Dagblaðið Vísir - DV - 12.02.2001, Blaðsíða 17

16
MÁNUDAGUR 12. FEBRÚAR 2001
MÁNUDAGUR 12. FEBRÚAR 2001
33
Útgáfufélag: Frjáls fjölmiBlun hf.
Stjórnarformaöur og útgáfustjóri: Sveinn R. Eyjólfsson
Framkvæmdastjóri og útgáfustjóri: Eyjólfur Sveinsson
Rltstjórar: Jónas Kristjánsson og Óli Björn Kárason
Aöstoöarritstjóri: Jónas Haraldsson
Auglýsingastjóri: Páll Þorsteinsson
Ritstjórn, skrifstofur, auglýsingar, smáauglýsingar, blaöaafgreiðsla, áskrift:
Þverholti 11,105 Rvík, simi: 550 5000
Fax: Auglýsingar: 550 5727 - Ritstjórn: 550 5020 - Aðrar deildir: 550 5999
Græn númer: Auglýsingar: 800 5550. Áskrift: 800 5777
Stafræn útgáfa: Heimasíða: http://www.skyrr.is/dv/
Vísir, netútgáfa Frjálsrar fjölmiðlunar: http://www.visir.is
Ritstjórn: dvritst@ff.is - Auglýsingar: auglysingar@ff.is. - Dreifing: dvdreif@ff.is
Akureyri: Strandgata 25, sími: 462 5013, blaBam.: 462 6613, fax: 461 1605
Setning og umbrot: Frjáls fjölmiðlun hf.
Plótugerö: isafoldarprensmiðja hf. Prentun: Árvakur hf.
ÁskriftarverB á mánuBi 2050 kr. m. vsk. Lausasöluverð 190 kr. m. vsk., HelgarblaB 280 kr. m. vsk.
DV áskilur sér rétt til aö birta aðsent efni blaösins í stafrænu formi og í gagnabönkum án endurgjalds.
DV greiöir ekki viömælendum fyrir viðtöl við þá eöa fyrir myndbirtingar af þeim.
Tónn bjartsýninnar
Davíð Oddsson forsætisráðherra sló á strengi bjart-
sýninnar á viðskiptaþingi Verslunarráðs íslands síðast-
liðinn fimmtudag. „Uppgangurinn hefur verið mikill
undanfarin ár og eðlilegt er að við horfum bjartsýn
fram á veginn,“ sagði ráðherra en hafði uppi varnaðar-
orð: „Að sjálfsögðu ber okkur um leið að sýna fulla að-
gát og taka alvarlega ábendingar um viðskiptahalla og
þá veikleika sem kunna að leynast í f]ármálakerfinu.“
Forsætisráðherra hefur rétt fyrir sér þegar hann var-
ar við svartsýnishjali enda engar forsendur fyrir slíku:
„En höfum það hugfast að dómsdagssölumenn og svart-
sýnisprangarar munu aldrei veita góða leiðsögn þegar
sigla þarf djarft og örugglega.“
Trúin á framtiðina er ein af undirstöðum efnahags-
legrar velsældar. Á þessa staðreynd hefur oft verið bent
á hér á þessum stað um leið og varað hefur verið við
svartsýni og bölmóði. Skilaboð forsætisráðherra á við-
skiptaþingi eru í takt við það sem sagt var í leiðara DV
10. janúar síðastliðinn: „En þó engin ástæða sé til að
fara á taugum eða taka undir svartsýnishjal er nauð-
synlegt að stjórnvöld geri viðeigandi ráðstafanir. Að
líkindum hefur svigrúm til vaxtalækkana verið að
myndast á undanförnum vikum og þar skiptir mestu að
Seðlabankinn taki ákveðin skref. En á sama hátt er
nauðsynlegt fyrir ríkisstjórnina og íjármálaráðherra
sérstaklega að skoða möguleika þess að grípa til um-
fangsmikilla skattalækkana á fyrirtæki til að örva efna-
hagsstarfsemina enn frekar.“
Mikil umræða hefur verið að undanförnu um nauð-
syn þess að Seðlabankinn lækki vexti og hefur Ari Ed-
wald, framkvæmdastjóri Samtaka atvinnulífsins, með-
al annars tekið undir með þeim sem telja rétt að vext-
ir lækki. Svo virðist sem forsætisráðherra sé sama
sinnis enda boðar hann vaxtalækkanir um leið og
stjórnvöld hafa sannfærst um að verulega hafi dregið
úr þenslu og verðbólgu. Af orðum ráðherrans má ráða
að hann telji vaxtalækkun ekki timabæra að sinni en
að hún sé ekki langt undan. Þetta er í samræmi við
væntingar aðila á fjármálamarkaði eins og nýlegt útboð
á ríkisbréfum sýnir. Gleðilegt er að forsætisráðherra
skuli skynja nauðsyn þess að vextir verði lækkaðir
enda geta hvorki fyrirtæki eða heimili staðið til lengri
tíma undir jafnháum vöxtum og nú er.
