Dagblaðið Vísir - DV - 19.02.2001, Page 6

MÁNUDAGUR 19. FEBRUAR 2001
Fréttir
DV
Nýr þingflokksformaður Samfylkingarinnar:
Evrópuiiiálm
gætu orðið
lykilatriði
- útilokar þó ekki samstarf við VG
Bryndls Hlöðversdóttir hefur tek-
ið við þingflokksformennsku Sam-
fylkingarinnar af Rannveigu Guð-
mundsdóttur. Menn velta eðlilega
fyrir sér ástæðum þessara tilfær-
inga og hvort frekari uppstokkun sé
í bigerð.
„Aðdragandinn að þessu er sá að
Sighvatur Björgvinsson, okkar
reyndasti þingmaður, hverfur til
annarra starfa, en hann sinnti
ákveðnum trúnaðarstörfum fyrir
okkur í þinginu. í kjölfar þess
óskaði Rannveig Guðmundsdóttir
eftir að láta af störfum þingflokks-
formanns og taka við störfum Sig-
hvats, m.a. í Norðurlandaráði."
- Nýtur þú víðtæks stuðnings í
þetta embætti?
„Já, ég finn mjög breiðan stuðn-
ing innan þingflokksins sem mér
þykir mjög vænt um að fá.“
Össur vaxandi
- Hvað með stöðu Össurar
Skarphéðinssonar, formanns
flokksins. Hann hefur setið und-
ir harðri gagnrýni Davíðs Odds-
sonar sem telur hann ekki afger-
andi forystumann?
„Hann hefur staðið sig mjög vel.
Davíð Oddsson og Hannes Hólm-
steinn eru hins vegar í einhverri
krossferð gegn honum og okkur í
Samfylkingunni. Við látum það
ekkert pirra okkur, Össur er mjög
vaxandi forystumaður og hefur
sýnt að hann er starfinu mjög vel
vaxinn. Það er þess vegna ekkert
skrýtið að helstu andstæðingar
okkar reyni að draga hann niður.
Þeir berjast ekki með málefnum
heldur persónulegum árásum."
Yfirheyrsla
m
Hörður Kristjánsson
blaðamaður
Davíð hræddur
- Af hverju ræðst Davíð svo
mjög á Össur?
„Ég held að það sé nærtækast að
álykta sem svo að forysta Sjálf-
stæðisflokksins telji að Samfylk-
ingin sé eini flokkurinn sem geti
ógnað veldi Sjálfstæðisflokksins
og það er nánast hlægilegt að fylgj-
ast með þessum barningi Daviðs
og Hannesar Hólmsteins. Davíð
gengur svo langt að tala um for-
mann Samfylkingarinnar sem
dóna í einu drottningarviðtalanna,
þar sem enginn var til svara.
Hann gengur oft mjög langt í árás-
um á allt sem að Samfylkingunni
lýtur.“
- Nú gekk Samfylkingunni
mjög brösuglega að skapa sér
stöðu áður en hún varð að flokki
á síðastliðnu vori. Samkvæmt
skoðanakönnunum DV hefur
fylgið verið mjög sveiflukennt.
Hver er ástæðan?
„Könnun DV sem tekin var í
kjölfar öryrkjadómsins og umfjöll-
unar á Alþingi, þar sem við mæld-
umst með 16,5% fylgi, kom okkur
vissulega á óvart. Síðan hafa kom-
ið tvær kannanir, ein frá Gallup
og önnur frá
Frjálsri verslun, þær sýna báðar
að viö erum í fjórðungs fylgi. Ég
hef því í raun ekki miklar áhyggj-
ur af gengi okkar. Við verðum líka
að horfa á þetta i því ljósi að gengi
flokka hefur verið upp og niður í
skoðanakönnunum, en reyndin
síðan önnur í kosningum. Við
erum þetta að jafnaði í kringum
25%, sem er gott en vissulega er
markmið okkar að gera betur.
