Dagblaðið Vísir - DV - 22.10.2001, Blaðsíða 24
36
MÁNUDAGUR 22. OKTÓBER 2001
Tilvera I
lí f iö
Dagskrá um
Edward Albee
í kvöld verður í Listaklúbbi
Leikhúskjallarans dagskrá um
Edward Albee, eitt þekktasta og
áhrifamesta leikskáld Bandaríkj-
anna á síðustu áratugum. Mel-
korka Tekla Ólafsdóttir fjallar
um Albee. Leiklesin verða brot
úr verkum hans og flutt atriði
úr hinni vinsælu sýningu Hver
er hræddur við Virginíu Woolf.
Krár
■ EXTRA A GAUKNUM Hljómsveit-
in Extra spilar á Gauk á Stöng.
Fundir
■ HVAÐ ERT Þll TONLIST? Nám
skeiðiö Hvaö ert þú tónlist? verður
haldið á vegum Endurmenntunar Hl
og hefst í kvöld kl. 20.00. Jónas
Ingimundarson píanóleikari kennir á
námskeiöinu sem er haldið í Saln-
um, Tónlistarhúsi Kópavogs.
Þrír feðgar munu koma fram á
útgáfukvöldi í Kaffileikhúsinu í kvöld.
Þeir eru Eyvindur P. Eiríksson, Erpur
Þ. Eyvindarson og Eyjólfur B.
Eyvindarson. Allir munu þeir kynna
Ijóð- og tóndiska sína.
Bíó
■ FILMUNDUR ENDURSÝNIR Fil-
mundur endursýnir í kvöld framhald
hinnar spænsku grínmyndar „Tor-
rente“ og ber hún, eins og fyrr segir,
heitiö „Torrente 2: Mission en Mar-
bella.“ Með titilhlutverkið fer Santi-
ago Segura, einn ástsælasti kvik-
myndaleikari Spánar, og er hann
einnig leikstjóri, sem og höfundur
handrits og tónlistar. Sýningin hefst
kl. 22.30.
Sýningar
■ HRINGRAS VATNS OG
SPEGLAR I HAFNARBORG Sýning
arnar Hringrás vatnsins og Speglar
voru opnaðar í neðri sölum Hafnar-
borgar, Apótekinu og Sverrissal, um
helgina. Sýningarnar standa til 5.
nóvember og eru opnar alla daga kl.
11-17, nema þriðjudaga. Jónína
Guðnadóttir sýnir í Apótekinu. Þessi
sýning hennar, Hringrás vatnsins, er
unnin útfrá þeim hugleiðingum að
allt sem viö látum frá okkur skili sér
til baka og hafni í viðkvæmri og brot-
hættri hringrás. Kristján Pétur
Guðnason sýnir Ijósmyndir í Sverris-
sal. Þetta er fýrsta einkasýning
Kristjáns en hann hefur áður te,kið
þátt í nokkrum samsýningum. Á sýn-
ingunni Speglar eru rúmlega tuttugu
Ijósmyndir sem sýna spegilmyndir úr
náttúru og umhverfi, teknar á síð-
astliönum 14 mánuðum.
■ MARGMTOLAÐUR MEGAS í
NYLO Sýningin eða listþingiö
Omdúrman: Margmiðlaður Megas í
Nýló er helgað Megasi, Magnúsi Þór
Jónssyni, og er því ætlað að gefa
innsýn í heim Megasar, vinnubrögö
og höfundarverk - þaulunnið, frjótt,
djarft, heiðarlegt, beitt og óvægið.
Þingið veröur opnað í dag. Megas er
óvenju „margmiðlaður" listamaöur;
allt í senn trúbadúr, poppari, tón-
skáld, Ijóðskáld, myndlistarmaður,
rithöfundur, skáldfræðimaöur, rokk-
tröll.
