Dagblaðið Vísir - DV - 07.02.2001, Blaðsíða 24

28
MIÐVIKUDAGUR 7. FEBRÚAR 2001
Tilvera DV
1 1 f 1 ft
Minningar-
tónleikar um
Lárus Sveinsson
í kvöld kl. 20.30 verða haldnir
minningartónleikar um Lárus
Sveinsson trompetleikara í
Langholtskirkju. Fram koma
Sinfóníuhljómsveit íslands,
Kammersveit Reykjavíkur,
Karlakórinn Stefnir, Kór
Islensku óperunnar,
Reykjalundarkórinn,
Skólahljómsveit Mosfellsbæjar,
Sigrún Hjálmtýsdóttir og Anna
Guðný Guðmundsdóttir.
Klúbbar
■ BREAKBEAT.IS Jungle, drum &
bass og experimental breakbeat
tónar flæða um á Breakbeat.is
kvöldum Café Grófar.Fastlr plötu-
snúðar eru DJ Addi & DJ Eldar og
DJReynir.
Krár
■ HALLI REYNIS A GAUKNUM
Stórtrúbadorinn Halli Reynis kemur
alla leiö frá Danmörku til að spila á
Gauknum í kvöld.
Klassík
■ FLAUTUTONLEIKAR I SALNUM
Myrkir músíkdagar eru nú komnir í
gang og í kvöld klukkan 20 f Salnum
í Kópavogi verða haldnir tónleikar á
vegum Tónskáldafélags íslands.
Tónleikarnir bera yfirskriftina Norræn
20. aldar flaututónlist og hjónin
Guðrún S. Birgisdóttir og Martial
Nardeau leika bæði á flautu.
Leikhús
■ RAUÐA KLEMMAN Leikfélag Fé-
lags eldri borgara í Reykjavík, .
Snúður og Snælda, frumsýnir í As-
garði í Glæsibæ í dag, klukkan 17,
gamanleikritið Rauðu klemmuna eft-
ir Hafstein Hansson.
Fundir
■ FIJNDUR HJA VIÐSKIPTAFELAG-
INU JCC HOFÐA Febrúarfundur Við-
skiptafélagsins J.C.C. (Junior Cham-
ber of Commerce) Höfða veröur
haldinn í þingsal 8 að Hótel Loft-
eiðum klukkan 20.00. Gestur fund-
arins veröur Sigurjón Þór Kristjáns-
son, þróunarstjóri Flögu hf. Allir sem
hafa áhuga á starfsemi Viðskiptafé-
lagsins Höfða eru velkomnir á fund-
inn 7. Nánari upplýsingar fást á
heimasíðu félagsins, á www.vid-
skiptafelagid.is.
■ FYRIRLESTUR í
BREIÐHOLTSSKOLA I kvöld verður
fyrirlestur í hátíðarsal Breiðholts-
skóla á vegum foreldra- og
kennarafélags Breiðholtsskóla.
Ingólfur V. Gíslason fjallar um stöðu
íslenskra feðra í dag. Meðal annars
verður fjallað um verkaskiptingu á
heimili og stjórnunarstöðu konunnar.
■ NIÐURRIFSBÓKMENNTIR í
BORGARLEIKHUSINU I tilefni
sýningar Leikfélags Reykjavíkur á
leikritinu Öndvegiskonur eftir
Werner Schwab verður umræðu-
fundur í anddyri Borgarleikhússins
kl. 20 í kvöld. Þátttakendur verða
Úifhildur Dagsdóttir og Geir
Svansson. Magnús Þór
Þorbergsson segir frá skáldinu og
leikin verða atriði úr sýningunni.
Bíó
■ COEN-HATK) A Coen-hátíð Fil-
mundar í Háskólabíói verða í dag
sýnd myndin Blood Simple kl. 20 og
hátíðinni lýkur svo með frumsýningu
nýjustu myndar bræðranna, 0,
Brother, Where Art Thou kl. 22.30
Sjá nánar: Lífiö eftir vinnu á Vísi.is
Elías Níelsson, einkaþjálfari Halls, er bjartsýnn um árangur í átakinu:
Kannski ekki heimsmeistarar
- en náum árangri sem hann getur sætt sig við
DV-MYND Þ0K
Master í lífeðlisfræði
Elías Níelsson starfar sem elnkaþjálfari í Hreyfingu og nýtir þar þakgrunn
sinn í lífeölisfræöi og íþróttafræðum vel.
Elías Níelsson er einkaþjálfari í
Hreyfingu í Faxafeni og þjálfari Halls
Guðmundssonar sem lesendur DV
hafa fylgst með undanfarnar vikur.
Elías var tekinn tali og spurður um
leið hans að því að verða einkaþjálf-
ari.
