Dagblaðið Vísir - DV - 07.02.2001, Blaðsíða 5

MIÐVIKUDAGUR 7. FEBRÚAR 2001
I>V
5
Fréttir
„Skyldufundur“ sjómanna og útvegsmanna hjá sáttasemjara:
Utvegsmenn sýna
okkur óbilgirni
- segir varaformaður Sjómannasambands íslands
Konráð
Alfreösson.
DV, AKUREYRI:______
„Ég hef ekki orð-
ið var við að það
sé nokkur skapað-
ur hlutur að ger-
ast. Sáttasemjari
mun að vísu boða
til fundar nú í vik-
unni en þar er ein-
ungis um að ræða
hefðbundinn fund
sem hann verður
hálfsmánaðarlega
að boða til
formsins vegna og hefur gert án
árangurs síðan deilunni var vísað
til hans síðastliðið vor,“ segir
Konráð Alfreðsson, varaformaður
Sjómannasambands íslands, um
stöðuna í deilu sjómanna og út-
vegsmanna.
Þegar Konráð var spurður
hvort hann héldi að mál myndu
þróast svona áfram: „skyldufund-
ir“ hjá sáttasemjara á tveggja
vikna fresti og síðan verkfall 15.
mars, sagði hann að sjómenn
væru búnir að gera það sem þeir
gætu til að koma til móts við út-
gerðarmenn. „Við getum ekki lot-
ið lægra en við höfum gert og bolt-
inn er tvímælalaust hjá útgerðar-
mönnum."
Ef sjómannaverkföll undan-
farna áratugi eru skoðuð kemur í
ljós að flest hafa þau veriö á bil-
inu 10-20 dagar að lengd og lengst
þrjár vikur. Nú heyrast hins veg-
ar raddir þess efnis að verkfall
verði lengra komi til þess á annað
borð í næsta mánuði. „Jú, menn
hafa talað um að verkfall núna
geti orðið lengra. Maður heyrir
margt og eitt af því er að nú ætli
útgerðarmenn að taka slaginn viö
sjómenn og hafa sigur. Þeir lýsa
yfir að þeir vilji ekki að stjórnvöld
komi og leysi deiluna með lögum.
Ég held samt aö þetta sé bara í
nösunum á þeim, þeir vilji fá laga-
setningu á verkfall og þeir vilji
ekki kjarasamninga."
Það hefur heyrst að til greina
komi að fresta verkfalli um ein-
hverja daga, t.d. ef loðnuveiði
verður í hámarki 15. mars, er eitt-
hvað til í þessu?
„Við getum gert það og höfum
áður frestað verkfalii. Sjómenn
hafa sýnt ábyrgð í sínum aðgerð-
um, t.d. með tilboði sínu á dögun-
um sem útvegsmenn höfnuðu og
eins með því að boða ekki verkfall
fyrr en loðnuvertíð á að vera lok-
ið sé allt með eðlilegum hætti. Sjó-
menn hafa komið fram af ábyrgð
en útvegsmenn hafa ekki gert það,
þeir hafa sýnt óbilgirni," segir
Konráð Alfreðsson. -gk
Utibúið opnað
Vésteinn Benediktsson, sparisjóös-
stjóri á Höfn, Ragnhildur Steingríms-
dóttir afgreiöslustjóri, Ásdís Þóröar-
dóttir, Bergþóra Birgisdóttir og Inga
Sveinbjörnsdóttir, skrifstofustjóri
SPH, á Djúpavogi.
Sparisjóður
við hlið
Landsbankans
DV, HORNAFIRÐI:____________________________
Sparisjóður Homafjarðar opnaði i
gær sparisjóðsútibú á Djúpavogi. Af-
greiðsla Sparisjóðsins er í húsi íslands-
pósts og hafa Sparisjóður Hornafjaröar
og íslandspóstur samið um að Spari-
sjóðurinn annist afgreiðslu og bréfaút-
burð á Djúpavogi. Starfsmenn verða
fjórir, allt konur. Afgreiðslustjóri er
Ragnhildur Steingrímsdóttir, áður
stöðvarstjóri Islandspósts á Djúpavogi.
Afgreiðsla Sparisjóðsins verður opin
frá kl. 9 til 16 og ættu íbúar staðarins
að njóta góðrar fyrirgreiðslu í peninga-
málum því í næsta húsi er annar
banki. -JI
Kínaskip á heimleið:
I stappi á Sikiley
- vegna olíupöntunar
„Þetta hefur gengið hægar fyrir
sig en við vonuðumst eftir og þvi
valda þessa stundina aðallega slæm
veður," segir Jóhann A. Jónsson,
framkvæmdastjóri Hraðfrystistöðv-
ar Þórshafnar, um heimsiglingu
kúfiskveiðiskipsins Fossár sem
smíðað var fyrir fyrirtækið í Kína,
en það er fyrsta skipið sem smíðað
er þar í landi fyrir íslenska aðila.
Heimsigling Fossár frá Kína hófst
15. desember og var upphaflega
reiknað með um 50 daga siglingar-
tíma. Ágætlega gekk framan af en
skipið tafðist þó í nokkra daga á
Sikiley vegna olíutöku. Þegar til
kom hafði skipstjórinn pantað meiri
olíu á skipið en hægt var að koma á
tanka þess og upphófust þá vand-
ræði sem stóðu i nokkra daga og
snerust að einhverju leyti um litaða
olíu og ólitaða. Eftir að áhöfn
Fossár hafði staðið í stappi á Sikiley
var ferðinni haldið áfram. í gær var
skipið undan Vigo á Spáni í slæmu
veðri. Leiðin mun liggja til Kanarí-
eyja og þaðan verður siglt beint
heim. Reiknað er með að skipið
verði komið til heimahafnar á Þórs-
höfn eftir 10-14 daga. -gk
Beinin flutt
„Kjálkarýr“ strandaöi og drapst í Steingrímsfiröi áriö 1997
en var síðar dreginn til Húsavíkur.
