Dagblaðið Vísir - DV - 23.01.2001, Blaðsíða 5
ÞRIÐJUDAGUR 23. JANÚAR 2001
DV
5
Fréttir
E-töflur á
Akureyri
DV, AKUREYRI:_____________________
Karlmaður var handtekinn á Ak-
ureyri á fostudagskvöld og fundust
5 e-töflur í fórum hans. Maðurinn
var grunaður um sölustarfsemi.
Daníel Snorrason, rannsóknar-
fulltrúi á Akureyri, segir að hlutur
e-taflna virðist hafa vaxið talsvert í
fíkniefhaheiminum á Akureyri und-
anfarið. Þar sé um mjög slæma þró-
un að ræða því e-pillurnar séu mjög
hættulegt fíkniefni. -gk
Húsavík:
Nettóskuldir
aukast
„Þetta er auðvitað erfltt og sífelld
barátta. Það er erfitt þótt ekki væri
nema bara það að þurfa að auka
nettóskuldir bæjarins um 60 millj-
ónir króna,“ segir Reinhard Reynis-
son, bæjarstjóri á Húsavík, um fjár-
hagsáætlun bæjarsjóðs sem lögð
hefur verið fram.
Rekstrartekjur bæjarsjóðs verða
547 milljónir króna en rekstrargjöld
498 milljónir. Tekjuafgangur nemur
því 49 mifljónum sem er um 9%. Af-
borgun lána verður 71 milljón en
lántökur 132 milljónir. Til fram-
kvæmda á að verja 104 milljónum
króna og þar af fara 33 milljónir til
gatnagerðar, sem er stærsti einstaki
liðurinn, en þar vega þyngst áfram-
haldandi framkvæmdir við Höfða-
veg. Til atvinnumála fara 24 millj-
ónir króna, m.a. til hvalasafnsins og
til hlutafjárkaupa. -gk
Reykjavík:
Ekið á konu
Ekið var á konu á gatnamótum Bú-
staðavegar og Miklubrautar um
sjöleytið á sunnudagsmorguninn.
Konan var flutt með sjúkrabíl á
slysadeild, þar sem hún hlaut meiðsl
á höfði við áreksturinn, en var ekki
talin vera í lífshættu. Lögreglumenn
handtóku ökumanninn vegna gruns
um ölvun við aksturs. -SMK
Hafnarstjórn:
Ánægð meö
hafnaráætlun
PV, AKRANESI:
Lögð hefur verið fram á Alþingi
tillaga til þingsályktunar um hafn-
aráætlun 2001-2004. Hafnarstjórn
Akraness er sátt með þá tillögu sem
gerð er varðandi
framkvæmdir við
höfnina.
Stærsta verkefh-
ið er endurnýjun á
viðlegukanti við
aðalhafnargarð og
dýpkun þar fyrir
framan. Um er að
ræða viðamikið
verk, sem mun
kosta a.m.k. 270 milljónir króna, og
er hlutur Akranesháfnar þar af um
160 milljónir króna.
Gert er ráð fyrir að framkvæma
þetta i þremur verkáföngum á
næstu árum. „Þessi framkvæmd er
gerð til að tryggja viðunandi að-
stöðu fyrir togara og loðnuskip,"
segir Gísli Gislason, bæjar- og hafn-
arstjóri á Akranesi. -DVÓ
DV-MYND DVÓ
Akraneshöfn
Viöunardi að-
staöa veröur
tryggö á næstu
þremur árum.
Útgerðarfélag Akureyringa hefur misst 2600 tonna þorskkvóta:
Hygla smábátum á
kostnað togara
- segir forstjóri ÚA
„Smábát-
arnir hafa
fengið 25
prósentu-
stig af hlut-
deildinni í
þorskinum
á kostnað
fyrirtækja
á borð við
Guðbrandur ÚA sem
Sigurðsson. hefur í
rúma hálfa öld byggt afkomu
sína á útgerð togara og land-
vinnslu. Þessi 25 prósentu-
stig, sem smábátarnir hafa
fengið í sinn hlut á síðustu
17 árum, svara til þess að
þorskkvóti ÚA er um 2600
tonnum minni en ella,“ segir
á fréttavef Interseafood.com.
sem vitnar í grein sem Guð-
brandur Sigurðsson, fram-
kvæmdastjóri ÚA, ritaði í
fréttabréf fyrirtækisins.
