Dagblaðið Vísir - DV - 19.02.2001, Blaðsíða 10

Dagblaðið Vísir - DV - 19.02.2001, Blaðsíða 10
10 MÁNUDAGUR 19. FEBRUAR 2001 Utlönd I>"V Fráfarandi forsætlsráöherra Israels Flokksfélagar Baraks eru andvígir þátttöku hans í stjórn Sharans. Flokkurínn gagn- rýnir Barak Leiðtogar Verkamannaflokks- ins, flokks Ehuds Baraks, fráfar- andi forsætisráðherra ísraels, gagnrýndu hann í gær fyrir þá ákvörðun hans að taka þátt í sam- steypustjórn Ariels Sharons. Þeir leiðtogar Verkamannaflokksins, sem eru mótfallnir ákvörðun Baraks, héldu á laugardaginn fund fyrir lokuðu dyrum til að ræða til hvaða ráða skuli gripið, að því er blaðið Yediot Aharonot greindi frá í gær. Miðstjórn Verkamannaflokksins kemur saman á fimmtudaginn. Þá verður haldin leynileg atkvæða- greiðsla um það hvort flokkurinn á að taka þátt í samsteypustjórn með Likudflokknum, flokki Shar- ons. Nýnasistar fá 4 milljónir fyrir að byrja nýtt líf Þýsk yfirvöld eru reiðubúin að bjóða öllum leiðtogum nýnasista, sem vilja byrja nýtt líf, um 4 millj- ónir íslenskra króna hverjum, að því er þýska tímaritíð Der Spiegel greinir frá. „Vilji einhver hætta má ekkert spara," segir Otto Schily, innanríkisráðherra Þýskalands, í viðtali við tímaritið. Liðhlaupunum verður auk þess boðið húsnæði, starf og nýtt nafn reynist það nauðsynlegt. Haft hefur verið samband við 324 þekkta nýnasista. Af þeim voru 252 fúsir til að ræða málið og 84 kváðust vilja komast úr nýnasistasamtökunum sem þeir eru í. Repúbllkanar þrýstu á Bill Clinton, fyrrverandi Bandaríkja- forseti, ver igrein umdeilda náöun á auökýfingi. Bill Clinton ver sakaruppgjöfina Bill Clinton, fyrrverandi Banda- rikjaforseti, varði í gær í grein í New York Times umdeilda náðun sina á gyðingnum og auðkýfingnum Marc Rich. Sagði Clinton sakarupp- gjöfina réttlætanlega og ekkert tengjast fjárframlögum fyrrverandi eiginkonu Rich, Denise Rich, í sjóði demókrata. Rich flýði til Sviss fyrir 17 árum eftir að hann hafði verið ákærður fyrir stórfelld skattsvik og ólögleg oliuviðskipti. Clinton benti á aö háttsettir lögmenn meðal repúblikana hefðu hvatt til að Rich yrði náðaður, þar á meðal starfs- mannastjóri Dicks Cheneys varafor- seta. Iraskir fjolmiðlar krefjast hefndar íraskir ríkisfjölmiðlar kröfðust þess í gær að allar þær ríkisstjórn- ir, sem gagnrýnt hafa loftárásir Bandaríkjanna og Bretlands á Bagdad á föstudagskvöld, grípi til einhverra aðgerða. Blaðið Babel, sem eru i eigu Udays, sonar Sadd- ams Husseins Iraksforseta, skrif- aði að „nýja dvergnum í Svarta húsinu" yrði ekki betur ágengt en fðður hans að koma Saddam frá völdum. Þúsundir Iraka gengu i gær um götur Bagdad til að mótmæla loft- árásunum. Mótmælendur héldu á lofti myndum af Saddam Hussein íraksforseta og brenndu banda- riska og ísraelska fána. írósk yfirvöld sendu Kofi Ann- an, framkvæmdastjóra Sameinuðu þjóðanna, bréf og hvöttu til þess að samtökin fordæmdu árásirnir. íraska fréttastofan INA greindi frá því í gær að Saddam hefði hitt háttsetta ráðgjafa sína til að ræða endurbætur á loftvarnakerfinu. Mótmæli í Bagdad Þúsundir 'iraka gengu um götur Bagdad ígær og mótmæltu loftárás- um Bandaríkjamanna og Breta. Bandarískar og ísraelskar her- sveitir hefja í dag sex daga heræf- ingu þar sem skotið verður Patriot- flaugum. Israelski herinn lagði á það áherslu í yfirlýsingu í gær að æfingin hefði verið ákveðin fyrir ári og tengdist á engan hátt loft- árásunum á Bagdad á föstudaginn. ísraelsk yfírvöld hafa sagt að þau taki alvarlega hótun Saddams íraksforseta um hefndarárás. ísra- elar búast þó ekki við henni á næstunni. Ehud Barak, fráfarandi forsætisráðherra ísraels, hélt í gær fund með embættismönnum örygg- ismála vegna fullyrðinga blaðsins Babel um að loftárásirnar hefðu verið vegna stuðnings íraks við uppreisn Palestínumanna. Bandaríkin sendu Patriotflaugar til ísraels í Persaflóastriðinu 1991 við írak. Ekki tókst að stöðva Scudflaugar íraka með Patriot- flaugunum. Þær komu flestar nið- ur við Tel Aviv og inni í sjálfri borginni. Tróðust undir á áhorfendapöllum Þrjátíu og sjö