Dagblaðið Vísir - DV - 05.09.2003, Síða 16

16 FRÉTTIR FÖSTUDAGUR 5. SEPTEMBER 2003
Útlönd
itieinwrinn í.hPtötskutm
Umsjón: Guðlaugur Bergmundsson, Erlingur Kristensson
Netfang: gube@dv.is, erlingur@dv.is
Sími: 550 5829
Vilja ræða við Suu Kyi
BURMA: Bandarískstjórnvöld
hafa fram fram á það við her-
foringjastjórnina í Burma að fá
að ræða við baráttukonuna
Aung San Suu Kyi, leiðtoga
stjórnarandstöðunnar, svo að
ganga mætti úr skugga um
hvort hún væri í hungurverkfalli
eður ei. Bandaríkjamenn til-
kynntu síðastliðinn sunnudag
að Suu Kyi hefði farið í hungur-
verkfall til að mótmæla fangels-
un sinni. Herforingjastjórnin
þvertekur fyrir að svo sé.
Háttsettur embættismaður
bandaríska utanríkisráðuneytis-
ins lét að því liggja í gær að þar
á bæ væru menn ekki vissir um
hvort Suu Kyi væri enn í hung-
urverkfalli.
Suu Kyi hefur verið í haldi frá
því í lok maí í vor.
Skipt um lit
SVALBARÐI: Ákveðið hefur
verið að eini svarti ísbjörninn á
Svalbarða skipti um lit og verði
framvegis hvítur. Um er að
ræða skilti þar sem vegfarend-
ur eru varaðir við ísbjörnum á
sveimi. Bangsi var svartur á
hvítum bakgrunni. Eftirfjöl-
margar kvartanir hafa yfirvöld
fallist á að breyta skiltinu og
hafa ísbjörninn hvítan.
Þeir Gerhard Schröder, kanslari
Þýskalands, og Jacques Chirac,
forseti Frakklands, neituðu í
gær að styðja drög Bandaríkja-
manna að nýrri ályktun í Örygg-
isráði Sameinuðu þjóðanna um
aukinn alþjóðlegan stuðning í
(rak þar sem þau gangi ekki
nógu langt.
Þetta kom fram á blaðamanna-
fundi sem boðað var til eftir fund
þeirra Schröders og Chiracs í þýsku
borginni Dresden f gær og sagði
Chirac að svo virtist sem tillaga
Bandarfkjamanna uppfyllti ekki
þau meginmarkmið að færa póli-
tíska ábyrgð nógu fljótt í hendur
írösku ríkisstjórnarinnar og Sam-
einuðu þjóðanna.
Þar með er komin upp svipuð
staða og fyrir stríðið í Irak þegar
Frakkar og Þjóðverjar neituðu að
styðja ályktun Bandaríkjamanna og
Breta sem heimilaði hernaðarað-
gerðir í írak.
Engin eftirgjöf
í drögunum, sem kynnt voru í
gær, segir aðeins að Sameinuðu
þjóðimar skuli taka þátt í undir-
búningi að myndun nýrrar ríkis-
stjórnar í írak en ekkert um að
Bandaríkjamenn gefi eftir pólitísk
eða hernaðarleg völd.
Drögin gera einnig ráð fyrir að
öryggisráðið heimili að senda al-
þjóðlegar hersveitir undir einni
stjórn til Iraks til þess að tryggja
frekara öryggi og stöðugleika í
Iandinu en þó undir yfirherstjórn
Bandaríkjamanna.
Þá kemur fram í drögunum að
íraska framkvæmdaráðinu verði
falið að vinna að drögum að nýrri
stjórnarskrá og að undirbúningi og
tímaáætlun fyrir lýðræðislegar
kosningar en í samvinnu við her-
stjórnina og fulltrúa SÞ.
Ekki nógu fljótvirkt
„Við erum auðvitað tilbúnir til
þess að skoða tillögurnar en við
fyrstu skoðun virðast þær í megin-
markmiðum ekki ganga nógu
langt, það er að segja að færa póli-
tíska ábyrgð nógu fljótt í hendur
írökum sjálfum," sagði Chirac.
Hann bætti við að tillögurnar
sýndu að bandarísk stjórnvöld
væru að endurskoða afstöðu sína
en gæfu þó alls ekki nægilega mikið
eftir.
Komin upp svipuð
staða og fyrir stríðið
þegar Frakkar og
Þjóðverjar neituðu
að styðja ályktun
Bandaríkjamanna
og Breta.
Gerhard Schröder tók í sama
streng og sagði að fraska þjóðin
hefði þurft að þola miklar þjáning-
ar vegna stríðsins og nú sífelldra
skæruárása. Hún þyrfti því virki-
lega á skjótum stöðugleika og lýð-
ræði að halda.
„Það næst ekki nema Sameinuðu
þjóðirnar taki yfir ábyrgðina á póli-
tískri þróun í landinu og írösk
stjórnvöld taki við völdum við
fyrsta tækifæri," sagði Schröder.