Hvalamiðstöðin á Húsavík:
Kjálkarýr fær nýtt
DV. AKUREYRI:___
Nú er unnið af fullum krafti við
framkvæmdir í nýrri hvalamiðstöð
sem taka á í notkun á Húsavík á
næsta ári. Nýja miðstöðin verður í
„gamlá sláturhúsinu neðan við
Bakkann“ eins og sagt er á Húsavík.
Nýja húsnæðið verður 800 fer-
metrar að stærð, með möguleika á
helmingsstækkun síðar, en núver-
andi húsnæði miðstöðvarinnar er
um 200 fermetrar.
Ásbjörn Björgvinsson, forstöðu-
maður Hvalamiðstöðvarinnar, segir
að um 12 þúsund manns hafi komið
í miðstöðina á síðasta ári, auk fjölda
hópa skólabarna sem ekki greiddu
aðgangseyri. Hann segir það verða
algjöra byltingu fyrir miðstöðina að
komast í nýja húsið sem nú verður
byggt alveg upp. Það verður á
tveimur hæðum og í loftið yfir hluta
neðri hæðarinnar munu verða
hengdar beinagrindur af hvölum
sem safnið á. Þar á meðal er beina-
grind búrhvalsins „Kjálkarýrs" sem
strandaði og drapst í Steingríms-
firði árið 1997 en var síðar dreginn
til Húsavíkur. Hann var 12 metra
langur en nafngift sína hlaut hann
af því að verulega vantaði framan á
neðri kjálka hans. Bein „Kjálka-
rýrs“ hafa nú verið meðhöndluð
eins og vera ber, þau eru orðin hvít
og falleg og biða þess nú að verða
raðað saman og hengd upp í hinu
nýja húsnæði Hvalamiðstöðvarinn-
ar á næsta ári. -gk
DV-MYND SKÚU MAGNÚSSON.
Veiölmenn
Hreindýraveiöimenn flykkjast ekki beinlínis til landsins, aö best veröur séö. Hér eru menn aö flytja veiöina í flutningatæki.
Eftirspurn eftir hreindýraveiðileyfum þokkaleg:
Ekki útlit fyrir fleiri
erlenda veiðimenn
DV. EGILSSTODUM:_____________
Frestur til að sækja um hrein-
dýraveiðileyfi rann út 31. janúar.
Alls bárust 417 umsóknir en veiði-
kvótinn fyrir árið 2001 er 446 dýr
auk hreindýrakálfa sem fylgdu kúm
sem felldar voru. Kálfana ber að
fella sé þess nokkur kostur. AUs má
fella 232 tarfa og 214 kýr.
Ekki liggja fyrir upplýsingar að
svo stöddu um hvað sótt var um
marga tarfa á móti kúm í umsókn-
unum. Á tveimur veiðisvæðum, 6 og
8, er sóttum fleiri veiðileyfi en nem-
ur dýrunum sem leyfilegt er að fella
þar. Samkvæmt þessum umsóknum
er mun meiri eftirspurn eftir því að
komast á hreindýraveiðar hér á
landi en til dæmis í Noregi. Þar eru
veiðileyfi ódýrari en hér, en haft er
eftir norskum hreindýraveiðimönn-
um að lög og reglur geri það nánast
ómögulegt að komast á veiðar. Að-
eins þriðjungur veiðileyfa seldist í
Noregi árið 2000.
Hreindýraveiðar á Austurlandi
skapa nokkra atvinnu á meðan á
þeim stendur og telja fróðir menn
að mun meira mætti gera úr þessu
með betri skipulagningu og réttri
markaðssetningu erlendis. Hrein-
dýraráð auglýsir og sér um alla sölu
veiðiheimilda.
Skipting umsókna um veiðileyfi
á milli veiðisvæða er þessi:
Svæði 1 og 2:
Umsóknir 222, kvótinn 237 dýr.
Svæði 3:
Umsóknir 11, kvótinn 16 dýr.
Svæði 4:
Umsóknir 8, kvótinn 8 dýr.
Svæði 5:
Umsóknir 43, kvótinn 46 dýr.
Svæði 6:
Umsóknir 55, kvótinn 47 dýr.
Svæði 7:
Umsóknir 43, kvótinn 50 dýr.
Svæði 8:
Umsóknir 17, kvótinn 14 dýr.
Svæði 9:
Umsóknir 18, kvótinn 28 dýr
Veiðimenn verða að borga
veiðileyfin I síðasta lagi 1. apríl
2001, og fá þeir rukkun í pósti.
Verð á veiðleyfum eru misjöfn
eftir svæðum. Að sögn Karenar
Erlu Erlingsdóttur, starfsmanns
hreindýraráðs, falla alltaf ein-
hverjir út þegar kemur að því að
borga leyfin, hvort þau veröa
auglýst aftur eða ráðstafaö á ann-
an hátt er ekki ljóst sem stendur.
Um tíu útlendingar komu til
hreindýraveiða i fyrra og sem
stendur er ekkert útlit fyrir að
þeim fjölgi í ár. Um helming
veiðikvótans, 213 dýr, má fella á
svæði tvö, Snæfellssvæðinu. Þar
er veiðitíminn þriðjungi styttri
en á öðrum veiðisvæðum, þannig
að þar er oft mikill darraðardans
síðustu veiðidagana. Veiðitíminn
hefst almennt 1. ágúst og stendur
til 15. september nema á svæði
tvö eins og áður getur. Þar hefjast
veiðarnar ekki fyrr en 15. ágúst.
-SM