■ BYNHILDUR GUOMUNDSDOTTIR
Á CAFE PRESTO Brynhildur Guö-
mundsdóttir hefur opnað sýninguna
flökt [taktur einsemd snerting] a
Cafe Presto, Hlíðasmára 15 í Kópa-
vogi. Málverkin á sýningunni eru öll
unnin á þessu ári.,Sýningin stendur
til 23. nóvember. Á virkum dögum er
opið frá 10-23 en um helgar frá 12-
18. Aðgangur er ókeypis.
Sjá nánar: Lífið eftlr vinnu á Vísi.is
La Familia - E:
Feðgar gefa út hver sinn diskinn
La Familia -E
Feógarnir Erpur Þ. Eyvindarson, Eyvindur P. Eiríksson og Eyjólfur B. Eyvindarson veröa meö rappljóöadagskrá í Kaffi-
leikhúsinu í kvöld og ætla aö kynna efni af þremur geisladiskum sem þeir eru aö gefa út.
Það var eins og að vera á litlu ætt-
armóti þegar ég hitti feðgana Eyvind
P. Eiríksson og syni hans tvo, Eyjólf
og Erp, í Húsi málarans í lok síðustu
viku. Þeir komu sér fyrir á borði við
gluggann og settu upp spekingslegan
en glaðlegan svip og voru til í allt.
Feðgarnir eru allir að gefa út sinn
geisladiskinn hver um þessar mundir.
Eyvindur er sá eini sem er tilbúinn
með sinn disk til sýnis. Hann er
reyndar líka að gefa út ljóðabók og af
myndinni á bókarkápunni mætti ætla
að hann sé af ætt indíána enda segir
hann að í Kanada hafi honum oft ver-
ið ruglað saman við indíána.
Róttækir menn
Þegar feðgarnir eru spurðir hvort
þeir eigi eitthvað fleira sameiginlegt
en að vera feðgar og að vera að gefa út
disk hlæja þeir í kór. Eyvindur er
fyrstur til að grípa orðið og segir að
þeir séu allir mjög róttækir menn í já-
kvæðum skilningi þess orðs. „Við
erum friðarsinnar og viljum að menn
fái að vinna að sínum hugðarefnum í
friði, við lítum svo á að allir menn
fæðist og deyi jafnir. Það er bölvað
svindl að gera upp á milli manna þar
á milli þó að þeir eigi náttúrlega að fá
að njóta hæfileika sinna.“
Hér grípa bræðurnir báðir fram í
samtímis en Erpur nær orðinu: „Ef
maður er róttækur á einn hátt er mað-
ur það yfirleitt á flestum sviðum."
Púra hipphopp
Erpi er mikið niðri fyrir þegar
hann segir að
X Rottweiler-diskurinn sé mjög rót-
tækur og púra hipphopp. „Við unnum
Músíktilraunir árið 2000 og höfum
verið að spila og vesenast síðan. Plat-
an er reyndar ekki komin formlega út
en það er búið að spila hana mikið i
útvarpi og hún hefur fengið fina
dóma.
Ég er líka á plötunni hans Eyjólfs
og hann er á Rottweiler-plötunni og
semur eitt lag, þannig að við hjálp-
umst að. Við leggjum allir áherslu á
Bíógagnrýni
Konur
að semja ljóð á íslensku þó að við höf-
um líka fiktað við önnur tungumál
eins og ensku, dönsku, þýsku og
spanklish sem er blanda af amerísku
og spænsku."
Stormurinn á eftir logninu
Að sögn Eyjólfs kallar hann sig Ses-
ar A en diskurinn hans heitir Storm-
urinn á eftir logninu. „Ég stofnaði fyr-
irtæki til að að gefa út diskinn. Tón-
listin á disknum er rapp og ég gerði
hann að mestu einn. Ég sem taktana
og textana og tók diskinn upp heima
hjá mér.“
Hér grípur Eyvindur fram í og seg-
ir stoltur: „Þetta er brautryðjandi á
sínu sviði, hann var ekki nema sjö
ára þegar hann byrjaði að breika og
spila electric boogy.“ Eyjófur viður-
kennir að þetta sé rétt og að hann hafi
kynnst þessari tónlist á meðan fjöl-
standa
skyldan bjó í Danmörku.
Eyvindur er fyrir löngu orðin lands-
þekktur og fékk á sínum tíma Laxness-
verðlaunin fyrir bókina Landið handan
fjarskans. Strákarnir segja að „orðið“
sé í fjölskyldunni og að þeir séu búnir
að vera að skrifa í að minnsta kosti tíu
ár.