Guðbrandur deilir í grein
sinni hart á smábátasjó-
menn í krókakerflnu og
stjórnmálamenn sem látið
hafa undan kröfum samtaka
smábátaeigenda og orðrétt
segir hann: „Ef smábátaút-
gerðin er grannt skoðuð er
hún lýsandi dæmi um það
þegar pólitíkin þorir ekki að
taka á málunum og lætur
reka á reiðanum.“ Guð-
brandur rekur í grein sinni
þróun mála á síðustu árum
og segir að í stað þess að all-
ir smábátar heföu verið sett-
ir á þorskaflahámark, eins
og stóð til fyrir nokkrum
árum, þá hefðu 219 bátar
fengið að vera áfram í daga-
kerfi. Þorskkvóti þeirra inn-
Minni kvóti
Togarar ÚA hafa tapaö kvóta til smábátanna og forstjóranum er ekki skemmt.
an þorskaflahámarksins
hefði verið 1371 tonn en
hins vegar hefðu þessir
sömu bátar fiskað 6914
tonn af þorski á sl. ári
eða fimm sinnum meira
en þeim hefði í raun bor-
ið.
Viðmiðunarafli smá-
báta í ýsu hefði verið
2500 tonn á sl. ári en afl-
inn hefði farið í rúm 8000
tonn. Á sama hátt hefði
steinbítsafli smábátanna
farið yflr öll velsæmis-
mörk.
Að sögn Guðbrands
var hlutdeild smábát-
anna í þorskaflanum
16% á síðasta ári en
hefði við upphaf fisk-
veiðistjórnunarkerfisins
verið um 2%. Því til við-
bótar hefðu smábátamir
fengið úthlutað um 11
prósentustigum sem eig-
endur þeirra hefðu selt
aftur yfir i almenna kerf-
ið. Alls hefði hlutdeild
smábátanna í þorskinum
því aukist um 25%.
„Áhrif 2600 tonna af
þorski á rekstur félags-
ins væru þau að það gæti
rekið einn ísfisktogara
til viðbótar með 16
manna áhöfn auk þess
að hægt væri að bjóða
30 sérhæfðum starfs-
mönnum starf til viðbót-
ar í fiskvinnslu félags-
ins. Laun þessara starfs-
manna gætu verið um
150 milljónir króna á
ári,“ segir Guðbrandur
Sigurðsson. -DVÓ
Óvenjulegur „stútur“ fyrir dómara:
Sagðist hafa drukkið hjá lögreglu
DV, AKUREYRI:_______
Eyfirðingur um fimmtugt hefur í
Héraðsdómi Norðurlands eystra
verið dæmdur til greiðslu sektar
og til missis ökuréttinda en hann
var handtekinn á Drottningar-
braut á Akureyri í ágústmánuði á
síðasta ári grunaður um ölvim-
arakstur.
Maðurinn viðurkenndi að hafa
ekið bifreið sinni frá Svalbarðseyri
tfl Akureyrar.
Hann kvaðst við yfirheyrslu hjá
lögreglu ekki hafa fundið til áfeng-
isáhrifa við aksturinn en viður-
kenndi að hafa neytt áfengis.
Fyrir dómi viðurkenndi maður-
inn einnig aksturinn en neitaði að
hafa verið undir áhrifum áfengis.
Hann sagðist hafa byrjað að neyta
áfengis í umrætt skipti eftir að
hann hafði verið handtekinn og
drukkið í lögreglubifreiðinni úr
pela sem hann hafði innanklæða á
leið á lögreglustöðina og í yfir-
heyrsluherbergi á lögreglustöðinni
þegar timi gafst til.