Ríkisstjórnin á niðurleið
Stærstu tiðindin í þessum skoð-
anakönnunum sem hafa verið að
birtast síðastliðið ár um fylgi
flokkanna er hversu fylgi ríkis-
stjórnar er að skreppa saman.
Fylgi hennar hefur verið að
minnka hægt og bítandi allan tím-
ann og í tveim könnunum mælist
stjórnin með minnihluta. Saman-
lagt eru vinstriflokkarnir því
komnir með um helming atkvæða.
Ef einhverjir eru á fallanda færi
þá eru það ríkisstjómarflokkarnir
og ættu að hafa meiri áhyggjur af
stöðu í skoðanakönnunum en
við.“
Efast um styrk VG
- Ríkisstjórnin virðist vera að
tapa fylgi yfir til Samfylkingar
og Vinstri-grænna. Slagurinn
um þau atkvæði verður því á
milli þessara flokka. Eruð þið að
tapa í þeim slag við VG?
„Nei, það held ég ekki. Flokkar
hafa oft fengið tímabundið mjög
hátt fylgi í könnunum sem síðan
hefur reynst óraunhæft, eða hver
man ekki eftir Borgaraflokknum
og Kvennalista í 30% í könnunum
og Alþýðuflokkurinn fékk það í
könnunum fyrir kosningarnar
1987 en endaði í 15,2%. Ég leyfi
mér að efast stórlega um að fjórð-
ungur kjósenda greiði VG atkvæði
í kjörklefanum. Ekki síst miðað
viö afstöðu þeirra til alþjóðamála
sem er mjög þröng og nálgast það
að vera einangrunarhyggja.
Einnig vegna afstöðu þeirra til
markaðarins, en þeir eru tregir til
að afnema ríkisrekstur og treysta
markaðnum vart til að sinna sam-
keppnisrekstri."
- Þú óttast þá ekki samkeppni
VG?
„Nei, enda eru þeir ekki okkar
höfuðkeppinautur. Ég tel það fyrst
og fremst hlutverk okkar að vinna
gegn uppgangi hægri sjónarmiða,
eins og Sjálfstæðisflokkurinn stend-
ur fyrir.“
- Gætir þú hugsað þér að
vinna með Vinstri-grænum í rík-
isstjóm?
„Já, ég tel það ekki útilokað. Það
eru þó skilaboðin frá kjósendum
sem segja til um hvernig ríkisstjórn
verður mynduð næst og erfitt að spá
um það fyrirfram."
- Hver er þín óskaríkisstjóm?
„Ég vil ekki segja neitt um það á
þessari stundu og það verður að
ráðast af því hvað kjósendur segja
1 næstu kosningum. Ég vil að sjálf-
sögðu sjá Samfylkinguna í forystu
fyrir næstu ríkisstjórn, hver svo
sem samstarfsaðilinn yrði.“
Evrópumálin lykilatriði
- Hver em mikilvægustu verk-
efni næstu ríkisstjórnar?

Nafn: Bryndís Hlöðversdóttir. Staða: Þingmaður og formaöur þingflokks
Samfylkingarinnar. Efni: Staða Samfýlkingar, pólitíkin
og afstaða til annarra flokka.
„Eg held að það sé mjög brýnt
pólitískt verkefni að stjórnmála-
flokkar hér á landi taki afstöðu til
þess hvað þeir vilji gera í framtíð-
inni varðandi Evrópusambandið
þegar til þess kemur að við sjáum
að EES-samningurinn gagnast
okkur ekki á sama hátt og hann
gerði áður. Það hafa bara tveir
stjórnmálaflokkar lýst því yfir að
þeir vilji skoða þetta, það er Sam-
fylkingin og Framsóknarflokkur-
inn. Sjálfstæðisflokkurinn og VG
vilja ekki horfast í augu við stað-
reyndir og taka á málinu."
- Er þá samstarf við Vinstri-
græna ekki útilokað?