Gleðilegustu skilaboð Davíðs Oddssonar á viðskipta-
þingi voru hins vegar um hugsanlegar skattalækkanir,
en eins og hann benti á hefur reynslan af umfangsmikl-
um skattalækkunum á fyrirtæki gefið góða raun og
virkað sem vítamínsprauta á íslenskt efnahagslíf.
„Myndarlegar skattalækkanir ... myndu sennilega
verða fyrirtækjunum og þó einkum ríkissjóði til enn
meiri ávinnings. Fyrirtækin fengju þá aukna burði til
að standa undir góðum launum starfsmanna sinna.
Þessi kostur hlýtur því að koma til góðrar skoðunar.“
Gangi rikisstjórn Sjálfstæðisflokks og Framsóknar-
flokks til verka í samræmi við boðskap forsætisráð-
herra er ekki ástæða til að hafa áhyggjur af framtið-
inni. Hagfræðingar geta haldið áfram að reikna út að
hagvaxtarskeiðinu sé lokið, en almenningur og fyrir-
tæki fyllast þrótti. Og ekki yrði það í fyrsta skipti sem
hagfræðingum tekst illa upp í reikningslistinni.
Óli Björn Kárason
I>V
Skoðun
Opinberar aftökur
Fyrir rúmri öld
skemmti lýðurinn sér við
að horfa á opinberar af-
tökur í úthverfum ná-
lægt hreysum hans. Al-
menningur naut þess að
sjá ræfla af sinni stétt
gerða höfðinu styttri í
nafni ríkjandi réttlætis. í
því var dægradvöl enda
engir fjölmiðlar til að
hafa ofan af fyrir honum
og vekja réttlætiskennd
með því að birta niður-
stöður rannsókna t.d. á
því hvað er mikill munur
á verði á sveppum í Reykjavík og
London.
Morð fyrir alla ■ ■■
Fyrir miðbik síðustu aldar, næst-
um fram á okkar daga, var hug-
myndum um sakborning og böðul
snúið við af nasistum og kommúnist-
um með Alþýðudómstólum þar sem
„fólk með heilbrigða dómgreind"
fékk að refsa borgurunum. Aðferðin
var vart úr sögunni meö komu sjón-
varpsins þegar auðvaldið uppfyllti
aftökuþörf almennings í nýrri mynd
Guöbergur
Bergsson
rithöfundur
og með stórbrotnum verslun-
arhætti: Morð, dauði, aftökur
urðu daglegir viðburðir á
skjánum fyrir fullorðna, en
börn beðin að fara í háttinn og
sjá þetta í saklausum draumi.
Hagur strympu
Framsóknar
Yfirlið Ingibjargar heil-
brigðisráðherra var á sinn
hátt í ætt við ofangreint og
endurtekið í sjónvarpinu svo
allir mættu sjá, og ekki bann-
að börnum innan tólf ára. Við
það hækkaði hagur strympu
Framsóknar i skoðanakönnun en
„böðullinn" Össur og flokkurinn
misstu atkvæði, þótt hvorugur kæmi
nálægt „aftöku" frúarinnar. Kjósend-
ur treystu henni, flokki hennar, bet-
ur eftir yfirliðið. Fólk virðist þannig
ekki hafa breyst í aldanna rás, þótt
allir séu nú skólagengnir og fæddir í
sófastétt.