Lögreglumenn sem unnu að
þessu máli báru hins vegar að
maðurinn hefði verið mjög ölvaður
þegar hann var stöðvaður á bifreið
sinni og verið svo óstöður á fótun-
um að styðja hefði þurft hann.
í yfirheyrslum kom fram að
áfengismagn í blóði mannsins við
mælingu á lögreglustöð 28 mínút-
um eftir að hann var stöðvaður var
2,68 og var leitt að því rökum að
ekki væri hægt á þeim tíma að inn-
byrða slíkt magn áfengis að mæl-
ing sýndi slíkt.
Þá fannst dómnum frásögn
mannsins fremur ótrúverðug og
dæmdi hann til 60 þúsund króna
sektargreiðslu, ökuleyfissviptingar
í eitt ár og til greiðslu alls sakar-
kostnaðar.
-gk
Nýgerður kjarasamningur grunnskólakennara:
Dauðadómur yfir starfi tónmenntakennara
- segir formaður Félags tónmenntakennara
í nýgerðum kjarasamningi
grunnskólakennara við sveitarfé-
lögin er kennsluafsláttur tón-
menntakennara fefldur niður og
þurfa þeir því að kenna 28 tíma á
viku í stað 25 tíma áður. „Þetta er
í rauninni dauðdómur yfir okkar
starfsgrein og ef okkar félagsmenn
ákveða að fara frekar í umsjónar-
kennslu, sem við erum öll með
réttindi til, þá eram við með 200
þúsund krónum meira í laun á ári
en sem tónmenntakennarar," segir
Sigriður Ása Sigurðardóttir, for-
maður Félags tónmenntakennara.
Tónmenntakennarar hafa meðal
annars fengið kennsluafslátt þar
sem þeir kenna heilum bekkjum
og eru einu kennaramir sem
kenna öllum nemendum skólanna.
Að sögn Sigríðar Ásu leiöa þess-
ar breytingar til þess að bilið á
mifli kennara innan sama skóla er
að breikka. Það eigi ekki bara við
um tónmenntakennara heldur líka
list- og verkgreinakennara al-
mennt og verið sé að ýta þessum
greinum til hliðar. Sigríður Ása
segir aö þau rök sem launanefnd
sveitarfélaganna gaf fyrir breyting-
unum hafi verið að nefndin vildi
að allir kennarar sætu við sama
borð hvað varðar tímafjölda og að
ekki hefði heyrst í fagfélögunum
um málið.
Að sögn Sigríðar Ásu er það
ekki rétt og til að mynda hafi
íþróttakennarar látið í sér heyra.
Hún segir að Félag tónmennta-
kennara hafi verið eina félagið
sem skilaði ítarlegri greinargerð
um það sem félagið vildi fá fram í
samningnum en samt sem áður er
það eina félagið sem fer halloka út
úr honum. „Félagsmenn eru ekki
ánægðir með þessa niðurstöðu því
hún er ávísun á flótta úr greininni
og ljóst er að margir tónmennta-
kennarar munu fara í umsjónar-
kennslu, „ segir Sigríður Ása.
Félagið er líka óánægt með að
tónmenntakennarar sem nú þegar
eru við kennslu missa ekki
kennsluafsláttinn en þeir tón-
menntakennarar sem ákveða að
skipta um vinnu og fara að kenna
í öðrum skólum missa hann. „Við
köllum þetta að vera í vistarbönd-
um og erum að kanna hvort þetta
standist lög,“ segir Sigríður Ása.
Tónmenntakennarar þurfa
einnig að kenna heilum bekkjum
en handvinnu- og smíðakennara
kenna hálfum bekkjum. Sigríður
Ása segir aö það sé í raunin von-
laust að vera með heila bekki í tón-
menntakennslu þegar hljóðfæri
eru notuð.
Hún segir að félagið ætli að láta
í sér heyra vegna málsins og flest-
ir telji að þetta sé dropinn sem fylli
mælinn. „Ég býð ekki í það and-
rúmsloft sem verður á sumum
kennarastofum vegna launamun-
arins,“ segir Sigríður Ása að lok-
um. -MA