manns slösuöust, þar af tveir alvarlega, þegar járngrind gaf sig á áhorfendasvæöi á knattspyrnuvelli i borginni Bursa í norövesturhluta Tyrklands ígær. Skipi kúrdísku flóttamannanna viljandi siglt í strand: Skipstjórinn flýði með um 100 milljónir króna Glæpagengi frá Tyrklandi og Irak stóðu á bak við smyglið á yfir 900 kúrdískum flóttamönnum sem birt- ust óvænt á laugardagsmorgun á frönsku Rivíerunni í strönduðu skipi. Embættismenn telja að áhöfh- in skipsins hafi siglt því í strand af ásettu ráði og síðan flúið með um 100 milljónir íslenskra króna sem flóttamennirnir höföu greitt í far- gjald. Skipið sökk í gærmorgun. Frönsk yfirvöld vöruðu í gær flóttamennina við og sögðu þeim að þeir skyldu ekki búast við sérstakri afgreiðslu en örlög fióttamannanna, einkum barnanna 480, hafa snert strengi í hjörtum almennings í Prakklandi. Samtímis hefur koma flóttamannanna kynt undir reiði vegna aukins smygls á flóttamönn- um. Stjórnmálamenn i Frakklandi Bjargað frá borbi Ryödallurinn, sem sigldi í strand viö frönsku Rlvíeruna, sökk í gær. hafa sagt að þeir vilji ekki skapa fordæmi með því að sleppa Kúrdun- um skilyrðislaust inn í landið. Flóttamennirnir dvelja nú í herstöð i Fréjus þar sem þeir fengu mat og drykk í fyrsta sinn í marga daga. Þrjú börn fæddust um borð á meðan siglt var eftir Miðjarðarhafinu. Nokkrir þeirra sem voru um borð hafa greint frá því að þeir hafi farið frá írak til Tyrklands þar sem þeir hafi falið sig á bóndabæjum. Síðan hafi þeir verið fluttir til hafnar á suðurströnd Tyrklands. Síðan var stefnan tekin á ítaliu, að því er talið er. Talsmaður frönsku landamæra- lögreglunnar segir að Kúrdarnir hafi ekki haft hug á að koma til Frakklands. Flestir þeirra vilji kom- ast til Bretlands og þaðan til Banda- ríkjanna. Stutíar fréttir Mikið vodka og koníak Brytinn í Kreml, Gennadí Koloment- sev, hefur nú greint frá því hvað hver drekkur og hversu mikið. Borís Jeltsín, fyrrverandi forseti, bað um nokkra flöskur af vodka og koníaki á hverjum degi. Vladimir Pútin lætur sér nægja eitt rauðvínsglas á heilu kvöldi. Stalín var ekki hrifinn af sterkum drykkj- um en átti það til að fá sér koníaks- dreitil fyrir háttatíma. Lenin kaus heldur bjór. Fékk enga rós Kona í Marokkó heimtar bætur af eiginmanni sínum og skilnað þar sem hann gaf henni ekki rósir á Valentinusdaginn. Augljóst sé að hann elski hana ekki lengur. Mað- urinn segir siðinn uppátæki útlend- inga. Oflugur eftirskjálfti Öflugur eftirskjálfti skók El Salvador á laugardaginn. Talsverð- ar skemmdir urðu af völdum skjálft- ans. Mikill skortur er á matvælum og hjálpargögnum á svæðinu. Dönum og Breta rænt Lögregla og hermenn leituðu í gær tveggja Dana og Breta sem var rænt á fóstudaginn í Bangladess. Mannræningjarnir krefjast um 140 milljóna íslenskra króna í lausnar- gjald fyrir gíslana sem starfa hjá verkfræðistofu. Aukin fátækt Fátækustu börn Bretlands hafa orð- ið fátækari í stjórn- artíð Tonys Blairs forsætísráðherra. Að sögn blaðsins The Observer hafa nær 250 þúsund börn á fátækustu heimilunum það verra en 1997. Tvær milljónir breskra barna lifa nú undir fátæktarmörkum. Hins vegar hefur 1,2 milljónum barna verið bjargað frá fátækt frá því að Blair tók við. Þykir greinilegt að það hafi verið á kostnað þeirra fá- tækustu. Eldgos í Kongó-Kinshasa Þúsundir tonna af hrauni hafa streymt úr þremur gígum eldfjalls- ins Nyamuragira í Kongó-Kinshasa. íbúar í grennd við fjallið búa sig undir að flýja svæðið. Hvattur til að segja af sér Joschka Fischer, utanríkisráðherra Þýskalands, sem heldur i dag til Bandaríkjanna á fund Colins Powells utanríkisráðherra, er undir miklu álagi vegna yfirvof- andi rannsóknar saksóknara á meintu meinsæri hans við réttar- höld yfir hryðjuverkamanninum Klein. Andstæðingar Fischers hafa hvatt hann til að segja af sér. Rokkarar hjá Castro Castro Kúbuforseti sótti um helg- ina tónleika bresku rokksveitarinn- ar Manic Street Preachers. Castro stóð upp og klappaði þegar lagið Baby Elian var leikið.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.