Dagblaðið Vísir - DV - 12.03.2001, Blaðsíða 12
12
MÁNUDAGUR 12. MARS 2001
Skoðun E>v
Hver er uppáhaldsviku-
dagurinn þinn?
Helga Schram nemi:
Föstudagur, vikan búin og vonandi
skemmtileg helgi fram undan.
Þórunn Haraldsdóttir nemi:
Föstudagur, erfiö vika aö baki og
við tekur eitthvaö skemmtilegt.
Kristján Þór Franklínsson, starfsm.
Svarta svaninum:
Laugardagur, frí í vinnunni
og flottheit.
Særún Kristinsdóttir, starfsm.
Svarta svaninum:
Laugardagur, djammdagur
og mikil gleöi.
Eva Rán Ragnarsdóttir, starfsm.
Svarta svaninum:
Sunnudagur, þynnku- og bíódagur.
Algjör afslöppun.
Reynir Reynisson nemi:
Þriöjudagur, léttasti dagurinn
í skóianum.
Skrifaðu „flugvöllur“
Hverju laug dómsmálaráðherra?
Margir muna
orðatiltækið
„Skrifaðu flug-
völlur" er á rætur
að rekja til fram-
boðs stjómmála-
manns sem var að
afla fylgis við sig
á landsbyggðinni.
r». Enn halda kjós-
Andersen endur að stjóm-
skrifar: völ(i „skaffi“ flug-
völl þegar þurfa
þykir. Stjómvöld hér hafa þó (bless-
unarlega?) enn sem komið er ekki
þurft að leggja fé til byggingar flug-
vallar af þeirri stærðargráðu sem
millilandaflugvöllur getur kallast.
Nú kann að verða breyting á, því
margir kjósendur krefja stjórnvöld
um nýjan flugvöll í eða við Reykja-
vík, þannig að þar megi blómstra
flugstarfsemi sem aldrei fyrr.
Auðvitað verður flugvöllurinn
aldrei fluttur eitt né neitt en starf-
semi hans kann að flytjast frá
Reykjavík. Verði það niðurstaðan
er ekki um neitt annað val að ræða
en að flytja allt flug til Keflavíkur-
flugvallar. Undir þá skoðun skal
tekið með samgönguráðherra og
flugmálayfirvöldum. - Fáum dettur
í hug í alvöru að flugvöllur verði
byggður á uppfyllingum í Skerja-
firði eða sunnan Hafnarfjarðar.
Senn verður gengið tfL kosninga
þar sem höfuðborgarbúar geta sagt
skoðun sína á því hvort Reykjavík-
urflugvöllur eigi að vera eða fara.
Verði niðurstaða kosninganna sú að
flugvöllur verði áfram í Vatnsmýr-
inni fer málið fyrst í alvarlegan
hnút. Þá er komið að ríki og borg að
byggja nýjan flugvöll, og það í
Vatnsmýrinni, með nýjum útfærsl-
um.
En fyrir hverja ætti að byggja
nýjan flugvöll hér á suðvesturhorni
landsins? - „Reykjavíkurflugvöllur
er fyrst og fremst flugvöllur þeirra
sem búa úti á landi því fram hefur
komið að um 70% þeirra sem um
A Reykjavíkurflugvelli
Á aö láta skeika aö sköpuöu um framtíðina?
„Flugvöllurinn í Vatnsmýr-
inni mun ekki verða þar í
mörg ár enn. Kosningin er
fyrsta og einasta skrefið til
að geta tekið ákvörðun um
framhaldið. Reykvíkingar
verða að eiga þátt i þeirri
ákvörðun. “
völlinn fara eru landsbyggðarfólk
en um 20% Reykvíkingar," segir
einn ágætur landsbyggðarmaður í
Degi nýlega. Þetta er auðvitað mjög
umdeilanlegt.
Ég fullyrði hins vegar að það
kæmi hinum almenna landsbyggð-
armanni (sem ekki er daglega eða
vikulega í flugferðum til Reykjavík-
ur) best að fá flugsamgöngur úr sín-
um landsfjórðungi til og frá Kefla-
víkurflugvelli, samhliða breikkun
Reykjanesbrautar. Þannig jafnaðist
þó eilítið aðstaða landsbyggðarfólks
í samgöngum gagnvart þéttbýlis-
svæðinu á suðvesturhorni landsins.
Sumum þykir mikiö í munni að
leggja fæð á flugvallarmálið í heild
og segja að nægilegt sé að styrkja
flugbrautir Reykjavíkurflugvallar
og láta skeika að sköpuðu um fram-
tíðina. Og afneita jafnhliða kosn-
ingu um flugvöllinn. Þessi afstaða
er óviturleg. Flugvöllurinn í Vatns-
mýrinni mun ekki verða þar í mörg
ár enn. Kosningin er fyrsta og ein-
asta skrefið til að geta tekið ákvörð-
un um framhaldið. Reykvíkingar
verða að eiga þátt í þeirri ákvörðun.
