Dagblaðið Vísir - DV - 23.01.2001, Blaðsíða 10
10
Útlönd
ÞRIÐJUDAGUR 23. JANÚAR 2001
I>V
Ehud Barak
ísraelski forsætisráöherrann á undir
högg aö sækja í baráttunni um aö
halda embættinu, ef marka má
skoöanakannanir.
Sharon heldur
enn forystunni
Harðlínuhægrimaðurinn Ariel
Sharon hefur enn mikið forskot á
Ehud Barak forsætisráðherra í
skoðanakönnunum vegna forsætis-
ráðherrakosninganna í ísrael í
næsta mánuði.
Samkvæmt einni könnun sem
birt var í morgun nýtur Sharon
stuðnings 46 prósenta kjósenda en
Barak aðeins 30 prósenta. Fjórðung-
ur kjósenda hefur þó ekki gert upp
hug sinn. í annarri könnun fékk
Sharon stuðning 51 prósents en
Barak 31 prósents.
ísraelar og Palestínumenn héldu
friðarviðræðum sínum áfram í Eg-
yptalandi í gær og vakti það vonir
manna um að einhvers samkomu-
lags kynni að vera að vænta fyrir
kosningamar. Tvær nefndir samn-
ingamanna áttu alvarlegar viðræð-
ur, að sögn fulltrúanna.
Ekkert frá Bush
um hækkandi
hitastig á jörðu
Embættismenn í Hvíta húsinu
höfðu síðdegis í gær ekkert tjáð sig
um dökka skýrslu Sameinuðu þjóð-
anna um hækkandi hitastig af völd-
um gróðurhúsaáhrifanna. George
W. Bush Bandaríkjaforseti lýsti
einmitt yfir efasemdum sínum í
kosningabaráttunni um vísinda-
vinnuna að baki spádómum um
hlýnandi veðurfar.
Vísindamenn eru nú sammála
um að hækkandi hitastig á jörðinni
sé manninum sjálfum um aö kenna.
Þá komast helstu loftslagssérfræð-
ingar heimsins að þeirri niðurstöðu
í skýrslu SÞ að á næstu eitt hundr-
að árum muni hitastig á jörðinni
hækka um allt að sex gráður.
Joseph Estrada
Fyrrum forseti Filippseyja er sagöur
hafa opnaö nokkra bankareikninga
og notaö viö þaö ýmis dulnefni.
Bankareikningar
Estrada frystir
Stjómvöld á Filippseyjum fyrir-
skipuðu banka einum í morgun að
frysta alla bankareikninga í eigu
Josephs Estrada, sem var hrakinn
úr forsetaembættinu um helgina, og
eiginkonu hans þar sem þau kynnu
að hafa reynt að komast hjá því að
greiða skatta.
Orörómur um valdaránssamsæri
Estrada og fylgismanna hans hefur
farið eins og eldur í sinu um Man-
ila, höfuðborg Filippseyja, en engin
tilraun hefur verið gerð enn.
Bylting í utanríkisstefnu Bandaríkjanna:
Powell vill afnema
flestar refsiaðgerðir
Nýr utanríkisráðherra Bandaríkj-
anna, Colin Powell, ráðgerir kyrr-
láta byltingu í utanríkisstefnu
Bandaríkjanna. Hann vill hætta
refsiaðgerðum gegn öðrum löndum.
Þetta kemur fram í breska blaðinu
The Intemational Herald Tribune í
morgun.
Powell sagði við utanríkisnefnd
öldungadeildarinnar í síðustu viku
að mikil notkun viðskiptaþvingana
og annarra refsiaðgerða væri tákn
um bandarískan hroka sem væri
Bandaríkjunum alls ekki í hag.
Powell bað þingið um að setja ekki
á nýjar refsiaðgerðir án þess að láta
hann vita fyrst. Powell hefur hins
vegar sagt að refsiaðgerðum gegn
írak verði ekki aflétt.
Bandaríkin beita um 75 af 193
þjóðum heims einhvers konar refsi-
aðgerðum. Um er að ræða allt frá
illa merktum túnfiskumbúðum til
alvarlegra mannréttindabrota og
fíkniefnaframleiðslu. Sameinuðu
þjóðirnar beita tæpri tylft landa
refsiaðgerðum, að því er fram kem-
Utanríkisráðherra Bandaríkjanna
Colin Powell segir ofnotkun refsiaö-
geröa tákn um hroka.
ur í upplýsingum frá bandaríska ut-
anríkisráðuneytinu.
Nái Powell markmiðum sínum
mun útflutningur Bandaríkjanna
aukast gífurlega. Vegna refsiaðgerð-
anna eru margir markaðir erlendis
lokaðir.
Næsum helmingur allra refsiað-
gerðanna, sem nú eru í gildi, var
settur á árunum 1993 til 1998. En
síðustu tvö ár Bills Clintons á for-
setastóli fjölgaði þeim sem drógu í
efa áhrifamátt refsiaðgerða í utan-
ríkispólitík.
Refsiaðgerðimar bitna oft á sak-
lausum, eins og bömum, konum og
nágrannalöndum. Þess vegna átti
Clinton frumkvæði að því 1999 að
létta á refsiaðgerðum til þess að
gera mögulegan útflutning á mat-
vælum og lyfjum til meðal annars
Líbýu og Súdans. En bara tveimur
dögum áður en Clinton lét af emb-
ætti setti hann á nýjar refsiaðgerðir
gegn Sierra Leone til þess að tak-
marka viðskipti með smyglaða dem-
anta.
