Dagblaðið Vísir - DV - 25.10.2003, Page 25

LAUGARDAGUR 25. OKTÓBER 2003 DV HBLGARBLAÐ 25
DV-myndir GVA
Epli, furuhnetur og rúsínur
krauma á pönnunni ásamt
hvítlauk. Söxuðum tómat (má
vera úr dós) er bætt í og allt
soðið áfram í um tvær
mínútureða þartil
tómaturinn er maukaður.
Úlfari er annt um að ungt fólk
kynnist matreiðslu á fiski. I
bók hans eru því einfaldar
uppskriftir að Ijúffengum mat
sem flestir eiga að geta eldað.
Þorskstykkið er
sett ofan á maukið. Þetta er
þykkt stykki sem fá má í
fiskbúðum ef maður „suðar"
svolítið. Fiskinn þarf að
útvatna vel. Fá má
útvatnaðan fisk í fiskbúðum
en þá er oft miðað við að
fiskurinn verði soðinn.
Afgreiðsufólk fiskbúðanna
getur leiðbeint um frekari
útvötnun vegna annarrar
matreiðslu.
Kliðmjúk vín frá
Montes í Chile
Ágúst Guðmundsson hjá víndeild
Globus er sammála þeim sem hrifnir
eru af Úlfari Eysteinssyni og hans mat-
reiðslulist og tók fagnandi beiðni okkar
um að velja vín með matnum.
Vínin koma frá einu virtasta víngerð-
arhúsi Suður-Ameríku, Montes í Chile.
Montes var nýlega valin víngerð ársins í
Nýja heiminum af hinu virta víntímariti
Wine Enthusiast. Aurelio Montes, að-
alvíngerðarmaður fyrirtækisins og einn
virtasti víngerðarmaður Chile, hefur
tvisvar verið kosinn víngerðarmaður
ársins og einu sinni maður ársins í chí-
lesku viðskiptalífi.
Montes framleiðir breitt úrval vína -
allt frá ódýrum og góðum neysluvínum
á borð við Villa Montes og upp í eðalvín
sem eru að keppa við dýrustu og bestu
vfn veraldar. Þar fara fremst í flokki
Montes Alpha „M“ og Montes „Folly"
Syrah sem bæði hafa fengið 93 punkta
af 100 hjá víntímaritinu Wine Specta-
tor.
Með saltfiskrétti Úlfars verður
Montes Alpha Chardonnay 2002 fyrir
valinu, vín sem eingöngu er unnið úr
Chardonnay-vínþrúgunni. Vínið er
geymt á nýjum frönskum eikartunnum
í þrjá mánuði og þriggja ára gömlum
eikartunnum níu mánuði. Vínið ein-
kennist af þéttum, suðrænum ávexti og
greina má ananas og banana í bland við
mjúka ristaða eikartóna. Fínleiki og
mýkt einkenna þetta ágæta vín sem
best er að drekka 2-3 ára gamalt. Ekki
er mælt með að geyma það öllu lengur
en í fimm ár.
Montes Alpha Chardonnay 2002 fell-
ur vel að flestu sjávarfangi, t.d. þorski,
stórlúðu og skötusel, að ógleymdum
grilluðum ferskvatnsfiski á borð við lax
og urriða. Til að vínið njóti sín til fulln-
ustu er best að drekka það 10-12 gráða
heitt, þ.e. ekki of kalt. Montes Alpha
Chardonnay fæst í sérverslunum ÁTVR
og kostar 1.590 krónur.
Annað vín frá Montes-mönnum er úr
Montes Limited Selection-línu fyrir-
tækisins og heitir Montes Cabernet
Sauvignon/Carmenere 2002. Þetta er
nýtt vín frá Apalta-vínekrunum í
Colchagua-dalnum, gert úr þrúgunum
Cabernet Sauvignon (70%) og Car-
menere (30%). Carmenere er frönsk
vínþrúga sem talið var að hefði
þurrkast út þegar Philloxera-rótarlúsin
herjaði á franska vínbændur á 19.öld.
En í lok síðustu aldar komust menn að
því að hún óx nánast vilft í Chile og hef-
ur notkun hennar verið að aukast hægt
og bítandi. Bragðmikill og kröftugur
ávöxtur og mjúk tannfn einkenna vínið
og greina má dökkt súkkulaði, vanillu
og kaffi. Bragðið er langt og mjúkt „í
endann". Þetta vín þolir vel geymslu
næstu 3-5 ár.
Með þessu víni er gott að borða grill-
að íslenskt lambakjöt og nautasteikur á
borð við rib-eye og entrecoté. Einnig er
kjörið að drekka vínið með mildum
þroskuðum ostum, t.d. Gullosti og
Dímon.
Montes Cabernet Sauvignon/Car-
menere 2002 fæst í ÁTVR í Heiðrúnu og
Kringlunni og kostar um 1.300 krónur.