Dagblaðið - 02.03.1976, Page 23

Dagblaðið. Þriðjudagur 2. marz 1976.
23
Útvarp
Sjónvarp
Um tíu prósent af útvarpsefni
eru f réttir og f réttaaukar
Fréttamennirnir Vilhelm G. Kristinsson og Kári Jónasson eru að vinna að undirbúningi fréttaauka. Kári var með
sérstakt „stúdíó” úti á Hótel Loftleiðum á meðan á samningafundunum stóð og útvarpaði fréttum þeint þaðan.
Engu að síður varð hann að sinna föstum þáttum eins og Þingsjánni meðan á samningafundunum stóð. Hann var
orðinn mjög þreyttur um það bil sem fundunum lauk.
DB—myndir. Bjarnleifur.
Um 10% af öllu efni útvarpsins
kemur frá okkur hérna á fréttastof-
unni, sagði Vilhelm G. Kristinsson
fréttamaður þegar við litum inn til
þess að spjalla við starfsbræður okkar
þar á meðan á verkfallinu stóð.
— Og það er ekki dýrt, því við
erum fáliðuð hér. — Auðvitað höfum
við fréttamenn víðs vegar um landið
en þeir fá sáralítið greitt fyrir störf
sín. Það er áreiðanlega ekki vegna (
peninganna sem þeir láta heyra í sér,
heldur vegna þess að þeir vilja koma
fréttum úr sínu byggðarlagi á fram-
færi.
Vilhelm hefur unnið á fréttastof-
unni í tæp sex ár en áður var hann
blaðamaður hjá Alþýðublaðinu í
þrjú ár.
— Við vildum gjarnan að mögu-
leiki væri á að taka að sér einhver
ákveðin mál sem hægt væri að fylgja
eftir en vegna þess hve fáliðuð við
erum getum við aðeins sinnt brýn-
ustu verkefnum og engu öðru en því.
Undir þetta tók Sigurður Sigurðs-
son aðstoðarfréttastjóri. Sigurður
sagði einnig að æskilegast væri að
útvarpið hefði einnig fréttamenn er-
lendis. Nú hefur útvarpið þrjá fasta
fréttaritara erlendis, Jón Björgvins-
son í London, Friðrik Pál Jónsson í
París og Egil Egilsson í Kaupmanna-
höfn.
Fyrir nokkrum árum voru frétta-
menn útvarpsins sendir til Kaup-
mannahafnar og dvöldu þar á vegum
útvarpsins um tíma, sumir allt upp í
eitt ár eða meir. Af þekktum útvarps-
mönnum, sem þar voru má nefna
Högna Torfason, Stefán Jónsson og
Margréti Indriðadóttur sem sendu
okkur fréttir bæði frá Danmörku og
hinum Norðurlöndunum. Núverandi
fréttamaður útvarpsins þar, Egill, er
búsettur í Danmörku, efnafræðingur
að mennt og hefur verið í frétta-
ritarastarfinu í þrjú ár.
— Þið segið að um 10% af útvarps-
efni sé fréttir, en ef maður hlustar á
útvarpsfréttir allan daginn þá finnst
manni að þetta séu meira og minna
sömu fréttirnar í öllum fréttatímun-
um.
— Að sjálfsögðu eru oft sömu
fréttirnar í hinum mismunandi
fréttatímum, því það er verið að
senda út fréttir til fólks sem hlustar á
mismunandi tímum, sumir heyra
ekkert nema hádegisfréttir aðrir
ekkerr nema kvöld- og morgunfréttir
o.s.frv.
Símarnir hringdu án afláts _ á
borðunum hjá Sigurði og Vilhelm
og það var ekki laust við að maður
fyndi til öfundar í þeirra garð að þeir
gætu komið fréttum sínum á fram-
færi á meðan við vesælir blaðamenn
gátum ekki gert annað en að bíða
eftir að verkfallið leystist. En það
verður að taka því — og við yfir-
gáfum fréttastofuna eftir skemmtí-
lega heimsókn þangað.
A.Bj.
Hvar fœst mjólkin, en bensinið?