Ætlaöi í lungnarannsóknir
„Ég lærði í Bandaríkjunum í Ala-
bama og tók þar BS- og mastersgráðu
í lífeðlisfræði og íþróttafræðum. Svo
hef ég líka tekið þessi grunnnámskeið
sem hægt er að taka hér í einkaþjálf-
un og eru skilyrði þess að maður fái
að vinna hér sem einkaþjálfari," segir
Elías en þegar hann hóf háskólanám
sitt stefndi hann á aðra hluti. „Ég
vann alltaf á Reykjalundi með nám-
inu og ætlaði mér að fara inn í
lungnarannsóknir og það svið en
launin á þeim vettvangi eru því mið-
ur þannig að ég varð að leita á önnur
mið svo ég ákvað að fara út í þennan
bransa.“
Elías rekur ásamt félag sínum litla
stöð í Mosfellsbæ sem var opnuð fyrir
þremur árum en starfar aðallega í
Hreyfmgu. „Ég byrjaði að starfa þar
sem áður hét Máttur árið 1989 og
vann þar með náminu og starfinu á
Reykjalundi."
Sinnir mörgu í Hreyfingu
Elías byrjaði í einkaþjálfun árið
1995 og var fyrsti einkaþjálfarinní
Mætti. „Svo kom þetta einkaþjálf-
arabúm sem núna er. Einkaþjálfun er
náttúrlega mjög góð en hún er lika
dýr og gefur vel af sér. Það mætti
kannski byggja þetta einkaþjálfar-
aumhverfi betur upp, t.d. hafa sjúkra-
þjálfarar verndað sitt svæði mjög vel.
Hér geta nánast allir farið á einka-
þjálfaranámskeið og gerst þjálfarar og
auðvitað er fullt af góðu og vel mennt-
uðu fólki í þessum hópi en góð grunn-
menntun skiptir mjög miklu máli í
svona þjálfun."
Auk þess að sinna einkaþjálfuninni
sér Elías um tækjasalinn í Hreyfingu,
allar mælingar og Slökkviliðið. Auk
þess hefur hann þjálfað gegnum tíðina
FjöNkyWumál
landslið, golílandslið, handboltalands-
lið og fótboltalandslið.
-'Mr
LEIÐ TIL BETRA LÍFS
Góðir hlutir gerast hægt
Elías segist ekki oft fá til sin verk-
efni eins og Hall. „Það þarf talsverðan
kjark fyrir mann eins og hann að
hefja svona átak. Það eru komnir inn
ýmsir áhættuþættir eins og hjarta- og
æðasjúkdómar sem eru orðnir óþarf-
lega miklir miðað við aldur, blóð-
þrýstingur, svefntruflanir og ýmislegt
fleira."
Elías segir að svona samstarf hafi
leitt margt gott af sér. „Ég hef samt
ekki sigrað heiminn með þessum
mönnum. Ég hef ekki klárað verkefn-
ið enn þá en þeir koma aftur og eru
alltaf að vinna í sínum málum. Svona
verkefni er algert þrekvirki," segir El-
ías.
Elías leggur mikla áherslu á að góð-
ir hlutir gerast hægt. Hann segist ekki
hafa mikla trú á skyndilausnum þeg-
ar um er að ræða að takast á við að ná
af sér mörgum kílóum, þótt ýmsum
hafi vissulega tekist að ná af sér
mörgum kílóum á stuttum tíma með
góðum árangri. „Ég held að Hallur sé
mjög sterkur karakter og við erum
sammála um að byrja á að taka eitt ár
og sjá svo hvar við stöndum þá. Von-
andi verðum við ánægðir með árang-
urinn þá en ef ekki, þá það, svo lengi
sem við erum að ná árangri. Við erum
með mælanlega þætti eins og þolpróf,
ummál og fitumælingu en þetta snýst
líka mikið um það hvernig fólki líð-
ur.“
Mikil hætta hjá kyrrsetufólki
Elías segir að hættan á að fitna sé
mikil hjá mönnum sem vinna mikið
og vinna kyrrsetustörf. „Menn eru
kannski að færa matinn aftar og aftar
af því að þeir mega ekki vera að því
að borða. Svo koma þeir þreyttir heim
og glorhungraðir og það hverfur
kannski einn kexpakki á leiðinni að
matarborðinu, kannski 500 kaloríur
og þá eiga menn eftir að borða og
klukkan er kannski orðin 10 um
kvöld. Þetta er bara alger vítahring-
ur.“
Elías lætur vel af samstarfmu við
Hall og er bjartsýnn um árangur. „Ég
hef trú á honum. Við verðum kannski
ekki heimsmeistarar en ég held að við
munum ná árangri sem hann getur
sætt sig við.“ -ss
íSíBbs i s'
í hvert mál
Þórhallur
Heítnisson
skrifar um
fjölskyldumál á
miövikudögum
Bjór
Um eitt eru Svíar og Danir sam-
mála þótt þeir séu ósammála um
áfengissölu. Það er að halda uppi
velferðarkerfi sem tryggir fjölskyld-
unum margfalt betri skilyrði en ís-
lenskar fjölskyldur eiga að venjast.