Kjósendur bíða spenntir eftir aft-
urkomu frúarinnar, sem sagðist í
blaðaviðtali bíða eftir „grænu ijósi
frá læknum". Fram að aðsvifinu tók
hún ekkert mark á rauðu ljósi frá
„Á almenningur að böðlast áfram og virða engin rauð
Ijós fyrr en hann fær aðsvif í þeirri beinu útsendingu
sem hann kemst aldrei í sjálfur en þarf að horfa á aðra
í henni öll kvöld í von um hjartaslag? - Hvemig á að
skilja orð frú Ingibjargar, heilbrigðisráðherra og hjúkr-
unarfrœðings?“ - Ráðherra í beinmælingu.
þeim og hlustaði ekki heldur á „að-
varanir líkamans".
Ágætis forvarnarprógramm
Við þetta kemur í ljós afar merki-
legt: Almenningur treystir best heil-
brigðisráðherra sem tekur ekkert
mark á læknum, þótt hjúkrunarfræð-
ingur sé, en það er víst ekkert nýtt í
því fagi.
Skipulagsmál - ekki flugvallarmál
- opiö bréf til samgönguráðherra Sturlu Böðvarssonar
Ég er einn fjölmargra sjálfstæðis-
manna í Reykjavík sem erum í sam-
tökunum 102 Reykjavik. Ég hef drep-
ið niður penna um svonefnt flugvall-
armál. Það er að mínu mati rang-
nefni. Betur færi á því að málið væri
réttnefnt og kallað: Skipulagsmál til
heilla ungmenna íslands í bráð og
lengd.
Ummæli flugmálastjóra
Aðalefni bréfs þessa er að fá svör
hjá þér um nokkur atriði sem virð-
ast aldeilis ekki koma heim og sam-
an í allri þessari umræðu. Ég sný
mér til þín þar sem ég veit að vand-
aðir menn skipa hvert rúm í stjórn-
arliði okkar sjálfstæðismanna.
Nokkuð er ég viss um að á þessu eru
hinar einfoldustu ástæður en þar
sem ég er ekki nema í minna lagi
spakvitur er mér ómöglegt að koma
auga á skýringu, svona án hjálpar.
Málið er nefnilega það að þegar
undirbúningur þess jarðvegs sem
nauðsynlegur var á Alþingi til að fá
fjármuni úr höndum fastheldins fjár-
málaráðherra, voru kvaddir til
nokkrir „sérfræðingar“ á hinum
ýmsu sviðum. Einn þeirra var flug-
„Flugstjórinn benti á að rétt hafi verið hjá mér í fyrri
grein að vélin hafði verið fremur lítt hlaðin, en aðalat-
riði málsins væri að Reykjavíkurflugvöllur þolir 757
flugvél með fullri lendingarþyngd og gœti því auðveld-
lega komið að notum sem varaflugvöllur.“ - 757-200
flugvél á Keflavíkurflugvelli.
Með og á móti
málastjóri. Sá kvað upp úr um
það, alvarlegur mjög í bragði,
að vöflurinn væri stórhættuleg-
ur flestum flugvélum og undir-
lag brauta væri það veikt - nær
eingöngu klár mýri - að ekki
dygði að styrkja slitlag og láta
þar við sitja, völlurinn þyldi
þannig ekki meðalstór flugfor.
Frá Alþingi til
fjármálaráðherra
Auðvitað fórst þú með þessar
upplýsingar inn á Alþingi og
tjáðir þingheimi að þar talaði
sá sem vitið hefði á öllum þess-
um málum og sérfræðingar allir til-
kvaddir töluðu einum róm. Alþingis-
menn tóku gott og gilt og heimiluðu
hinum fastheldna fjármálaráðherra
fjárútlát í þessu skyni. Fyrst til
hönnunar nýrra flugbrauta með
akstursleiðum með fram brautum og
öllu tilheyrandi. Næst fékkst nokk-
urt fé til að bjóða út verkið, en ekki
voru menn að fara í neitt umhverfis-
mat eða svoleiðis pjatt og skil ég þá
afstöðu nokkurn veginn.
