Dagblaðið Vísir - DV - 11.06.2002, Blaðsíða 2

2
Fréttir
ÞRIÐJUDAGUR 11. JÚNÍ 2002
x>v
DV-MYND BÞ
I lausu lofti
Unniö er að breyttri ásýnd miöbæjar-
ins á Akureyri og eru ný útilistaverk
aö líta dagsins Ijós. Þessir teningar
voru settir upp í gær og viröast þeir
svífa um í lausu lofti.
Gengi deCODE:
Örlítill bati
í gærdag
Gengi hlutabréfa í deCODE náði enn
eina ferðina sögulegu lágmarki á fóstu-
daginn, en rétti örlítið við i viðskiptum
gærdagsins. Við lokun markaða á fóstu-
dag var gengið skráð á 3,72 dollara á
hlut og hafði þá aldrei verið lægra. Við
opnun markaða í gærmorgun var nokk-
ur spenna um hver þróunin yrði í kjöl-
far frétta af nýju fullkomnu erfðameng-
iskorti sem fyrirtækið kynnti um helg-
ina. Höfðu þær fregnir þó minni áhrif
en margir bjuggust við og steig gengið
aðeins upp í 3,76 dollara í gær í viðskipt-
um með 276.800 hluti.
Þrátt fyrir að gengi hlutabréfa í
deCODE sé mjög lágt halda stofnanir á
borð við Bloomberg enn við spá sína um
að eftir næsta ár fari gengi bréfa í
deCODE ört vaxandi. Þannig megi
vænta verulegra umskipta hjá fyrirtæk-
inu á næstu fimm árum og mun meiri
en hjá öðrum fyrirtækjum í þessari
grein. Erlendir fiárfestingarbankar s.s.
Lehman Brothers og WestLB Panmure
eru á sama máli um að deCODE sé
áhugavert fyrirtæki og sérstaklega nú,
eftir að bréfm hafa fallið svo ört, sé rétt
að kaupa í fyrirtækinu. WestLB Pan-
mure segir að gengi deCODE ætti að
vera 6,5 en Lehman Brothers segja að
gengið ætti að vera 12,5, en það skal tek-
ið fram að Lehman Brothers sá um út-
boð fyrirtækisins.
Samkvæmt heimildum DV af fjár-
málamarkaðinum er talið að verðmynd-
un myndist af einstökum atburðum
frekar en væntingum um sjóðstreymi til
skemmri tíma og hafi sterk áhrif á
gengi fyrirtækja. Þá er því haldið fram
að gengi eins fyrirtækis hafi áhrif á
önnur fyrirtæki f sama geira. Lyfia- og
líftæknifyrirtækið ImClone þurfti að
innkalla iyf af markaðinum og ósjálfrátt
er það talið hafa, á neikvæðan hátt, haft
áhrif á gengi deCODE, sem og annarra
líftæknifyrirtækja. -HKr./SS
Bílvelta í Grímsnesi:
Þrennt
mikið slasað
Bifreið keyrði út af Laugarvatns-
vegi í Grímsnesi kl. hálfeitt í nótt.
Tvær stúlkur og einn piltur voru í
bifreiðinni og eru þau öll á aldrin-
um 19-22 ára. Kalla þurfti á tækjabíl
slökkviliðsins til að klippa einn út
úr bílnum og kom þyrla Landhelgis-
gæslunnar á staðinn fljótlega og
flutti hún einn af þeim slösuðu á
Landspítalann við Hringbraut. Hin-
ir tveir voru fluttir með sjúkrabif-
reið. Bíllinn, sem fór margar veltur,
er talinn gjörónýtur.
Ekki fengust upplýsingar frá gjör-
gæsludeild Landspítalans við Hring-
braut um líðan fólksins en sam-
kvæmt upplýsingum frá fögreglunni
á Selfossi var fólkið talið alvarlega
slasað. -Vig
Viðbrögð varaformanns Byggðastofnunar komu í bakið á ráðherra:
Valgerður for-
viða á Guðjóni
- kannast ekki við að hann hafi talað á þessum nótum í samtölum
Valgerður Sverrisdóttir, iðnaðar-
og viðskiptaráðherra, segist afar
undrandi á þeirri gagnrýni sem fram
hefur komið hjá Guðjóni Guðmunds-
syni, varaformanni stjórnar Byggða-
stofnunar, á afskipti hennar af
Byggðastofnunardeilunni. „Ég undr-
ast þessi viðbrögð varaformannsins.
Við höfðum átt samtöl um þessi mál
og þessi afstaða hans kom ekki fram í
þeim viðræðum. Þess vegna kemur
mér þetta á óvart,“ sagði Valgerður í
samtali við DV.
