Dagblaðið Vísir - DV - 17.05.2001, Blaðsíða 8

8
FIMMTUDAGUR 17. MAÍ 2001
Útlönd _______________________________________________________________________ I$>'W
Sprengjuvargur hugsar sig um
Timothy McVeigh kannar nú hvort
hann áfrýjar fyrirhuguðum aftökudegi
sinum, 11. júní næstkomandi.
McVeigh ræðir
við lögmennina
Oklahomasprengj u vargurinn
Timothy McVeigh ræddi viö lög-
menn sína í gær, sama dag og upp-
haflega stóð til að hann yrði tekinn
af lífi fyrir tilræðið 1995 sem kostaði
168 manns lífið.
Lögmenn McVeighs sögðu að
hann hefði ekki enn tekið ákvörðun
um hvort hann myndi áfrýja nýjum
aftökudegi.
John Ashcroft dómsmálaráðherra
ákvað um daginn að fresta aftök-
unni til 11. júní til að gefa verjend-
unum tíma til að fara yfir gögn sem
alríkislögreglan FBI hafði haldið
leyndum fyrir þeim.
Louis Freeh, fráfarandi forstjóri
FBI, svaraði spurningum þing-
manna þar um í gær og tók á sig
alla sök í málinu.
Vladimir Putin
Vill komast í Alþjóðaviöskipta-
stofnunina
Rússar funda
með ESB
Fundur Rússa með leiðtogum
Evrópusambandsins hófst i morgun.
Vladimir Putin, forseti Rússlands,
mun meðal annars hitta Göran
Persson að máli en ætlunin er að
þeir ræði utanríkisstefnu ESB og
löngun sambandsins til að leika
stærra hlutverk í alþjóðamálum.
Einnig verður rætt um hreinsun
geislavirks úrgangs, efnahagsmál og
stöðu Kaliningrad sem er í rúss-
nesku landssvæði sem aílokað er á
milli Litháens og Póllands, sem
bæði hafa sótt um aðild að ESB. Þá
segjast Rússar ætla að krefjast
stuðnings sambandsins til að koma
Rússlandi í Alþjóðaviðskiptastofn-
unina.
UPPBOÐ
Framhald uppboðs á eftirfarandi
eign veröur háö á henni sjálfri,
_______sem hér segir_____
Neðstaleiti 4, 0502, 2ja herb. íbúð á 5.
hæð og stæði í bílageymslu, Reykjavík,
þingl. eig. Unnur Björg Pálsdóttir, gerð-
arbeiðendur Búnaðarbanki fslands hf., ís-
landsbanki hf., höfuðst. 500, og Prent-
smiðjan Oddi hf., mánudaginn 21. maí
2001 kl. 15.00.__________
SÝSLUMAÐURINN í REYKJAVÍK,
Prescott kýldi
mótmælanda
John Prescott, aðstoðarforsætis-
ráðherra Bretlands, gaf mótmæl-
anda hnefahögg á kosningarölti í
bænum Rhyl í Wales í gær. Prescott
var á gangi í gegnum hóp mótmæl-
enda þegar einn þeirra henti eggi í
öxl hans. Verkamannaforkálfurinn
brást ókvæða við og lét vinstri hnef-
ann dynja á eggjamanninum, með
svokallaðri stungu á hnefaleika-
máli. Mótmælandinn náði í kjölfar-
ið að leggja Prescott við lágan múr-
vegg en viðstaddir komu aðstoðar-
forsætisráðherranum til bjargar.
„Ég var augljóslega að verja sjálfan
mig,“ sagði hann. Mótmælendurnir
voru ósáttir við bensínverð og
stefnu Verkamannaflokksins í
landsbyggðarmálum.
Blair fór ekki varhuga af óánægð-
um kjósendum en kona á fertugs-
aldri stöðvaði hann fyrir utan
sjúkrahús í Birmingham og stillti
honum upp við vegg. „Félagi minn
er mjög veikur. Þú ert ekki að veita
þeim peninga. Allt sem þú gerir er
John Prescott
Mótmælandi henti í hann eggi -
hann svaraöi meö hnefahöggi. Vand-
ræöagangur var á Verkamanna-
flokknum í gær.
að ganga burt,“ sagði hún en félagi
hennar er krabbameinssjúklingur.
Blair fipaði.
Um hnefahögg Prescotts sagði
Blair í morgun. „Auðvitað hefði ver-
ið betra ef þetta hefði aldrei átt sér
stað. En John er John.“
Atvikið kemur á viðkvæmum
tíma fyrir Tony Blair, leiðtoga
flokksins. 1 gær kynnti hann stefnu-
skrá sína „Metnaðarmál fyrir Bret-
land“ og i dag átti að fylgja því eft-
ir. Hætta er á að neikvæð umfjöllun
um slagsmál aðstoðarforsætisráð-
herrans kæfi stefnumálin.
I stefnuskránni birtir Blair 10 ára
áætlanir sem undirstrika bjartsýni
hans fyrir kosningarnar 7. júní.
Skoðanakannanir hafa sýnt allt að
26 prósenta forskot Verkamanna-
flokksins.
Innanríkisráðherran Jack Straw
og leiðtogi íhaldsmanna, William
Hague, lentu báðir í vandræðum á
kosningafundum í gær þar sem ít-
rekað var gripið fram í fyrir þeim.