Næst var okkur greiðendum
skatta gert að láta fé í byggingar
flugbrauta og akbrauta.
Kom svo að því að svonefnd aust-
ur/vesturbraut var tilbúin. Þá bregð-
ur svo við að ein stærsta flugvél í ís-
lenska flugflotanum lendir á Reykja-
víkurflugvelli. Undirrituðum þótti
kynlegt að þetta gerðist rétt í þann
mund sem fyrirhuguð atkvæða-
greiðsla átti að verða og umræðan í
góðum gangi.
Flugstjórinn á 757 vélinni
Þá bar svo við að flugstjóri þessar-
Bjarni
Kjartansson
/ samtökunum 102
Reykjavík, og einnig í
Sjálfstæöisflokknum
ar flugvélar brást hið
snarasta við og leiðrétti
misskilning minn um
gerð flugvélarinnar og
um veðurskilyrði. Ég er
honum ævinlega þakk-
látur þar sem betra er
að vera fávís í stutta
stund en langa. - í þess-
ari grein, sem téður
flugstjóri skammaði
mig blóðugum skömm-
um fyrir að vera með
bévaðar samsæriskenn-
ingar, kom fram tilefni
bréfsins.
Flugstjórinn benti á, að rétt hafi
veriö hjá mér i fyrri grein, að vélin
hefði verið fremur lítt hlaðin, en að-
alatriði málsins væri að Reykjavík-
urflugvöllur þolir 757 flugvél með
fullri lendingarþyngd og gæti því
auðveldlega komið að notum sem
varaflugvöliur.
Sko, ég bara skil þetta ekki. Sami
maöur - sem gefur fjárveitingarvald-
inu, borgarstjórn, ráðherra sam-
göngumála og að ekki sé talað um al-
menning (og svona litla körlum eins
og t.d. mér) upplýsingar um að völl-
urinn þoli bara ekki nokkurn skap-
aðan hlut - ber ábyrgð á þeirri stofn-
un sem setur í flugbækur (“notam“)
þeirra flugstjóra sem bera ábyrgð á
fari, farþegum og farmi að vöflurinn
sé nægilega höggþolinn til að geta
tekið við 757-200 flugvél með fullri
lendingarhleðslu.
Ég bið þig svara mér og öðrum
þessu áður en gengið verður til at-
kvæða um framfaramálið - þú
manst!
Bjami Kjartansson
avettvangi eftir HM í Frakklandi?
Miklar framfarir komu Hafði töluverðar áhyggjur
j „Margir leikir á
JKL heimsmeistara-
B mótinu voru gríö-
arlega vel leiknir.
Þar fengum við að
sjá handbolta í hæsta gæða-
flokki. Það er enginn vafi á
því að hanboltinn er í sókn
og handboltinn á HM var
íþróttinni til framdráttar svo
ekki sé talað um til lengri
tíma litið. Handboltinn í
mörgum leikjum var hraður,
skemmtilegur og ekki síst
teknískur. Frakkar náðu fram úr
skarandi árangri þótt þeir hefðu ekki
Þorbergur
Aðalsteinsson
handknattleiks-
þjálfari
mjog
teflt fram sínu sterkasta liði.
Júgóslavar og Egyptar eru
greinilega á réttri leið með
sín lið og komu fram með
margt nýtt. Svíar eru alltaf
góðir þótt sterkir menn hefðu
setið heima. Við íslendingar
sitjum eftir, bæði hvað varð-
ar sóknina og vörnina, nema
skyldi að við ættum ekki
nógu sterka einstaklinga. Það
er alveg ljóst að við þurfum
að spýta í lófana, setjast nið-
ur og marka stefnu til 3-4 ára. Um
hana verður síðan að vera sátt í
hreyfmgunni."