Sigrún M. Ólafsdóttir
skrifar:
Mörgum blöskrar þessa dagana
sú óbilbimi sem einkennt hefur um-
ræðuna um yfirvinnumál lögregl-
unnar. Mér finnst það mjög skiljan-
legt að mörgum lögreglumanninum
svíði undan yflrvinnuskömmtun.
Ekki eru þeir of sælir af launum
sinum, sé'rstaklega ekki ef miðað er
við hversu erfiðu starfi þeir sinna
og oft vanþakklátu.
Það er hins vegar umhugsunar-
vert að stjórnarandstaðan skuli not-
færa sér óánægju lögreglumanna
með kjör sín til þess eins að grafa
undan trú manna og trausti á lög-
regluna, að því er virðist.
„Við þurfum á öllu okkar
að halda í baráttunni gegn
fíkniefnunum. Pólitískur
orðhengilsháttur. stjórnar-
andstöðunnar kemur þar
að engum notum. “
Ég trúi ekki að það hafi verið ætl-
unin en þessar hártoganir og upp-
hrópanir Lúðvíks Bergvinssonar
alþm. og félaga hans eru, þegar upp
er staðið, til lítils annars en að grafa
undan trausti almennings.
Eða hverju „laug“ dómsmálaráð-
herrann? Fellur það undir lygar að
greina frá hlutunum eins og þeir
eru? Ég hef sjálf gengið í gegnum
sitthvað í yfirvinnumálum á undan-
förnum árum og það er sannarlega
munur á að skammta yfirvinnu eða
taka alfarið fyrir hana.
Væri ekki nær að stjómarand-
staðan gengi hreint til verks og
þrýsti á um bætt launakjör lögreglu-
manna, í stað þess að notfæra sér
viðkvæm málefni til að koma höggi
á einn samviskusamasta ráðherra
rikisstjórnarinnar?
Við þurfum á öllu okkar að halda
í baráttunni gegn fikniefnunum.
Pólitískur orðhengilsháttur stjórn-
arandstöðunnar kemur þar að eng-
um notum.
Dagfari
Ullað á andstöðuna
Valgerður Sverrisdóttir er manneskja að skapi
Dagfara. í kringum hana er ekki sú lognmolla
sem einkennir allt of marga samráðherra henn-
ar, meira að segja þannig að Dagfari efast um að
þeir séu yfirleitt á lífi. Valgerður Sverrisdóttir er
ekki þannig, þetta er ráðherra sem gustar af.
Málefni Búnaðarbaka er eitt þeirra mála sem
komið hafa Valgerði kirfilega inn á kortið í póli-
tíkinni. Þar hugðist hún gera stóra hluti m.a.
með sameiningu bankans við Landsbanka ís-
lands, en fékk þá að ósekju að finna fyrir durgs-
hætti blýantanagara i samkeppnisráði. Þá snerist
Pálmi Jónsson, þáverandi formaður bankaráðs
Búnaðarbankans, gegn ráðherra sinum, senni-
lega af því einu að Valgerður er framsóknarmað-
ur og hann sjálfur sjálfstæðismaður. Pálma tókst
að reita ráðherra bankamála til svo mikillar
reiði að um tíma voru menn farnir að óttast mn
dyraumbúnað í stjórnarráðinu þegar bankamálin
bar á góma.
Á laugardaginn var skipað í nýtt bankaráð í
Búnaðarbankanum, og þá náði réttlætið loks að
sigra. Valgerður kom fram sínum hefndum,
kannski ekki fullkomlega, en alla vega fauk Pálmi
formaður og nýr kom i hans stað. Meira að segja
Davíð Oddsson varð að stíga dansinn með Valgerði
til að halda friðinn. Þóttist hann meira að segja fer-
Eftir stendur hinn klóki stjómmála-
maður Valgerður Sverrisdóttir, búin að
henda pálmanum sem er að hennar
mati ekkert annað en illgresi, og hefur
á ný tögl og hagldir í bankaráði Bún-
aðarbankans.
lega sáttur þó Pálmi, sem hann vildi hafa áfram,
yrði látinn fjúka. Það má því segja að Valgerður
hafi þarna svínbeygt bæði fyrrverandi formann
bankaráðs og forsætisráðherrann sjálfan í leið-
inni. Líklega hefur Davíð verið búinn að fá nóg
af hurðarskellum og því þótt mál til komið að
semja frið á stjórnarheimilinu.