Að sögn Eyvindar er hann að gefa út
bók og disk með ljóðalestri við tónlist
eftir Hilmar Öm Hilmarsson. „Þetta
eru heiðin náttúruljóð sem endur-
spegla ný viðhorf gagnvart náttúmnni.
Bókin var að hluta til skrifuð uppi á
hálendinu og ber þess greinileg merki.“
Eyvindur segist ekkert hafa komið ná-
lægt diskunum hjá strákunum og að
þeir hafi látið sig i friði á meðan hann
var að vinna að sínum.
Rappið og Ijóðið
Þegar hér er komið sögu snýst talið
upp í hvað plöturnar eiga sameiginlegt
og ekki nokkur leið að átta sig á því
hver segir hvað. „Þó að rappið sé þétt-
býlistónlist á það margt sameiginlegt
með gömlu þulunum, menn em að tala
í eða við takt. Flestar þjóðir eiga sér
einhverja hefð sem svipar til rappsins
en í dag er það mjög þróað sem tónlist-
argrein. Rappið og ljóðið tengjast sterk-
um böndum í poetryslammi sem er
blanda af hefðbundnu ljóði og rappi.
Það er fullt af ungum röppurum hér
á landi sem em að segja frá alvöruhlut-
um og þeir em að brjótast upp á yfir-
borðið og ætla að láta í sér heyra."
Feðgarnir ætla að vera með sameig-
inlegt rappljóðakvöld í Kaffileikhúsinu
í kvöld klukkan 20.30 og kynna diskana
sína og þeir leggja áherslu á að orðið
komi til með að ráða ríkjum þó að þeir
fLytji ljóð sín við tónlist. -Kip
/
Háskólabíó - Mávahlátur: ★ ★★
saman
Sif
Gunnarsdóttir
skrifar gagnrýrti
um kvikmyndir.
P
v--
Mávahlátur hefst á svífandi mávum
yfir íslenskri höfn. Samferða mávun-
um er flugvél á leið til íslands að vest-
an og þegar hún lendir stíga út grann-
ir fætur íklæddir þunnum nælonsokk-
um og háhæluðum svörtum skóm.
Freyja er komin heim. Freyja, alþýðu-
stúlka úr íslenskum smábæ er komin
heim frá Ameríku eftir að offiséraeig-
inmaður hennar dó. Hún flytur heim
úr amerískum allsnægtum í skömmt-
unarmiða íslensku eftirstríðsáranna.
Þó þarf hún ekki að líða skort í húsi
frænku sinnar þar sem hún sest að
þótt það sé fullt af konum og fyrir-
vinnan ein og alltaf úti á sjó. Húsið
likist helst gamla húsinu í Djöflaeyj-
unni, svo lengi tekur það við fólki úr
ýmsum áttum. Og sú eina sem hefur
einhverjar athugasemdir við það er
sú yngsta af heimilisfólkinu, Agga -
sem spyr „hvar á hún að sofa“ vel vit-
andi að hún sem er yngst mun hrekj-
ast milli herbergja og bedda í hvert
sinn sem gest ber að garði. Freyja er
falleg og með fegurð sinni kemur hún
öllu og öllum í uppnám. Karlmenn
svikja konur, konur verða sjálfstæð-
ari, valdastrúktúrinn í bænum riðlast
og menn deyja. Allt á þetta rætur sín-
ar að rekja til Freyju.
Hver er hún eiginlega þessi Freyja?
Hún er hin fullkomna kona, með
grannt mitti, langa leggi, þrýstinn
barm og ótrúlega sítt hár. Hún er álf-
kona og tröll, engill og djöfull. Hún er
blíð við þá sem eiga það skilið, sjálf-
skipaður vemdari kvenna og aum-
ingja en rífur í sig eins og hungruð
ljónynja þá sem ætla sér að standa í
vegi fyrir henni. Hún heillar alla,
nema þá sem hún ögrar sem eru fyrst
og fremst fínu frúrnar í bænum - og
svo Agga. Agga sér í gegnum fegurð-
ina og glæsileikann og sér grimmdina
undir niðri. Hún fer reglulega til lög-
regluþjónsins Magnúsar til að kvarta
undan Freyju og til að tilkynna glæpi
sem Freyja fremur í skjóli nætur.