>,Ég get nefnt sem
I dæmi að á HM
1999 í Egyptalandi
^ varð ég fyrir mikl-
um vonbrigðum.
Þar kom fátt nýtt fram og
maður var að sjá sömu and-
litin og sex árum áður.
Endurnýjunin var engin og
þetta olii manni áhyggjum
hvað íþróttina varðaði. Mér
finnst enn fremur alþjóðafor-
ystan hafa sofið á verðinum
og ekki unnið handboltanum mikið
gagn.
Handboltinn er flott sjónvarpsefni,
Arnar
Björnsson
íþróttafréttamaöur
á Stöö 2
hröð íþrótt og mikið að ger-
ast. Því spyr maður sig af
hverju er handboltinn ekki
vinsælli. Ég sá vonameista
eftir keppnina i Frakklandi
og þar sýndist manni margt
áhugavert að gerast. Það er
vonandi að ný IHF-forysta
brettti upp ermarnar og geri
eitthvað gott fyrir handbolt-
ann.
Það er einnig ljóst að íslensk-
ur handbolti hefur verk að
vinna og við erum að dragast aftur
úr. Það verður að staldra við og
finna leiðir til úrbóta."
1 sama viðtali segir Ingibjörg að
aðsvifið „hafi verið ágætis forvarnar-
prógramm". Liklega gerir ráðuneyt-
ið átak með auglýsingaherferð þar
sem frúin verður afltaf að fá aðsvif af
því hún hlustar hvorki á lækna né
líkama sinn. Hún verður endalaust
„í sinni eigin aftöku" á skjánum eins
lengi og til er á íslandi maður eða
kona sem tekur engum sönsum og
hunsar öll rauð ljós.
Kjörorð að leiðarljósi?
Hvernig á að skilja orð frú Ingi-
bjargar, heilbrigðisráðherra og
hjúkrunarfræðings? Á almenningur
að böðlast áfram og virða engin rauð
ljós fyrr en hann fær aðsvif i þeirri
beinu útsendingu sem hann kemst
aldrei í sjálfur en þarf að horfa á
aðra í henni öll kvöld i von um
hjartaslag?
Á fólk að kjósa yfir sig þann sem hef-
ur að leiðarljósi kjörorð á borð við
þetta: Hunsaðu aðra. Þekktu ekki sjáif-
an þig? Taktu mark á þeim sem taka
ekki mark á öðrum en allra síst á sjálf-
um sér- Ömurlegri getur íslensk
stjómmálaheimspekin varla orðið.
Guðbergur Bergsson
Frakkar stóðu vel aö heimstarakeppninni í handknattleik sem nú er nýlokiö. Margir eru þeirrar skoöunnar aö handboltinn hafi fengiö góöa kynningu og aö
íþróttin sé í sókn eftir lægö síöasta áratug. Keppnin fékk góöa umfjöllun í fjölmiölum hvarvetna, meira en oft áöur, og margir leikir sýndir beint í sjónvarpi.
frá Alþingi
„íslenzk laga-
smíð er iðulega
hrákasmíð. Sér-
staklega á þetta við
á sviði stjórnsýslu-
réttarins. Oft hafa
mér blöskrað þau
ólög, er Alþingi
hefir látið frá sér
fara á þessu sviði. Sérstaklega á þetta
við, þegar verið er að marg-klastra
við eldri lög, þannig að úr verður
óskiljanlegur óskapnaður... Það virð-
ast vera álög á íslenzkum laga- og
reglugerðarsmiðum að geta ekki með
nokkru móti komið frá sér skýrri
hugsun með ótvíræðum texta.“
Magnús Thoroddsen hæstaréttarlög-
maBur, í Mbl. 9. febrúar.
Útvarpsráö framtíðar
„Ég tel að nú sé
lag að flokkurinn
skipi stóran starfs-
hóp til að fjalla um
umhverfismál. Mið-
hálendi íslands er
auðlind og perla
sem vart á sinn
líka 1 veröldinni...
