Dagblaðið Vísir - DV - 07.06.2000, Síða 28

FRETTASKOTIÐ
SÍMINN SEM ALDREI SEFUR
Hafir þú ábendingu eða vitneskju um frétt,
hringdu þá t síma 550 5555. Fyrir hyert
fréttaskot, sem birtist eða er notað í DV,
greiöast 3.000 krónur. Fyrir besta fréttaskotiö
í hverri viku greiðast 7.000. Fullrar nafnleyndar
er gætt. Við tökum við fréttaskotum allan
sólarhringinn.
550 5555
MIÐVIKUDAGUR 7. JÚNÍ 2000
Kjaradeila Sleipnis:
Viðkvæm
staða
„Staðan er viðkvæm og þetta
y getur farið í báðar áttir,“ sagði
Óskar Stefánsson, formaður bif-
reiðastjórafélagsins Sleipnis, um
stöðuna í samningaviðræðum fé-
lagsins við atvinnurekendur. Verk-
fall skellur á takist samningar ekki
fyrir miðnætti í kvöld. Ef til verk-
falls kemur mun hópferða- og sér-
leyfisakstur á landinu stöðvast.
Samningafundur stóð til 21.30 í
gærkvöld. Óskar kvaðst telja að
þokast hefði í samkomulagsátt.
Ákveðin nálgun hefði orðið i ein-
stökum þáttum. Einkum var rætt
um kaupliði, en samninganefnd
Sleipnis fer fram á tæplega 150 þús-
und króna byrjunarlaun á samn-
ingstimanum.
Næsti fundur verður kl. 18 i dag.
Þá verður reynt til þrautar að ná
samkomulagi.
-JSS
Byggðastofnun
fer norður
Samkvæmt afgreiðslu stjómar
Byggðastofnunar er gert ráð fyrir að
stofnunin verði alfarið flutt til Sauð-
árkróks innan eins árs. Tillagan er
^ afgreidd til iðnaðarráðherra. Ástæð-
ur fyrir ákvörðun stjómarinnar em
m.a. þær að landsbyggðin þyki rétt-
ur vettvangur fyrir starfsemi
Byggðastofnunar. Auk þess er þiðj-
ungur stofnunarinnar, þróunar-
skrifstofa, fyrir á Sauðárkróki.
-Ótt
Ásdís strandaði
Báturinn Ásdis ÍS-55 strandaði
við Krossadal norðan af Tálknafirði
seinnipartinn í gærdag. Lögreglu á
Patreksfirði var tilkynnt um strand-
ið um klukkan 16 í gær. Björgunar-
sveitirnar Blakkur á Patreksfirði og
Tálkni á Tálknafirði brugðust skjótt
* við, fóru á vettvang og drógu Ásdísi,
sem er sex tonna bátur, að landi í
Tálknafirði. Skipverjunum tveimur
varð ekki meint af. Ekki var vitað í
morgun af hverju báturinn strand-
aði en bátsverjar munu gefa skýrslu
í dag.
-SMK
Fékk kranabómu
í höfuðið
Vinnuslys varð á Þingvöllmn um
fimmleytið í gærdag þegar maður
fékk kranabómu í höfuðið við Hótel
Valhöll. Hann var fluttur á sjúkra-
hús í Reykjavík en reyndist minna
, v slasaður en óttast var í byrjun.
-SMK
KR á toppnum
Áhangendur KR-inga voru kampakátir á Kópavogsvelli í gær þegar KR lagöi Breiðablik með 2 mörkum gegn 1 og
tryggöi sér fyrsta sætið í deildinni. Blikar voru lánlausir í leiknum en talað er um meistaraheppni hjá KR. Umferð var
teikin í úrvalsdeildinni í gærkvöld. Sjá nánar í DV-sport á bls. 16 og 23.
