Dagblaðið - 10.02.1976, Blaðsíða 7

Dagblaðið. Þriðjudagur 10. febrúar 1976.
f' .........
Guatemala: Milljón manns heimilislaus
Skortur á drykkjarvatni
— fólk drekkur blóðvatn
Rúmlega milljón manns, fimmt-
angur heildaríbúafjölda Guatemala,
missti heimili sín í jarðskjálftunum
>1. miðvikudag, að því er síðustu
ígizkanir benda til.
Þetta er helmingi fleira fólk en
kður hafði verið talið að orði hefði
heimilislaust. Það var Kjell Lauge-
rud, forseti Guatemala, sem skýrði
rrá þessu á fundi með erlendum
>endiherrum í gær.
Neyðarnefndin, sem stjórnar
hjálparstarfinu, taldi að nú væri vit-
að um sautján þúsund manns, sem
hefðu týnt lífi, og 54000 manns hefðu
hlotið aðhlynningu.
Bandaríska jarðfræðistofnunin í
Golden í Colorado sagði frá því í
nótt, að mælzt hefði stór jarðskjálfti
út af strönd Mexíkó, norðvestur af
Guatemala. Engar fregnir hafa bor-
izt um skemmdir af völdum þess
ikjálfta.
Neyðarhjálp heldur áfram að berast
til Guatemala frá öllum heimshorn-
um og virðist sem hún komist á
neyðarsvæðin bæði fljótt og vel. Sam-
kvæmt fregnum frá hrundum þorp-
um og bæjum norður af Guatemala-
borg er tilfinnanlegur skortur á
drykkjarvatni.
Ruben Jauregui, fréttamaður
ileuters, sem fylgist með hjálpar-
itarfinu úr þyrlu björgunarsveitanna,
>egir að fólk í einu þorpanna hafi
verið svo þyrst, að það hafi drukkið
blóðvatn af flöskum á meðan mat-
væli og annar varningur var borinn
frá þyrlunni.
Þyrlur flughers Guatemala eru
varðar vopnuðum vörðum, sem eiga
að grípa til sinna ráða ef hungraðir
þorpsbúar gerast of aðsópsmiklir.
Nokkrum sinnum hafa þeir hleypt af
byssum sínum upp í loftið, en yílr-
leitt gengur matardreifing friðsam-
lega fyrir sig.
Sjúkrarúmum hefur verið komið
fyrir hvar sem hægt er að koma því
við. Þessi mynd er úr garði borgar-
sjúkrahússins í Guatemala-borg. Ekki
er hægt að nota sjálfa bygginguna,
sem er 110 ára gömul, enda óttast
menn að hún geti hrunið.
ftéttarhöldin ffifi ffl
yfir Patty Hearst: fVCVUU III
samrœðis í skápnum
F.Lee Baily lögfræðingur og A1 Johnson, félagi hans í lögfræðifirmanu, við
réttarhöldin yfir Patty.
Með tárin í augunum lýsti milljóna-
erfinginn Patricia Hearst því fyrir rétti í
gær, hvernig nokkrir ræningja hennar
misbuðu henni kynferðislega í skáp, þar
sem hún var í haldi. Meðal þeirra var
William Wolfe, sem hún kallaði um
tíma „ástmann sinn í byltingunni.”
Þetta var í fyrsta skiptj, sem Patricia
Hearst hefur lýst fangavist sinni og lífi á
flótta í gær neitaði hún því að hún hafi
af fúsum vilja tekið þátt í ráni
Hibernia-bankans í San Francisco
ásamt öðrum liðsmönnum Symbíó-
nesíska frelsishersins.
Patty sagði réttinum, að SLA hefði
hótað sér lífláti að minnsta kosti
hundrað sinnum. Því hefði hún ekki séð
hina minnstu ástæðu til að flýja, enda
hefði „herinn” strax fundið hana aftur
og tekið af lífi.
Patricia Campbell Hearst er nú 21
árs. Hún á yfir sér þrjátíu og fimm ára
fangelsisdóm í San Francisco og lífstíðar
fangelsi í Los Angeles. Verjendur
hennar — undir stjórn hins fræga F.
Lee Baily — ætla að sýna fram á, að
hún hafi ekki verið annað en saklaust
fórnarlamb mannræningja, sem hafi
ógnað henni og skelft á ýmsa lund.
Yfirheyrslurnar yfir Patty í gær stóðu
í fjóra tíma. Hún skýrði m.a. frá því að
eftir að henni var rænt 4. febrúar 1974
hafi henni margsinnis verið bröngvað
Erlendar
fréttir
til samræðis, hótað lífláti, veitt glóðar-
auga fjórum sinnum og dregin úr ein-
um felustaðnum á annan í öskutunnu.
Augu hennar fylltust tárum og við lá
að röddin brysti þegar hún skýrði frá
því er William Wolfe neyddi hana til
samræðis við sig. í einu hljóðritaðra
skilaboða sinna úr útlegðinni kallaði
Patty Wolfe „blíðasta og yndislegasta
mann, sem ég hef nokkru sinni þekkt.”