Ég vil minnka áhrif stjórnmálaflokka
og pólitikin á ekki að skipa útvarps-
ráð. Ég tel að félög fólksins í landinu,
almannahreyfmgar og atvinnulífið eigi
að skipa útvarpsráð framtíðarinnar.
Ríkisútvarpið á að verða útvarp þjóð-
arinnar og stjómað af henni.“
GuBni Ágústsson landbúnaBarráö-
herra, í Degi 9. febrúar.
Ráðherra og flugvöllur
„Það vekur óneit-
anlega athygli með
hvaða hætti ráð-
herrann nálgast
flugvallarmálið. Er
þar allt á eina bók-
ina lært... Ráðherr-
ann virðist einfald-
lega ekki horfast í
augu við þá staðreynd að flugvallarmál-
ið er nú í höndum borgarbúa og það er
við þá sem hann þarf að eiga orðastað
og það er þeirra dómgreind sem hann -
eins og aðrir - verður að treysta."
Ingibjörg Sólrún Gísladóttir borgar-
stjóri, f Mbl. 9. febrúar.
Klassíkin róar
Þegar sá er þetta ritar er staddur í
Reykjavík stillir hann oftast á FM-
106,8, sem er útvarpsstöðin Klassík,
enda notalegt að hlusta á klassíska
tónlist í þessari stressuðu umferð í
Reykjavík; síbyljustöðvarnar æsa bara
upp. Þvi miður heyrist Klassík ekki á
landsbyggðinni, en mikið væri það nú
notaleg sending að sunnan ef það yrði
staðreynd innan tíðar."
Geir A. Guösteinsson blm.,
f Degi 9. febrúar.
Hagsmunir gróður-
húsaáhrifa
Það var eiginlega
búið að lofa okkur
miklum gróðurhúsaá-
hrifum fyrir nærri ein-
um og hálfum áratug -
hækkandi hita af völd-
um koltvísýrings frá
eldsneytisbrennslu
manna. Bjartsýnustu
íslendingar sáu fyrir
sér haflsinn hverfa
langt norður í hafs-
auga, hlýjan sjó með
fiskgengd og vaxandi
uppskeru. Fyrir 2 ára-
tugum tók breska
Thatcher að nýta sér
Friörik
Daníelsson
efnaverkfræöingur
járnfrúin
gróðurhúsa-
áhrifin til þess að fá athygli heims-
leiðtoga (hún er efnafræðingur og
gat talað af myndugleik), hún þurfti
líka að klekkja á kolanámumönnum
og loka kolanámum en afsaka meira
fjármagn til kjarnorkurannsókna.
Fleiri spámenn komu fram með
svipaðan boðskap, sumir þeirra
höfðu reyndar spáð kulda og ísöld
um hálfum áratug áður. En minna
hefur orðið um efndir, hvort sem er
um ísöldina eða gróðurhúsaáhrifin.
Það er ekkert heitt
Annað slagið berast fréttir um að
stöðugt sé að hitna. Komið hefur í
ljós í seinni tíð að hitamælingar eru
víða ruglaðar af „malbiksáhrifun-
um“, það er hitaútstreymi frá stór-
borgum sem hafa vaxið út fyrir
mælistaðina. En þar sem mælingar
eru áreiðanlegar er ekki neina
óvenjulega hitahækkun að sjá, til
dæmis í Bandaríkjunum, Síberíu eða
á suðurpólnum. Þvert á móti. Þróuð-
ustu mælitækin, gervihnettirnir,
sýna ekki upphitun loftslags.
Gróðurhúsaáhrifin eru svo aum-
ingjaleg á Islandi að síðasti áratugur
aldarinnar var kaldari en áratugirn-
ir frá 1936-1960 (árið 1940 var losun
gróðurhúsaloftegunda um 1/6 af því
sem er nú). Þetta eru vonbrigði af
því að sólarstyrkurinn var í há-
marki í fyrra og nær ekki næsta há-
marki fyrr en 2011. Áhrif koltvísýr-
ingsins eru svo lítil að þau finnast
illa. Kannski ekki furða, því það er
rakinn í loftinu sem veldur meir en
90% af gróðurhúsaáhrifunum.