Veit ekki hvað þeir vilja
Colin Powell, utanríkisráðherra
Bandaríkjanna, sem harðast hefur
barist fyrir nýrri ályktun í Öryggis-
ráðinu, sagði í gær eftir að hafa
fengið skilaboðin frá Dresden, að
hann hefði ekki enn fengið tækifæri
til þess að skoða málið nákvæm-
lega né hvað þeir Schröder og
Chirac meintu.
„Ég átta mig ekki alveg á hverju
þeir eru að leita eftir eða hverjum
þeir vilja afhenda ábyrgðina á
stjórnun Iraks ef við ætluðum að
gera það strax," sagði Powell.
Dominique de Villepin, utanríks-
ráðherra Frakklands, var nákvæm-
ari í yfirlýsingu sinni í gær og sagði
að ályktunin yrði að færa íröskum
stjórnvöldum þau völd sem þau
þyrftu til þess að stjórna efnahags-
uppbyggingu þessa • „olíuríka"
lands.
„Bandarísk stjórnvöld eiga strax
að afhenda írösku bráðabirgða-
stjórninni, undir stjórn Pauls
Bremers, alla stjórn félags- og efna-
hagsmála í írak," sagði Villepin.
Öryggisráðið fundar í dag
Sendiherrar ríkjanna fimm, sem
eiga fastafulltrúa í Öryggisráði SÞ,
hittust á lokuðum fundi í morgun
fyrir fullboðaðan fund ráðsins
seinna í dag og sögðu stjórnmála-
skýrendur að fram hefði komið
mikil óánægja með drögin og svo
virtist sem flestir fulltrúar landanna
fimmtán, sem sæti eiga í öryggis-
ráðinu, hefðu eitthvað við þau að
athuga.
Frakkar hafa þegar lagt fram Iista
yfir breytingar sem þeir vilja gera á
drögunum og ganga þær út á það
að hraða því að írakar taki sjálfir við
stjórn eigin mála.
SCHRÖDER OG CHIRAC Áfram á móti.
Þjóðverjar einna
latastir í Evrópu
Goðsögnin um hina
vinnusömu Þjóðverja
virðist ekki eiga við
nein rök að styðjast, ef
marka má niðurstöður
könnunar Efnahags-
og framfarastofnunar-
innar (OECD) á vinnu-
stundafjölda.
LETIHAUGAR: Gerhard Schröder Þýskalandskanslari ætti
að fá landa sína til að vinna meira til að koma landinu
upp úr þeirri efnahagslægð sem það er í. Þjóðverjar fá
fleiri frídaga en flestir aðrir.
Könnunin leiddi í ljós
að Þjóðverjar vinna einna
minnst allra Evrópuþjóða
og verja ekki nema einum
sjötta tíma síns t' vinn-
unni.
Þýskir vinna að meðal-
tali 1.447 klukkustundir á
ári. Til samanburðar má geta þess
að íslendingar vinna að meðaltali
1.847 stundirááriogjapanar 1.859.
Vinnusamastir allra eru Suður-
Kóreumenn, með hvorki meira né
minna en 2.447 stundir, eða eitt
þúsund stundum fleiri á ári en
Þjóðverjar.
Þá fá Þjóðverjar líka flesta frí-
daga, eða 43 á ári.
Abbas tilbúinn að
láta af embætti
Mahmoud Abbas, forsætis-
ráðherra palestínsku heima-
stjórnarinnar, segist reiðubú-
inn að láta af embætti fallist
palestínska þingið ekki á að
veita honum aukin völd.
Abbas sagði þingmönnum í
gær að nauðsynlegt væri fyrir
hann að fá aukin völd yfir örygg-
issveitum Palestínumanna til að
reyna að bjarga svokölluðum
Vegvísi að friði. Yasser Aráfat,
forseti Palestínumanna, hefur
aftur á móti verið tregur til að
fallast á kröfur hans.
Abbas, sem var skipaður f
embætti í apríl eftir mikinn
þrýsting frá Bandaríkjamönnum,
gekk ekki svo langt að fara fram á
traustsyfirlýsingu þingsins. Ah-
IÞINGHÚSINU: Mahmoud Abbas, for-
sætisráðherra Palestínumanna, fór fram
á aukin völd þegar hann kom fyrir
palestínska þingið í gær.
med Korei þingforseti sagði hins
vegar að 15 af 85 þingmönnum
hefðu farið fram á að fá að leggja
fram tillögu um vantraust á
Abbas. Þeirri ósk hefur ekki enn
verið svarað.
Fari svo að þingið, þar sem
stuðningsmenn Arafats eru í
meirihluta, hreki Abbas úr emb-
ætti gæti það orðið til þess að
friðartilraunir Bandaríkjamanna
og annarra fari út um þúfur.
Ekki verður það heldur til að
bæta ástandið að í morgun skutu
ísraelskir hermenn meintan
harðlínumann til bana í Vestur-
bakkaborginni Nablus. Her-
mennirnir höfðu komið til að
handtaka manninn og félaga
hans en þeir neituðu að gefast
upp fyrir dátunum.