Guðjón telur að síðara bréf ráð-
herra til Theódórs Bjarnasonar, for-
stjóra Byggðastofnunar, hafi verið
sérkennilegt í ljósi þess að hans
reynsla sé sú að starfsfólkið hafi unn-
ið gott starf við erfiðar aðstæður. Und-
ir það hafa fleiri stjómarmenn tekið,
s.s. Örlygur Hnefill Jónsson sem seg-
ist ekki undanskilja neinn þegar hann
hæli starfsfólki stofnunarinnar.
Valgerður gerir hins vegar alvar-
Valgeröur Guðjón
Sverrisdóttir. Guömundsson.
legar athugasemdir við fyrri svör for-
stjórans og telur tilefni til áminninga
vegna ýmissa atriða. Hún sakar for-
stjórann um vanrækslu í starfi, ófuli-
nægjandi árangur og brot gagnvart
stjórn svo nokkuð sé nefnt.
Er aö sinna skyldu minni
Um þetta segir ráðherra: „Ég er að
kalla eftir skýringum eins og ég tel að
sé skylda min. Ef ég hef efasemdir um
embættisfærslur forstjórans ber mér
að óska skýringa."
í vikulokin mun sjá fyrir endann á
þessari deilu því þá rennur út frestur-
inn sem Theódór var gefinn til að
koma sínum sjónarmiðum á framfæri.
Kristinn H. Gunnarsson segist hug-
leiða að skrifa greinargerð um málið
en Valgerður hefur ekki gert honum
að svara ávirðingum bréflega. Krist-
inn er sammála Valgerði um að við-
brögð Guðjóns orki mjög tvímælis.
„Hann er trúnaðarmaður ráðherra í
stjórninni og það er augljóslega á
verksviði ráðherra að leysa málið. Ef
hann er ósáttur við umsýslu ráðherra
finnst mér að hann eigi að snúa sér
þangað og gera grein fyrir athuga-
semdunum en fialla ekki um það opin-
berlega. Við sem sitjum í stjóminni
erum þar í umboði ráðherra og mér
finnst að við eigum ekki að deila við
hana heldur sinna okkar verkum og
hlíta því sem ráðherra mælir um,“
segir Kristinn. -BÞ
G.BENDER/DV-MYND ASGEIR HEIÐAR
Kjósin - Lax í súpuna ...
,,Þetta er finn lax í súpuna, “ sagöi Siguröur L. Hall viö Laxá í Kjós í gærmorgun, þegar fyrsti lax sumarsins var
kominn á land, en þaö voru bræöurnir Gunnar og Magnús Gunnarssynir sem veiddu fiskinn í Laxfossi og á myndinni
láta þeir Siguröi kokki eftir laxinn í súpuna.
Deilurnar á Sólheimum valda áhyggjum:
Aðstandendur skora á stjórn
og ráðherra að sættast
Sólheimar í Grímsnesi.
Fundur aðstandenda heimilis-
fólks á Sólheimum sendi Páli Pét-
urssyni félagsmálaráðherra hlýjar
kveðjur með þakklæti fyrir velvild
hans og umhyggju fyrir heimilinu á
liðnum árum. Jafnframt hvetja að-
standendur ráðherrann til að leyfa
Sólheimum og stjóminni að starfa
áfram í anda hugsjóna Sesselju Sig-
mundsdóttur sem stofnaði Sólheima
árið 1930. í samtali við Pál Péturs-
son sagði hann að hann vildi endur-
skipuleggja stjórnina en ósætti hef-
ur komið upp á milli hennar og ráð-
herrans um hvernig verja eigi pen-
ingunum sem Sólheimar fá frá fé-
lagsmálaráðuneytinu. Félagsmála-
ráðherra vill að þeir fiármunir sem
ríkið úthlutar Sólheimum fari beint
til umönnunar við heimilisfólkið og
segir hann að peningarnir séu ætl-
aðir til að annast fatlaða einstak-
linga sem eru lögum samkvæmt
skjólstæðingar félagsmálaráðuneyt-
isins og að þessir peningar eigi ekki
að fara í að efla atvinnustarfsemi
staðarins. Félagsmálaráðherra
sagði að hann væri alls ekki á móti
atvinnustarfsemi á Sólheimum en
peningar til þess þyrftu að koma
annars staöar frá. Óli Tynes er einn
aðstandenda heimilisfólks á Sól-
heimum og sagði í viðtali við DV að
aðstandendur teldu að sú atvinnu-
starfsemi og annað sem byggt hefur
verið upp á Sólheimum, eins og
verslun, leikhús, íþróttahús, kafii-
stofan og þess háttar atvinnustarf-
semi hafi verið geysilega mikilvæg í
gegnum tíðina.