Fóstureyöingum mótmælt í Washington
Perry Harris frá Lincoln í lllinois tók þátt í mótmælum gegn fóstureyöingum úti fyrir Hæstarétti í Washington í gær.
Andstæöingar fóstureyöinga ættu aö vera ánægöir meö nýjustu tilskipun Georges W. Bush, nýs forseta Bandaríkj-
anna, um aö ekki þeri aö styöja alþjóðleg samtök sem veita ráögjöf um fóstureyöingar styrki af almannafé.
Olíulekinn við Galapagos
ógnar paradis dýranna
Forseti Ekvadors, Gustavo No-
boa, lýsti í gærkvöld yfir neyðar-
ástandi á Galapagoseyjum þar sem
hætta er á umfangsmiklu umhverf-
isslysi vegna olíuleka.
Olían kemur frá flutningaskipinu
Jessicu sem strandaði við eyjuna
San Cristobal í síðastliðinni viku. í
gær var ljóst að 600 tonn af olíu
höfðu runnið í hafið við hinar
frægu Galapagoseyjar utan við
Ekvador. Yfirvöld í Ekvador hafa
beðið um alþjóðlega aðstoð í barátt-
unni við olíuna sem þegar hefur
borist upp á strendur nokkurra eyj-
anna. Tekist hefur að dæla um 75
þúsundum lítra í herskip frá
Ekvador.
Óttast er að flutningaskipiö
brotni í sundur og að það sem eftir
er af olíu í skipinu, tæp 200 tonn,
renni einnig í hafið.
I hættu
Hætta er á miklu umhverfisslysi viö
Gaiapagoseyjar.
Olían um borð var meðal annars
ætluð þeim fjölda ferðamannabáta
sem eru á eyjunum. Gagnrýni gegn
ferðamennsku á Galapagoseyjum
hefur farið vaxandi. Umhverfis-
verndarsamtökin World Wildlife
Fund segja í yfirlýsingu að yfirvöld
Ekvadors verði að vernda þennan
viðkvæma eyjaklasa.
Eyjarnar urðu frægar í fyrsta
sinn í kjölfar rannsóknarstarfa vís-
indamannsins Charles Darwins sem
lauk þar 1835.
Rannsóknir hans þar leiddu til
þróunarkenningarinnar.
Á Galapagoseyjum eru meðal
annars 9 þúsund sjaldgæfar risa-
skjaldbökur.
Allt að 90 prósent skriðdýranna,
46 prósent skordýranna og um 50
prósent fuglanna á eyjunum er
hvergi annars staðar að finna.
BS.
Rússar frá Tstjetsjeníu
Vladimir Pútín
Rússlandsforseti til-
kynnti í gær að
rússneskum her-
mönnum yrði fækk-
að í Tsjetsjeníu og
að öryggislögreglan
FSB tæki við stjórn
hersins af varnar-
málaráðuneytinu. Hermönnum
verður fækkað úr 80 þúsundum í 22
þúsund.
Neyft vegna kulda
Sameinuðu þjóðirnar biðja um al-
þjóðlega hjálp til Mongólíu vegna
mikilla kulda í landinu. Tugir hafa
látist af völdum kuldans. Frostið
hefur farið í 50 stig á nóttunni.
Neita morði í skóla
Táningarnir tveir, sem handtekn-
ir voru vegna morðs í skóla í Stokk-
hólmi í síðustu viku, visa báðir sak-
argiftum á bug.
Smygl á flóttamönnum
Lögreglan í Hollandi hefur hand-
tekið mann sem grunaður er um að
vera höfuðpaurinn í smyglinu sem
leiddi til dauða 58 flóttamanna frá
Kína í gámi í Englandi síðastliðið
sumar.
Sótt aft þýskum ráftherra
BJúrgen Trittin,
umhverfisráðherra
Þýskalands, vísaði
því á bug í gær að
hann hefði fagnað
hryðjuverkum öfga-
sinnaðra vinstri-
manna á námsárum
sínum. Trittin var á
sínum tíma félagi í hreyfingu sem-
birti óundirritað dreifibréf þar sem
lýst var ánægju með morðið á sak-
sóknaranum Siegfried Buback árið
1977.
Úran í farþegavélum
Boeing-verksmiðjurnar notuðu
skert úran i 551 flugvél sem smíðað-
ar voru á sjöunda og áttunda ára-
tugnum. Efnið er þungt og tekur lít-
ið pláss þegar það er notað sem kjöl-
festa. Við slys getur úranið breyst í
geislavirkt ryk og valdið sjúkdóm
hjá meðal annars björgunarliði.
Wahid kannski ákærftur
Þingið í Indónesíu
tekur afstöðu til þess
næstkomandi mánu-
dag hvernig fara
skuli með tvö fjár-
málahneykslismál
sem Abdurrahman
Wahid, forseti lands-
ins, er viðriðinn.
Hugsanlegt er að Wahid verði ákærð-
ur til embættismissis.
ESB meö Serbum
Utanríkisráðherrar Evrópusam-
bandsins tóku opinberlega í gær af-
stöðu með stjórnvöldum i Belgrad
og sögðu leiðtoga Svartfjallalands,
systurlýðveldisins í júgóslavneska
sambandsríkinu, gleyma því að lýsa
yfir sjálfstæði.
Ráðherra segir af sér
Fukushiro Nukaga, efnahagsráð-
herra Japans, sagði af sér í morgun
vegna mútuhneykslismáls. Þetta er
enn eitt stóráfallið fyrir ríkisstjórn
Yoshiros Moris forsætisráðherra.
Mori féllst á afsögnina.