„Ég tel ekki rétt að útiloka neitt
í þeim efnum, kjósendur leggja lín-
urnar í kosningum og þær eru vís-
bendingarnar við ríkisstjómar-
myndun. Ég tel þetta þó eitt mikil-
vægasta viðfangsefni sem næsta
ríkisstjórn þarf að glíma við.“
- Verða Evrópumálin lykilat-
riöi varðandi næstu ríkisstjóm?
„Svo gæti farið. EES-samstarfið
reynist okkur erfiðara með hverju
árinu sem líður og eftir því sem
ESB-ríkjunum hefur ijölgað en EES-
ríkjunum fækkað. Þetta er ékki
bara spumingin hvort við viljum að
þetta verði viðfangsefni heldur sýn-
ist mér þróunin vera þannig að við
verðum að taka afstöðu til þess
hvort við teljum hagsmunum ís-
lands betur borgið innan ESB eða
utan.“
- Hvað með sjávarútvegsmál
og byggðastefnu?
„Kristinn H. Gunnarsson lýsti
því yfir á þinginu að hann væri
andvígur þeirri stefnu sem ríkis-
stjórnin hefur rekið í sjávarút-
vegsmálum. Þetta bendir til að það
séu að eiga sér staö áherslubreyt-
ingar innan Framsóknarflokksins.
Við höfum séð það gerast að kvót-
inn hefur verið að hverfa frá
byggðarlögunum og skilja þau eft-
ir nánast i rúst. Það er þó margt
fleira sem kemur þar til, eins og
byggðastefna stjórnvalda sem hafa
brugðist og látið fólkið eitt um að
takast á við þær atvinnuhátta-
breytingar sem hafa átt sér stað.
Við viljum móta atvinnustefnu
sem horflr til möguleika framtíð-
arinnar. Stórefling menntakerfis-
ins með tilliti til breyttra atvinnu-
hátta er liður í þessu."
- Eruð þið fylgjandi sölu
Landssímans?
„Við leggjumst ekki gegn því að
ríkiö hætti samkeppnisrekstri á
borð við þann er Síminn á í en telj-
um þó lykilatriði að grunnetið
verði skilið frá við söluna. Á með-
an einn aðili hefur eins mikla yfir-
burðastöðu á markaðnum og Sím-
inn, og grunnetið er jafnframt í
eigu hans, þá er ekki um neina
samkeppni að ræða, hvort sem fyr-
irtækið er í eigu ríkisins eða
einkaaðila. Önnur fyrirtæki ættu
þá aldrei möguleika í samkeppn-
inni.“
- Hvað um aðra einkavæð-
ingu?
„Sjálfstæðismenn hafa viljað
ganga mjög langt í einkavæðingar-
átt. Innan þeirra raða eru mjög
sterkar raddir, t.d. um einkavæð-
ingu sjúkrahúsa. Sjúkrahúsin lúta
ekki lögmálum samkeppni og
markaðar og mig hryllir við amer-
ísku kerfi í sjúkrahúsrekstri. Frek-
ari einkavæðing innan sjúkrahús-
anna myndi fyrst og fremst leiða
til að arðbær þjónusta flyttist inn á
einkavædd sjúkrahús en ríkið sæti
uppi með dýrustu og „óarðbær-
ustu“ þjónustuna. Slíka tvískipt-
ingu tel ég ekki vera gott kerfi og
það getur aldrei farið saman með
markmiðum jafnaðarstefnunnar.
Þarna hafa sjálfstæðismenn verið
að sækja á um frekari einkavæð-
ingu en framsóknarmenn hafa
hindrað að þau markmið hafi orð-
ið að veruleika. Grunnskólamálin i
Hafnarfirði eru vísbending í sömu
átt.“
.... t1"* Umsjón:
Gyifí Kristjánsson
netfang: sandkorn@ff.is
Algjört klúður
Eftir að Ríkis-
kaup ákváðu að um-
fangsmiklar viðgerð-
ir á tveimur skipa
Landhelgisgæslunn-
ar yrðu unnar er-
S lendis voru þær
raddir háværar að
dæmið hefði ekki
verið reiknað til
enda og hagstæðara hefði verið fyrir
ríkið að taka innlendu tilboði þótt það
væri nokkuð hærra í krónutölu - rik-
ið myndi ná til baka mismuninum í
formi ýmissa gjalda og styðja um leið
við bakið á skipasmíðaiðnaðinum hér
sem á mjög undir högg að sækja.