Vísindamenn í gíslingu
Þegar stjórnmálamenn (aðallega
Brussel og A1 Gore) voru búnir að
taka gróðurhúsamálið upp á sína
arma var stjórnarerindrekum falið að
koma á fót „loftslagssamningum". Ný-
lega kom nefnd á vegum stjórnarer-
indrekanna fram með „vísinda-
niðurstöður" og varaði við mik-
illi upphitun loftslags, 1,4-5,8
gráður á næstu öld. Sagt var að
vísindamenn hefðu komist að
samkomulagi um niðurstöðuna.
Síðar kom i ljós að sumir vísinda-
mannanna könnuðust ekkert við
„vísindaniðurstöðurnar". Breska
ríksiútvarpið (http://news.
bbc.co.uk./hi/ english/sci/tech/)
hafði eftir einum gagnrýnum vis-
indamanni, Philip Stott, prófess-
_ or við Lundúnaháskóla, „að í sið-
asta mánuði hefðu alvarlegar vís-
indarannsóknir grafið undan öllum
grundvelli spádómanna".
Grænmeti úr mengun
Grænmetið sem við borðuðum
með kvöldmatnum í gær var fram-
leitt úr „mengun". Gróöurhúsa-
bændur blása „mengun" (koltvísýr-
ingi) inn í gróðurhúsin þegar þeir
vilja fá aukinn vaxtarhraða. Það
kemur nefnilega í ljós að jurtir jarð-
ar lifa á koltvísýringi (þetta stóð víst
í skólabókunum), og það sem meira
er, jurtirnar eru svo sólgnar 1 koltví-
sýringinn að þær taka að soga hann
mun hraðar úr loftinu þegar hann
eykst. Það þýðir að hann getur aldrei
aukist i loftinu nema að vissu marki.
Hvar það mark er vita vísindamenn
reyndar ekki.
En jafnvel þótt mennimir gætu
brennt upp öllum eldsneytisforðan-
um í jörðinni (um 10.000 gígatonn-
um) á einum degi, yrði koltvísýring-
urinn ekki nema 0,5% af andrúms-
loftinu þann daginn, svipað og var á
dögum risaeðlanna (þá var hin
mesta gróskutíð).
Heimur í herkví sérhagsmuna
„Loftslagssamningar" þjóna ekki
hagsmunum íslendinga, né heldur
þróunarlanda eða margra annarra
sem vilja byggja upp atvinnu og lífs-
gæði. Þeir þjóna hagsmunum stjórn-
málamanna sem fá atkvæði út á þá.
Kjarnorkuiðnaðurinn og jafnvel
jarðgasframleiðendur eru gengnir í
liðið. Evrópusambandið, þar sem
jarðefnaeldsneytisframleiðsla dregst
saman hvort sem er, verður með í að
koma yfirþjóðlegu haftakerfi á
heimsbyggðina, í stíl gömlu evr-
ópsku heimsveldanna.
Umhverfishreyfingar safna fé út á
hræösluáróðurinn. Margir „vísinda-
menn“ hafa atvinnu af honum. Stór-
fyrirtækin, sem geta keypt „losunar-
kvótann", fá meiri fáokun. Svo vitn-
að sé aftur í viðmælendur breska
ríkisútvarpsins „ - það er hagsmuna-
hópur sem græðir á áróðri og rann-
sóknum um hnatthitun Fjölmiðl-
ar fá meira áhorf á æsifréttir en ag-
aða umfjöllun. Þar eru hagsmunir
gróðurhúsaáhrifanna.
Friðrik Daníelsson
„Loftslagssamningar“ þjóna ekki hagsmunum íslend-
inga, né heldur þróunarlanda eða margra annarra sem
vilja byggja upp atvinnu og lífsgœði. Þeir þjóna hags-
munum stjórnmdlamanna sem fá atkvœði út á þá. “ -
frá ráðstefnu í Haag um mengun og gróðurhúsaáhrif.
Samningamaður fœr óblíðar móttökur.