti. Háskólar Vesturlanda hafa
verið í broddi fylkingar þeirrar
hreyfingar að brjóta niður guödóm-
inn og standa að þessari afhelgun
alls sem frummanninum var heil-
agt og er heilagt, tengsl sín við guð,
uppruna sinn, örlög heimsins,
hinstu rök tilverunnar og allt sem
tengist fegurð í þær áttir,“ fullyrð-
ir Magnús ákveðinn og segir að það
sé töluverð ásókn í skólann. „Fólki
dugir ekki svör kirkjunnar eða
Biblíunnar. Það trúir á sinn guð en
það vill hins vegar svör. Hvert það
fer. Á hvaða leið það hugsanlega
er. Hvert ástvinir þess fóru. Hvað
er draugagangur? Hvað eru álfar
og hvað er huldufólk? Hvaða rann-
sóknir hafa verið gerðar á þessu?
Og hvað mikið er að marka miðils-
fundi og ekki síst hver heildarsýn-
in er á þessi mál.“ Magnús hallast
að því að fólk sé fyrst og fremst að
leita að meiri fegurð en efnishyggj-
an býður upp á. „Þetta er nánast
genetísk þörf mannsins fyrir ör-
yggi og fegurð og einhverja vit-
neskju á hvaða ferðalagi hann er.
Slíkum svörum hefur ekki verið til
að dreifa I visindasamfélagi sam-
tímans eða í neyslu- og efnishyggj-
unni sem hér situr við stjómvölinn
við þessar mundir. Það sorglega
við þetta er að musteri þekkingar-
innar, sem eru háskólar og rann-
sóknastofnanir, hafa leitt þessa
andlegu niðurlægingu Vesturlanda
og heimsins. Musteri þekkingar-
innar á öðru fremur sökina og
heiöurinn af þessari vanlíðan,
eymd, tilgangsleysi og fnringu sem
heltekur sífellt stærri hluta vest-
rænnar byggðar," segir skólastjóri
Sálarrannsóknarskólans.
Engar djúsí
sólarlandaferðir
Háskólar hafna vissulega nýald-
arbylgjunni og telja slíkt eintómar
kerlingabækur og hjátrú. Háskóla-
fólk minnist gjaman á heilbrigða
dómgreind, ímyndun hins trúaða,
líffræðilegar staðreyndir og svo-
leiðis tittlingaskít. Slík rök mega
sín lítils gagnvart þeim sem trúa.
Þeir trúa og hinir sem ekki trúa
eru með veraldlegt gildismat og
hroka. Enda er vísindunum og ekki
sist tækninni kennt um guðleysi og
vonsku heimsins. Trúaðir spretta
fram og segja að alheimsviskuna og
sannfæringuna sé að fmna í hjart-
anu. Rökhugsunin geri það að
verkum að við týnum frumeðlinu
og vantrúaðir þræða Laugaveginn
með skömm í hjartanu. Trúleys-
ingjarnir yppa hins vegar öxlum og
segja nýaldarliðið betla um stað-
festingu á eigin órum. Fólki sem
stundar sjálfsrækt og trúir liður þó
ósköp vel í andlega starfinu. Þar
með er tilganginum náð og því er
peningunum ekki kastað á glæ þótt
andlegheitin geti verið ímyndun og
margir falsspámenn skjóti upp
kollinum og græði slatta. Kannski
er ráðlegra að sólunda ekki fjár-
munum í djúsí sólarlandaferð held-
ur kaupa hugleiðslutíma i islenska
skammdeginu. Jafnvel fræðast um
fyrri líf sem voru ekki eins stútfull
af glimrandi góðæri.
-AJ
Viðari Aðalsteinssyni finnst manneskjan vera kraftaverk.
unni
3. desember 1999 f Ókus
15