Væri nú ekki verðugra verkefni fyr-
ir hina þróttmiklu og framkvæmda-
sömu þingmenn okkar, að vinna að
því að innleiða slíkt kerfi hér á
landi, fremur en að setja bjór og
vinsölu til hagsmuna fyrir verslun-
ina í forgangsröð? Eða er ekki ung-
lingadrykkjan næg samt?
Enn einu sinni er komin upp um-
ræða í þjóðfélaginu, um hvort ekki
sé rétt að heimila sölu á bjór og
léttu víni í matvöruverslunum. Að
þessu sinni eru það nokkrir ágætir
alþingismenn sem hafa tekið sér
fyrir hendur að semja frumvarp
varðandi þetta þjóðþrifamál. Helstu
rök þingmannanna fyrir þessu
framtaki sínu virðast vera þau, að
með sölu bjórs og léttra vína í mat-
vöruverslunum aukist þjónustan
við neytandann. Neytandinn getur
þá nálgast vöruna hvar sem matur
er seldur, þess vegna í hverri sjoppu
um land allt. Hagur verslunarinnar
af áfengissölunni er síðan réttlátur
bónus fyrir veitta þjónustu.
Sumir hafa að visu mótmælt
þessu frumvarpi með þeim rökum
að aukinn aðgangur þýði aukna
neyslu, sérstaklega meðal barna og
unglinga. Því hefur þá verið svarað
til af stuðningsmönnum frumvarps-
ins að svona sé þetta nú í útlöndum,
t.d. á hinum Norðurlöndunum. Úr
því að Danir geti þolað bjór og létt-
vín í matvöruverslunum, ættum við
þá ekki að þola það líka? Þjónustan
við neytandann á að sitja í fyrir-
rúmi.
Fyrir nokkrum árum dvaldi ég
við nám í Danmörku, nánar tiltekið
á heimavistarskóla á Jótlandi. Skól-
inn var staðsettur uppi i sveit og
töluverður spotti í næstu sjoppu og
verslun. Þess vegna var búið að
koma upp sjálfsölum á vistinni,
nemendum til hægðarauka. Þar var
hægt að kaupa kex, samlokur og
sælgæti eins og gengur. Og að sjálf-
sögðu bjór! Aftur á móti var ekki
hægt að kaupa kók eða aðra gos-
drykki. Ég þurfti þess vegna að fara
í strætó í langferð til að komast i
kókið. Á skólanum þótti ekkert til-
tökumál þótt nemendur jafnt sem
kennarar fengju sér bjór með mat
eða í annan tíma. Kom það stundum
niður á kennslu þótti okkur að-
komufólkinu. En heimamenn
kipptu sér ekki upp við slíkt.
Þannig var og er nefnilega málið
vaxið i Danmörku, að engar sérstak-
ar reglur í gilda um sölu bjórs og
léttvíns. Allir geta keypt það sem
þeir vilja, þar sem þeir vilja. Neyt-
andinn er í fyrirrúmi eins og þing-
mennirnir okkar góðu leggja höfuð-
áherslu á í frumvarpinu marg-
nefnda. Og Danir kunna vel að meta
það. Margir! En það fylgir böggull
skammrifi. Hvergi á Norðurlöndum
er áfengissýki meöal ungs fólks jafn
algeng og i Danaveldi, þótt ekki slái
Danir við Frökkum og öðrum þjóð-
um sunnar i álfunni í þeim efnum.
Frændur okkar Svíar hafa aftur á
móti sama háttinn á og við hér uppi
á íslandi. Hjá sænskum selja menn
áfengi í sérstökum áfengisverslun-
um á vegum ríkisins er heita „Sy-
stembolaget". Þegar Svíar gengu í
Evrópusambandið settu þeir sem
skilyrði fyrir inngöngu að þeir yrðu
ekki neyddir til að gefa áfengissölu
frjálsa. Þeir höfðu það fyrir satt að
aukinn aðgangur að áfengi myndi
auka neyslu hjá öllum aldurshóp-
um, sérstaklega unglingum og börn-
um. Og studdu það gildum rökum.
Þess vegna gáfu Svíar markaðinum
langt nef og héldu sig við „System-
bolaget" sitt. Því enginn veit hvað
átt hefur fyrr en misst hefur.
Ýmislegt er gott við ábendingar
þingmanna okkar sem hafa lagt
fram frumvarpið um bjórinn og létt-
vínið á Alþingi. Þeir hafa t.d. sýnt
fram á í fjölmiðlum að mai-gt má af
frændum okkar og nágrönnum
læra. Og um eitt eru Svíar og Danir
sammála þótt þeir séu ósammála
um áfengissölu. Það er að halda
uppi velferðarkerfi sem tryggir fjöl-
skyldunum margfalt betri skilyrði
en íslenskar fjölskyldur eiga að
venjast. Væri nú ekki verðugra
verkefni fyrir hina þróttmiklu og
framkvæmdasömu þingmenn okk-
ar, að vinna að því að innleiða
slíkt kerfi hér á landi, fremur en
að setja bjór og vínsölu til hags-
muna fyrir verslunina í forgangs-
röð? Eða er ekki unglingadrykkjan
næg samt?