Magnús er ekki á því að trúa stelpu-
krakka fyrr en allt í einu að stelpu-
krakkinn breytist í konu - en þá er
það of seint - því konur standá sam-
an.
Eins og flestir vita hóf Mávahlátur
líf sitt sem skáldsaga eftir Kristínu
Marju Baldursdóttur sem kom út árið
1995. Mávahlátur er kjörinn sem kvik-
myndahandrit, með litríkum persón-
um, góðri blöndu af kímni og drama-
tík og mettuð af atburðum. Framan af
fannst mér jafnvel of mikið af stuttum
ótengdum atriðum en þau þjóna öll
þeim tilgangi að sýna fleiri hliðar á
hinni samsettu Freyju.
Ágúst Guðmundsson leikstjóra þarf
vart að kynna fyrir íslenskum áhorf-
endum, svo stórt er hans hlutverk i ís-
lenskri kvikmyndagerð - ekki síst
vegna þess að tvær af myndum hans,
Land og synir og Með allt á hreinu,
eru enn þá mest sóttu íslensku kvik-
myndirnar. Þótt Mávahlátur nái ekki
þeim aðsóknartölum þá er hér á ferð-
inni ein besta mynd Ágústs i mörg ár.
Hann kemur einstaklega vel til skila
mystíkinni sem er i bókinni og gerir
Freyju marghliða og margræða.
Freyja verður í hans meðförum kven-
frelsishetja, álfkona úr hamri og stór-
hættuleg femme fatale. Það er ekki á
valdi allra leikara að ná utan um allt
þetta en Margrét Vilhjálmsdóttir
klæðir sig í Freyju (eða öfugt) og er
tælandi fógur og óttalega grimm.
Stjarna Mávahláturs og sú persóna
sem myndin stendur og fellur með er
þó stúlkan Agga, leikin snilldarlega af
Uglu Egilsdóttur. Þvílíkt náttúrutá-
lent, ég hef aldrei séð íslenskt barn
leika svona vel í kvikmynd, ekki til
tilgerð enda treystir Ágúst henni al-
gjörlega - hún er í mynd nánast óslit-
ið alla myndina. Agga er eins konar
sögumaður og rauði þráður myndar-
innar eru samtöl þeirra Öggu og lög-
regluþjónsins Magnúsar. Alveg frá-
bær atriði og samleikur Uglu og Hilm-
is Snæs Guðnasonar yndislegur (sem
kemur engum á óvart). Á heildina lit-
ið er leikurinn í kvikmyndinni fínn
enda hefur tekist alveg sérstaklega vel
að velja leikara í hlutverk; eini leikar-
inn sem ég var ekki sátt við er Heino
Ferch i hlutverki elskhugans Bjöms
Theódórs, hann var ekkert áþreifan-
lega skotinn í Freyju svo pirraði mig
líka talsetningin á honum, hins vegar
tókst Ágústi prýðilega að leika fram
hjá honum þannig að maður sá hann
sjaldnast tala. En þetta er aukaatriði í
vel heppnaðri mynd sem bæði fær
mann til að hlæja upphátt og sendir
hroll niður bakið á manni. Látið
Freyju lokka ykkur í bió.
Lelkstjóri: Ágúst Guömundsson. Handrit:
Ágúst Guömundsson eftir samnefndri
skáldsögu Kristinar M. Baldursdóttur.
Leikarar: Ugla Egilsdóttir, Margrét Vil-
hjálmsdóttir, Hilmir Snær Guönason,
Edda Björg Eyjólfsdóttir, Kristbjörg Kjeld,
Halldóra Geirharösdóttir, Bára Lyngdal,
Benedikt Erlingsson, Guðlaug Elísabet
Ólafsdóttir, Heino Ferch, Jónína Leósdótt-
ir, Sigurveig Jónsdóttir, Eyvindur Erlends-
son o.fl. Framleiöandi: Kristín Atladóttir.
Kvikmyndataka: Peter Krause. Búningar:
Þórunn María Jónsdóttir.