Dagblaðið Vísir - DV - 23.12.2003, Blaðsíða 36

*56 ÞRIÐJUDAGUR 23. DESEMBER 2003
Sport DV
_ Ásthildur Helgadóttir, knattspyrnukona
með Malmö í Svíþjóð.
Ásthildur Helgadóttir var valin leikmaður ársins í úrvalsdeild annað
árið í röð, leiddi KR til íslandsmeistaratitils og íslenska kvennalandsliðið
til góðra afreka og meðal annars strærsta sigursins frá upphafi. Ásthildur
gekk til liðs við Malmö í haust og liðið er komið áfram í undanúrslit
Evrópukeppni meistaraliða. Ásthildur lék bikarúrslitaleik með Malmö.

í
Jón Arnör Stefánsson, körfuboltamaði
með Dallas Mavericks í NBA-deildinni.
Jón Arnór Stefánsson varð aðeins annar íslendingurinn frá upphafi
til að semja við lið í NBA-deildinni í körfubolta þegar að hann samdi við
Dallas Mavericks í september. Jón Arnór lék vel með Trier í þýsku
Bundesligunni og vakti áhuga Mavericks þar sem hann vann sig inn í 14
manna leikmannahóp. Jón Arnór lék nokkra leiki á undirbúnings-
tímabilinu en hefur ekki fengið að spreyta sig í deildinni.
EiðurSmári Guðjohnsen, knattspyrnumaður með enska liðinu Chelsea.
Eiður Smári Guðjohnsen var aðalmaður og fyrirliði íslenska landsliðsins í knattspyrnu sem náði sínum besta
árangri frá upphafi í undankeppni stórmóts og var aðeins mínútum frá því að tryggja sig inn í umspil. Eiður
Smári hélt velli í liði Chelsea þrátt fyrir að hver stórstjarnan á fætur annarri var keypt til liðsins, hann skoraði
nokkur mörk fyrir liðið og varð meðal annars fyrsti íslendingurinn til að skora í Meistaradeild Evrópu þegar að
hann skoraði eitt marka Chelsea í glæsilegum útisigri á Lazio á Ólympíuleikvanginum í Róm.
Karen Björk Björgvins-
dóttir, dansari úr ÍR.
Karen Björk Björgvinsdóttir er fyrsti
dansarinn til að komast meðal tíu efstu í
kjörinu en hún er eini íslenski
heimsmeistarinn á árinu. Karen vann
heimsmeistaratitil atvinnumanna í tíu
manna dönsum ásamt ástralska eigin-
manni sínum Adam Reeve auk þess að
stóðu þau sig vel á öðrum mótum ársins.
tVP É liStl
íþróttamaður ársins verður útnefndur í
48. sinn þriðjudaginn 30. desember og í gær
var gefið út hvað tíu íþróttamenn höfnuðu í
tíu efstu sætunum í kjöri
íþróttafréttamanna í ár. Fjórar konur eru á
listanum í ár í fyrsta sinn í fimm ár og sex af
þessum tíu íþróttamönnum hafa verið
meðal tíu efstu áður. Dansarinn Karen
Björk Björgvinsdóttir er hinsvegar sú fyrsta
úr sinni grein til að komast á topp tíu
listann í 48 ára sögu kjörsins.
Hér í opnunni má sjá myndir og stutta
umfjöllum um af hverju þessir tíu
íþróttmenn þóttu skara framúr á
íþróttaárinu 2003. ooj@dv.is
Jón Arnar Magnússon,
tugþrautarmaður úr
Breiðabliki.
Jón Arnar Magnússon stóð sig vel á
innanhússmótunum og náði 4. sætinu
á HM í Birmingham. Jón Arnar vann
Erki Nool mótið og náði þriðja sætinu
á Götzis.
Jón Arnar hætti keppni á HM en
hann var með áttunda besta
árangurinn á heimslistanum utanhúss
og íjórða besta árangurinn innanhúss.
Jón Arnar vann síðan alls átta
greinar á Meistaramótinu í Borgarnesi í
sumar þar af sex einstaklingsgreinar.
I

i
I
i_____________