Hjálmar Árnason, formaður iðnaðar-
nefndar Alþingis, lét hafa eftir sér að
útboð Ríkiskaupa hefði verið „algjört
klúður" og ekki forsvaranlegt að dæm-
ið hefði ekki verið reiknað til enda.
Þetta vekur enn og aftur þá spurningu
hverjir ráði ferðinni í ýmsum málum
- þeir sem stjórna í umboði fólksins
eða embættismenn úti í'bæ - í Reykja-
vík að sjálfsögðu.
Ekki tvisvar
Logi Ólafsson á
til góða takta í
knattspyrnulýsing-
um sínum á Stöð 2
og það var gaman
að honum þegar
hann lýsti leik
Chelsea og
Manchester United
á dögunum. Chel-
sea skoraði mjög „ódýrt“ sigurmark í
leiknum og síðan annað sem dæmt
var af eftir ævintýralegt úthlaup
markvarðar United. „Það er kannski
óþarfi fyrir United að vera með tvö út-
sölumörk í sama leiknum, á móti
sama liðinu," sagði Logi spekingslega
en hinn venjulegi knattspyrnuáhuga-
maður veltir því fyrir fyrir sér hvem-
ig knattspymulið sem gefur tvö mörk
á silfurfati í sama leiknum geti skipt
þeirri gjöf milli tveggja liða.
ísólfur reiður
Umræðan mn
hnefaleika eða ekki
hnefaleika hér á
landi er enn eina
I ferðina á Alþingi en
tæpt ár er síðan
þingið felldi tillögu
um hnefaleikana
með einu atkvæði.
Þá var einn flutn-
ingsmanna tillögunnar ísólfur Gylfi
Pálmason, þingmaður af Suðurlandi.
Núna fékk hann ekki að vera með þeg-
ar tillagan var borin fram að nýju og
varð reiður. Sagði hann illa farið með
tíma Alþingis að vera að ræða þetta
mál svo stuttu eftir að það hafi verið
fellt þar, ekkert. nýtt hafi komið fram,
og ætlar þingmaðurinn að sitja hjá.
Það gæti ráðið úrslitum málsins og
menn hljóta að velta því fyrir sér
hvort þingmenn geti yfirleitt hagað
sér svona: leggja fram mál í þinginu
en styðja nákvæmlega sama mál ekki
nokkrum mánuðum síðar.
Grænir sammála
Annars var nokk-1"
uð gaman að fylgjast
með umræðunni um
hnefaleika í þing-
inu, sérstaklega lot-
unni sem þeir tóku,
Gunnar Birgisson,
fyrsti flutningsmað-
ur tillögunnar, og
Steingrímur J.
Sigfússon, formaður vinstri-grænna.
Gunnari, sem annars hefur sig ekki
mikið í frammi á þinginu, virðist það
lífsspursmál að hnefaleikar verði
leyfðir á íslandi og kallar það fram-
faramál. Þótt málið sé talið þverpóli-
tískt virðist algjör samstaða meðal
vinstri-grænna að vera á móti því og
kom Gunnar Birgisson inn á það í
máli sínu að menn gætu meiðst i öll-
um íþróttum og benti á fræg fóta-
meiðsli Steingríms í því sambandi
sem hann hlaut í knattspyrnuleik.
Annars var umræðan nánast eins og á
síðasta ári og hefði verið allt eins eðli-
legt að taka það til atkvæðagreiðslu án
umræðu. ísólfur Gylfi Pálmason hefði
þá e.t.v. stutt málið.