Fyrir rétti í gær neitaði hún að hafa
elskað Wolfe, sem ásamt flestum öðrum
félögum SLA var drepinn í bardaga við
lögregluna í Los Angeles 17. maí 1974.
„Sýndi William Wolfe þér nokkurn
tíma áreitni?” spurði lögfræðingur
hennar, F.Lee Baily, fyrir réttinum.
„Hann beitli mig kynferðislegum
þvingunum,” svaraði hún. (Utan
réttarins sagði Baily að Pattý hefði
verið naugað).
„Var hann einn um það?” spurði
lögfræðingurinn.
„Nei.”
„Hvar gerðist það?”
„í skápnum.”
Neyðist Júlíana til að
afsala sér krúnunni?
Haft er eftir háttsettum hollenzk-
um embættismönnum í Haag, að ef
svo fari, að störf opinberrar rann-
sóknarnefndar leiði í ljós, að Bern-
hard prins hafi tekið við 1.1 milljón
dollurum frá ameríska fyrirtækinu
Lockheed Aircraft, kunni það að
leiða til þess, að Júlíana Hollands
drottning segi af sér. Fari svo, verður
hin 38 ára gamla Beatrix prinsessa
krýnd drottning.
Hinn þýzk-fæddi drottningar-
maður, Bernhard prins, hefur neitað
ásÖkunum þessum og verið þess
hvetjandi, að rannsókn fari fram á
þessum tilgátum og áburði. Þess má
geta, að Júlíana Hollandsdrottning
er talin ríkasta kona heims.
Embættisménn láta í ljós miklar
efasemdir um, að nokkru sinni verði
unnt að fá fram staðreyndir málsins.
Rannsóknarnefndin, sem á sér enga
hliðstæðu, fyrr né síðar í sögu Hol-
lands, var kynnt fyrir þjóðþinginu í
gær.
Hollenzk blöð skýra frá því, að
greiðslur þær, sem um er rætt, hafi
farið fram í Svisslandi og verið ætlað
að örva sölu á hinum bandarísku
Lockheed-flugvélum.
Fred Meuser, fyrrverandi sölu-
stjóri Lockheed í Evrópu, og þar
áður fulltrúi KLM, Royal Dutch
Airlines, í Bandaríkjunum, býr nú í
Svisslandi. Hollenzku blöðin telja
miklar líkur á, að rannsóknin renni
út í sandinn, þar sem engar upplýs
ingar fást gefnar um innborganir eða
innstæður í svissneskum bönkum,
samkvæmt ströngum ófrávíkjanleg-
um reglum.
PERCY FAITH LÁTINN
Percy Faith, einn þekktasti
dægurlagahöfundur og útsetjari
slíkrar tónlistar í heimi, lézt í Los
Angeles í gær, 67 ára gamall. Faith
hafði verið á sjúkrahúsi, þungt hald-
inn af krabbameini, undanfarnar
vikur.
Meðal hljóðritana hans má nefna
lagið úr „Moulin Rouge”, sem
kjörið var lag ársins 1953 og aflaði
honum gullverðlauna. Sjö árum
síðar vann hann gullverðlaun fyrir
stefið í kvikmyndinni „A Summer
Place”.
Percy Faith fæddist í Toronto í
Kanada. Hann hóf tónlistarferil
sinn sem píanóleikari í leikhúsum og
hótelum. Hann var hljómsvcitar-
stjóri og útsctjari kanadíska ríkisút-
varpsins 1933—1940, en þá fluttist
hann til Bandaríkjannaog varð síðar
tónlistarstjóri Columbia Records.
ÓMAR
VALDIMARSSON
REUTER
ii
BRETAILANDHELGISMALUM EBÍ
„SÉRSTAÐA
Utanríkisráðherrar aðildarríkja
Efnahagsbandalags Evrópu koma sam-
an til fundar í Brussel í dag til að ræða
stöðu eigin fiskveiðistefnu ef til þess
kemur, að Hafréttarráðstefnan í New
York ákveði að 200 mílna landhelgi
verði gildandi regla.
Ráðherrarnir hafa komizt að þeirri
sameiginlegu niðurstöðu, að núgildandi
reglur bandalagsins í Fiskveiðimálum
verði að taka umtalsverðum breyting-
um, enda mun afli fiskveiðiflota aðild-
arríkjanna aukast verulega með tilkomu
200 mílna almennrar landhelgi.
Helztu ásteytingarsteinarnir eru tak-
markanir fiskveiða í landhelgi EBE-
landanna og að hve miklu leyti strand-
ríkin geti takmarkað veiðar í landhelgi
sinni við eigin flota eingöngu.
James Callaghan, utanríkisráðerra
Bretlands, sagði að þar sem Bretland
bæri ábyrgð á 57% hafsvæða Efnahags-
bandalagsins utan M iðjarðarhafsins, þá
nytu Bretar sérstöðu og myndu krefjast
þess að fiskimið út af ströndum landsins
yrðu ætluð brezkum fiskimönnum ein-
um.