Keflavíkurflugvöllur:
Tekin með kókaín
24 ára íslensk stúlka sem var að
koma frá París í fyrradag var tekin
með nær 200 grömm af kókaíni á
Keflavíkurflugvellli. Það var fikni-
efnadeild tollgæslunnar sem stöðvaði
stúlkuna þar sem grunur lék á að hún
hefði fikniefni i fórum sinum. Við
röntgenskoðun kom í ljós að hún
hafði falið ofangreint magn af kókaíni
innvortis. Stúlkan var úrskurðuð í
gæsluvarðhald í viku. Rannsókn
málsins er í höndum fikniefnalögregl-
unnar í Reykjavík. -JSS
Hass í ruslafötu
Um 125 grömm af hassi fundust í
ruslafótu i tollsal Leifsstöðvar í gær-
morgun. Ræstingafólk fann hassið og
afhenti það tollgæslunni á Keflavíkur-
flugvelli þegar í stað. Enn er ekki vit-
að hver setti efnið í ruslafótuna en
málið er í rannsókn. -JSS
Krónan veikist
íslenska krónan veiktist talsvert í
gær í kjölfar veiðitillagna Hafrann-
sóknastofnunar.
Lækkunin nam ríflega 1% í lok
dagsins miðað við stöðutöku Seðla-
bankans klukkan ellefu daginn áður.
Lækkunin nemur um 1,5% á tveimur
viðskiptadögum. í morgun urðu engar
breytingar á genginu fyrst eftir að
markaðurinn var opnaður. -GAR
Sænska sjónvarpið sýnir sögu forsætisráðherra íslands áhuga - vill framleiða mynd:
Hrafn vinnur kvikmynd
eftir sögu Davíðs
- þjóðfélagsádeila í spennusagnaformi, ekki erótísk gamanmynd, segir Hrafn
Hrafn Gunnlaugsson er að vinna að
nýrri sjónvarpsmynd. Kveikjan að
myndinni er smásagan Glæpur skekur
Húsnæðisstoöiun eftir Davíð Oddsson
forsætisráðherra. Aðalframleiðandi
myndarinnar verður sænska sjónvarpið
en íslenska ríkissjónvarpið verður að
líkindum meðframleiðandi.
„Þetta er glettin þjóðfélagsádeila í
spennusagnaformi - ekki „erótísk gam-
anmynd fyrir alla flölskylduna" eins og
síðasta sjónvarpsmynd sem ég gerði,
„Þegar það gerist" - enginn stóðhestur,"
sagði Hrafn í samtali við DV.
„Ég hef fengið frjálsar hendur hjá
höfundi sögunnar til að vinna með kvik-
myndahandritið. Ég gerði litla sjón-
varpsmynd byggða á annarri smásögu
eftir Davíð fyrir fáeinum árum sem hét
„AUt gott“ og gerðist á skömmtunarár-
unum á Selfossi. Sú mynd Qallaði um
strákgutta sem biðja Guð að henda
tyggjó til sín af himni ofan. Myndin hef-
ur verið sýnd nokkuð víða erlendis.
Sigga Ragna segir að hún hafi unnið til
verðlauna í Kanada," segir Hrafn.
Hrafn segist hafa notið ráðgjafar Þrá-
ins Bertelssonar kvikmyndaleikstjóra
við handritsgerðina. „Ég hef notið góðs
af enda er Þráinn einn af okkar reynd-
ustu handritshöfúndum; sá eini sem
hefur fengið útnefiiingu til Evrópuverð-
launa fyrir besta handrit, það var fyrir
Magnús. Nýtt líf er ein af mínum uppá-
haldsmyndum.
- En um hvað fjallar sagan hans Dav-
íðs?
„Hún fjailar um þjófnað og þær af-
leiðingar sem þjófhaðurinn hefiir fyrir
aðalpersónu verksins og samskipti
hennar við lögreglu. Þetta gerist á eftir-
litsstofnun í kerfinu," segir Hrafii.
- Telur þú að Davíð byggi söguna að
einhverju leyti á raunveruleikanum?