Verjast táragasinu
Búddamunkalærlingar í Colombo á Sri Lanka lentu i táragasskýi í morgun þegar lögreglan réöst gegn þúsundum
námsmanna sem vildu mótmæla áformum stjórnvalda um elnkavæöa háskólamenntun. Lögreglan réöst gegn
námsmönnunum með táragasi og kylfum skömmu eftir aö mótmælaaðgerðirnar hófust.
Berlusconi fundaði með Ítalíuforseta í gær:
Hægri öfgamenn lykillinn að
myndun styrkrar ríkisstjórnar
Silvio Berlusconi, væntanlegur
forsætisráðherra Ítalíu, ræddi við
Carlo Azeglio Ciampi forseta í tvær
klukkustundir í gær um líkumar á
myndun fimm flokka samsteypu-
stjórn mið- og hægriflokkanna.
En lykillinn að myndun 59. ríkis-
stjómar Ítalíu frá stríðslokum var í
höndum Umbertos Bossis, leiðtoga
hægriöfgaflokksins Bandalags norð-
anmanna. Bossi og félagar töpuðu
miklu fylgi í kosningunum á sunnu-
dag. Þeir ráða hins vegar yfir
sautján sætum í efri deild þingsins
sem geta ráðiö úrslitum um hvort
tekst að mynda stjórn með traustan
meirihluta í báðum deildum þings-
ins, eða hvort nýja stjórnin verður
völt í sessi, eins og svo margar fyrri
stjómir.
Bossi, sem felldi fyrri ríkisstjórn
Umberto Bossi
Norðanmaöurinn viröist hafa það í
hendi sér hvort Berlusconi tekst aö
mynda styrka stjórn á Ítalíu.
Berlusconis árið 1994, ítrekaði í gær
að flokkur hans ætti að fá mikilvæg
embætti í nýrri stjórn. Hann lagði
sig hins vegar allan fram um að
sýna samstarfsvilja.
Þegar Bossi var spurður um
orðróm um að hann vildi fá embætti
aðstoðarforsætisráðherra, sagði
hann: „Við verðum að ræða um það,
sjá hvaða styrk við höfum og hvern-
ig við getum beitt honurn."
Bossi hefur þegar lýst því yfir að
hann vilji að næstráðandi hans í
Bandalagi norðanmanna, Roberto
Maroni, verði forseti annarrar
hvorrar þingdeildarinnar.
Berlusconi hefur til þessa ekkert
látið hafa eftir sér um samstarf við
Bandalag norðanmanna. Hann hitti
þó Bossi á heimili sinu skammt ut-
an við Mílanó á þriðjudag.
Bush sýni tillitssemi
George W. Bush
Bandaríkjaforseti þarf
að taka meira tillit til
annarra ríkja og móta
samhangandi stefnu
gagnvart Kína, Rúss-
landi og Evrópulönd-
um til að komast hjá
því að litið verði á hann sem
ósympatískan mann sem taki allar
ákvarðanir einhliða, að þvi er segir
í skýrslu virtrar stofnunar,
International Institute for Strategic
Studies.
Dátar aftur í búöir sínar
Hermenn úr röðum Bosníu-
Króata sem höfðu gert uppreisn
féllust í gær á að snúa aftur til búða
sinna.
Slakað á refsiaðgerðum
Bretar, með stuðningi Banda-
rikjamanna, lögðu til í gær að bund-
inn yrði endi á viðskipabann með
vörur fyrir almenning i Irak.
Sekur um kennaramorð
Fjórtán ára unglingur í Flórída
var í gær fundinn sekur um að hafa
myrt einn uppáhaldskennarann
sinn. Piltinum hafði verið vísað úr
skóla fyrir ólæti.
Hótanir frá Norður-Kóreu
Stjórnvöld í Norður-Kóreu hafa
hótað að draga sig út úr samkomu-
lagi við Bandaríkin frá 1994 þar sem
þau stöðvuðu tilraunir sínar með
kjamorku. Kóreumenn segja að
Bandaríkjamenn standi ekki við
sinn hluta samningsins.
Evrópa til fyrirmyndar
Framkvæmda-
stjórn Evrópusam-
bandsins, undir for-
sæti Romanos Prod-
is, kynnti í gær þá
stefnu sína að setja
verndun umhverfis-
ins í öndvegi og að
Evrópusambandið
verði til fyrirmyndar þegar sjálfbær
þróun er annars vegar.
Fá hryðjuverkastimpil
Bandarísk stjórnvöld hafa úr-
skurðað klofningshópinn Hinn
raunverulega IRA sem erlendan
hryðjuverkahóp. Þar með verður
ekki hægt að halda fjáröflunarsam-
komur fyrir samtökin.
Spáir nánari samruna
Joschka Fischer,
utanríkisráðherra
Þýskalands, lét hafa
það eftir sér í gær
að Evrópusamband-
ið myndi þróast í
sambandsríki.
Hann sagði í viðtali
við Financial Times
að slíkt myndi þó ekki gerast án
átaka.
Löggur burt frá Berbum
Alsírsk stjórnvöld hafa flutt
hundruð lögregluþjóna burt frá
Berbahéruðunum þar sem komið
hefur til harðra átaka undanfarið.

Herflugvél fórst
Tyrknesk herflugvél fórst í gær f
suðausturhluta Tyrklands. Um borð
voru 34 menn og létust þeir allir.
Sjónarvottar segja að sprenging hafi
orðið í vélinni áður en hún steyptist
til jarðar.