„Fólkið á Sólheimum fær tæki-
færi til þess að læra fullt af nýjum
hlutum og takast á við nýja hluti og
þetta laðar utanaðkomandi fólk til
að heimsækja staðinn sem er þrosk-
andi og gott fyrir alla,“ sagði Óli.
Hann sagði enn fremur að aðstand-
endur heimilisfólksins væru ekki
að taka afstöðu gegn ráðherranum
eða hans skoðunum. „Við vonum
bara að stjórn Sólheima og ráðu-
neytisins beri gæfu til þess að ná
sáttum,“ sagði Óli Tynes. -ss

M
Hagkaup flytja inn kjúklinga
Hagkaup hafa far-
ið þess á leit við
landbúnaðarráð-
herra að fá að flytja
inn 20 tonn af frosn-
um kjúklingum frá
Svíþjóð. Skortur
hefur verið á
kjúklingum í land-
inu og hafa Hagkaup ekki fengið
nema um 30% af því magni sem fyr-
irtækið þarf til þess að anna eftir-
spurn. Óskað er eftir því að landbún-
aðarráðuneytið felli niður aðflutn-
ingsgjöld.
Aukið sætaframboö til Eyja
íslandsflug hefm ákveðið að bjóða
aftur upp á ATR-46 skrúfuþotu í
áætlunarflugi til Eyja og var fyrsta
ferðin farin sl. laugardag, þ.e. í
morgun- og kvöldferðum. Með end-
urkomu ATR-vélarinnar aukast
möguleikar íslandsflugs að annast
leiguflug jafnframt áætlunarflugi.
Flugvöllur ekki fluttur
Skipulagsstofnun telur að sveitar-
félög á höfuðborgarsvæðinu geti
ekki ákveðið að flytja Reykjavíkur-
flugvöll í trássi við stefnu stjórn-
valda. Stofnunin hefur mælt með því
við umhverfisráðherra að hann setji
fyrirvara við staðsetningu á Svæðis-
skipulagi höfuðborgarsvæðisins
2001-2024, en skipulagið bíðm þar
staðfestingar.
Vinnuslys viö Borgartún
Vinnuslys varð við Borgartún 19
í Reykjavík upp úr klukkan þrjú í
gærdag. Maðm var þar að vinna við
gluggaþvott á nýbyggingu er hann
féll þrjá metra og niðm á næsta
vinnupall. Hann hlaut innvortis
meiðsl og var fluttur með sjúkrabíl á
slysadeild Landspítala Háskóla-
sjúkrahúss í Fossvogi. Menn frá
Vinnueftirlitinu og slysarannsóknar-
deild lögreglunnar rannsaka slysið.
Stúdentar
styrktir
Tómas Ingi 01-
rich menntamála-
ráðherra afhendir á
morgun 15 styrki úr
sjóðnum „Þekking
stúdenta í þágu
þjóðar" til nemenda í Háskóla ís-
lands, en styrkirnir renna til verk-
efna í 10 sveitarfélögum.
Vinsælt hvalaskoöunarland
ísland er meðal 10 bestu staða í
heiminum til að stunda hvalaskoðun
að mati samtakanna World Wildlife
Fund. Þar segir aö um 60 þúsund
ferðamenn hafi stundað hvalaskoö-
un hérlendis og það sé sá geiri ferða-
þjónustunnar sem hafl vaxið hvað
hraðast hérlendis. WWF segir að
ferðamenn megi ekki láta hvalaskoð-
un frá Húsavík fram hjá sér fara
enda megi þar sjá spennandi hvala-
sýningar auk þess sem gaman sé að
koma þangað með
börn.
Munaöi einu
atkvæöi
Gisli Már
Gíslason, formað-
ur Þjórsárvera-
nefndar, segir
rangt sem fram
kemur hjá Þor-
steini Hilmars-
syni, upplýsingafulltrúa Landsvirkj-
unar, í DV í gær að tillaga um hvort
heimila eigi framkvæmdir við Norð-
lingaöldu hafl verið samþykkt með
þremur atkvæðum gegn þremur. Hið
rétta sé að samþykkið hafi fengist
með þremur atkvæðum á móti
tveimur. Tillaga minnihlutans, það
er fulltrúa Landsvirkjunar, hafi hins
vegar verið felld á þessum fundi.
-GG/sbs
Gísli Már
Gíslason.