Valgerður hafði líka mestu skömm á fulltrúa
Samfylkingarinnar í bankaráðinu, Hauki Helga-
syni, og vildi hann burt eins og Pálma. Fyrir
kurteisis sakir gaf hún sig þó á tal við formann
Samfylkingarinnar, vitandi um forna hefð á
pólitískri skipun flokkanna í bankaráðið. Fyrir
tóman kvikindisskap stakk Össur upp á að
Haukur sæti áfram. Valgerður sneri snúðug á
braut fór rakleitt á skrifstofu sína og útbjó í
snarhasti brottrekstrarheimild á Hauk Helga-
son. Með þvi að blaða i félagaskrá Samfylkingar-
innar nokkra stund valdi Valgerður sjálf full-
trúa þessa flokks, þvert á vOja Össurar Skarphéð-
inssonar. Þannig ullar ráðherrann á formann Sam-
fylkingarinnar og gefur sjálfstæðismönnum langt
nef sem og óþekkum framsóknarmönnum. Eftir
stendur hinn klóki stjórnmálamaður Valgerður
Sverrisdóttir, búin að henda pálmanum sem er að
hennar mati ekkert annað en illgresi og hefur á ný
tögl og hagldir í bankaráði Búnaðarbankans.
Alþjóðlegur flugvöllur á Lönguskerjum?
Meö þotugný og tilheyrandi.
Þotugnýr í
morgunsárið?
Sigurjón Guðmundsson skrifar:
Ég hef hingað til haldið að umræða
um alþjóðlegan flugvöll á Lönguskerj-
um væri tómt grín, íslensk fyndni á
dimmum vetrarkvöldum. En svo sé ég
að virðulegir verkfræðingar, skipu-
lagsfræðingar og fleiri skrifa langar
og alvöruþrungnar greinar um þetta
mál. Hefur enginn þessara manna
hugsað eina mínútu út í það að alþjóð-
legt flug tO og frá íslandi byrjar upp
úr kl. hálfsex á morgnana. Þá lenda
Flugleiðaþotur á leið frá Bandaríkjun-
um. Þær fara síðan á loft upp úr kl.
sjö á leið til Evrópu. Lætur einhver
sér detta eitt augnablik í hug að slík-
ur þotugnýr að morgni dags komi tO
greina yfir höfuðborgarsvæðinu aOa
sjö daga vikunnar? Meira að segja
borgarstjórinn er búinn að átta sig á
þessari steypu og afskrifa Löngusker
sem flugvöU. - Hvenær ætla hinir
vitringarnir að láta sér segjast?
Sjónvarp frá Alþingi
Alfreð hringdi:
Ég horfi nokkuð á sjónvarp frá Al-
þingi og hef ánægju af því oftast nær.
En stundum fer aUt í handaskolum i
útsendingunni, ýmist röng nöfn eða
aUs engin nöfn með þeim sem tala.
Þannig var það í hádeginu sl. fimmtu-
dag. Þar stóð á skjánum að Þorgerður
K. Gunnarsdóttir væri í pontu en ég
sá ekki betur en þar stæði Jóhanna
Sigurðardóttir. Að vísu sást aðeins á
hlið Jóhönnu þannig að ég sá ekki vel
framan í hana. En Þorgerður er leik-
aradóttir og gæti svo sem vel hafa
leikið Jóhönnu þarna í pontunni. Á
eftir kom PáU Pétursson alþm. og fékk
hann rétt nafn á skjáinn en þar á eft-
ir kom þingkona hverrar nafn birtist
ekki með. Hana þekkti ég ekki i sjón
en tel að hún sé landsbyggðarþing-
maður. Svona eru nú vinnubrögðin
sem ég tel afar óvönduð. Nema þarna
séu bara klaufabárðar að verki.
Seðlabankinn.
Er hægt að líta til almennings
í þetta sinn?
Allir hrópa
á vaxtalækkun
Þorvaldur hringdi:
Það er ekki verið að vanda okkur
launafólki kveðjurnar frá stéttarfé-
lögunum. Það er samið tvist og bast
og látið kyrrt liggja að hugsa nokkuð
um það sem liggur þyngst á okkur
launamönnum. Nefnilega ógnar
vaxtagreiðslur og verðbótaþátt sem
eru að sliga flesta lántakendur. Það
er ekki bara atvinnulífið sem hrópar
á vaxtalækkun, það eru líka almenn-
ir launþegar sem eitthvað skulda að
ráði, ekki síst ungt fólk sem stendur
í húsnæðiskaupum. Ég skora á Seðla-
bankann að taka nú tillit til launa-
fólksins en leyfa atvinnulífinu (þ.e.
fyrirtækjunum) að bíða ögn lengur.
Þau eru búin að fá úrlausnir æ ofan
i æ án þess að almenningur hafi feng-
ið svo mikið sem örlitla úrlausn í
þessum efnum.
Idv Lesendur
Lesendur geta hringt allan sólarhring-
inn I síma: 550 5035.
Eöa sent tölvupóst á netfangiö:
gra@ff.is
Eöa sent bréf til: Lesendasíða DV,
Þverholti 11, 105 Reykjavík.
Lesendur eru hvattir til aö senda mynd
af sér til birtingar meö bréfunum á
sama póstfang.