„Þú verður að spyrja hann sjálfan. En
það er alltaf einhver flugufótur fyrir
hverri sögu. Hann var einu sinni for-
stjóri Sjúkrasamlags Reykjavikur. En
ég held að þetta sé fyrst og fremst
fantasía. Mér sýnist þetta vera eins og
sögumar hans eru yfirleitt - einhver
kveikja í raunveruleikanum og síðan er
byggt í kringum þetta. Honum lætur vel
að segja sögur.“
Að öðru leyti segir Hrafh kvikmynd-
ina sjálfa vera leyndarmál. „Ég má ekki
segja þér meira,“ sagði hann.
- Hve langt er myndin komin?
„Frumhandrit hefur þegar verið
skrifað en núna er ég að vinna að upp-
tökuhandriti. Mér sýnist þetta vera
komið langleiðina að geta farið í tökur.
En vandinn er bara fjármögnunin eins
og alltaf."
- Hver verður framleiðandi?
„Sænska sjónvarpið. Meðframleið-
andi yrði væntanlega íslenska sjónvarp-
ið, RÚV. Siðan hefur komið smástyrkur
frá Menningarsjóði útvarpsstöðva. Það
vantar enn þá dálítið upp á fjármögnun-
ina því ekki er hægt að ætlast til að Sví-
ar kosti íslenska dagskrárgerð að fullu.“
Sjónvarpsmyndin verður um 50 min-
útur að lengd.
„Ég kynnti hugmyndina þannig fyrir
sænska sjónvarpinu að sagan yrði not-
uð sem kveikja að handritinu. Þeim
fannst hugmyndin skondin. Síðan var
DV-MYND HILMAR ÞÖR
Skipstjórar funda
Grétar Mar Jónsson og félagar hans i FFSÍ
munu í dag veita sjávarútvegsráðherra ráðgjöf í
fiskifræði sjómannsins.
Svört skýrsla:
Skipstjórar til ráöherra
Farmanna- og fiskimanna-
samband íslands fundaði með
skipstjórum úr flestum veiði-
greinum í gær þar sem unnið
var að því að móta tillögur sem
bregðast eiga við svartri
skýrslu Hafrannsóknastofnun-
ar á dögunum.
Skipstjórar munu ganga fyr-
ir sjávarútvegsráðherra í dag
og kynna tillögur sínar, í ljósi
nýlegra yfirlýsinga ráðherrans
um aukna áherslu á fiskifræði
sjómannsins í ákvörðun á
kvóta.
Það er að heyra á hags-
munaaðilum að ráðherrann
muni ekki fara þá leið að
skerða mikið þorskkvótann
heldur halda honum stöðugum
og treysta á hægfara uppbygg-
ingu stofnsins.
-jtr
ákveðið að hefja svokallaða „fór-
produktion" - gera grófhandrit, finna
tökustaði, gera kostnaðaráætlun og
koma með frumhugmyndir um leikara
og tökustíl. Það sem við Þráinn erum að
gera nú er að skrifa endanlegt texta-
handrit. Þessi mynd verður ekki ódýr
því það er margt sem þarf að séhanna
og ýmis atriði það flókin tæknilega að
það þarf að fara með þau i stúdíó, þótt
að uppistöðu sé myndin tekin úti i líf-
inu. Einnig þarf að útbúa ýmsa hluti
sem hafa afgerandi gang á framvindu at-
burðarásarinnar. Mér fmnst þetta
skemmtileg hugmynd, annars væri ég
ekki að vinna með hana. Mér er boðið
til Kóreu á næstunni til að vera þar við
sýningu á Myrkrahöfðingjanum - hvað
gerist með þessa mynd, sótta í smiðju
Davíðs, verður hins vegar bara að koma
í ljós,“ sagði Hrafn Gunnlaugsson. -Ótt
Gæði og glæsileiki
smoft
Csólbaóstofað
Grensásvegi 7, sími 533 3350.