Útvarpsmenn skrifuðu ekki bara fréttir i verkfallinu, þeir þurftu lika að svara ótal fyrirspurnum
„Hvernig í ósköpunum kem ég
barninu mínu inn á sjúkrasamlags-
skírteini? Hvar fæst mjólkin helzt og
hvar er hægt að ná í bensín?” Þetta eru
spurningar á meðal margra annarra
sem við útvarpsmenn verðum að svara
þessa 'dagana síðan blöðin hættu að
koma út,” sagði Sigurður Sigurðsson
aðstoðarfréttastjóri þegar við brugðum
okkur niður á fréttastofu útvarps á
meðan á verkfallinu stóð.
Á fréttastofunni starfa venjulega
fimm fréttamenn í einu, en þegar svona4
stendur á eru kallaðar út aukavaktir.
„Það er svo mikið sem berst af fréttum
Útvarp

ÞRIÐJUDAGUR
2. raarz
12.00 Dagskráin. Tónleikar. Til-
kynningar.
12.25 Fréttir og veðurfregnir. Til-
kynningar.
13.00 Við vinnuna: Tónleikar.
14.30 Spjall frá Noregi. Ingólfur
Margeirsson flytur.
15.00 Miðdegistónleikar.
16.00 Fréttir. Tilkynningar. (16.15
Veðurfregnir). Tónleikar.
16.40 Litli barnatíminn. Finnborg
Scheving sér um tímann.
17.00 Lagið mitt. Berglind Bjarna-
dóttir sér um óskalagaþátt fyrir
börn yngri en tólf ára.
17.30 Framburðarkennsla í
spænsku og þýzku.
17.50 Tónleikar. Tilkynningar.
18.45 Veðurfregnir. Dagskrá
kvöldsins.
19.00 Fréttir. Fréttaauki. Tilkynn-
ingar.
19.35 Til hvers eru skólar? Dr.
Arnór Hannibalsson flytur síðara
erindi sitt.
20.00 Lög unga fólksins. Ragn-
heiður Drífa Steinþórsdóttir
kynnir.
20.50 Að skoða og skilgreina. Krist-
ján Guðmundsson'sér um þátt
fyrir unglinga.
21.30 Kórsöngur. Hollenzki út-
varpskórinn syngur lög eftir An-
tbn Bruckner; Carel Laut stjórn-
ar.
21.50 Þrjú ljóð. Höfundurinn,
Anna Guðmundsdóttir leikkona,
flytur.
22.00 Fréttir.
22.15 Veðurfregnir. Lestur Passíu-
sálma (13).
22.25 Kvöldsagan: „í verum”,
sjálfsævisaga Theódórs Friðriks-
sonar. Gils Guðmundsson les síð-
ara bindi (25).
22.45 Harmonikulög. Lennart Wár-
mell leikur.-
23.00 Á hljóðbergi. Milljón punda
seðillinn. (The £1.000.000 Bank
Note) eftir Mark Twain. David
Wayne les.
23.45 Fréttir. Dagskrárlok.
MIÐVIKUDAGUR
3. mar'?
öskudagur
7.00 Morgunútvarp.
Veðurfregnir kl. 7.00, 8.15 og
10.10. Morgunleikfimi* kl. 7.15 og
9.05. Fréttir kl. 7.3Ö, 8.15 ( og
forustugr. dagbl.), 9.00 og 10.00.
Morgunbæn kl. 7.55. Morgun-
stund barnanna kl. 8.45: Ólöf
Jónsdóttir les sögu sína „Ösku-
dag”. Tilkynningar kl. 9.30. Þing-
fréttir kl. 9.45. Létt lög milli at-
riða. Krossfari á 20. öld kl. 10.25:
Benedikt Arnkelsson flytur annan
þátt sinn um Billy Graham.
Passíusálmalög kl. 10.40: Sigur-
veig Hjaltested og Guðmundur
Jónsson syngja; dr. Páll ísólfsson
leikur á orgel Dómkirkjunnar.
Morguntónleikar kl. 11.00: Sin-
fóníuhljómsv. danska útvarpsins
leikur Ljóðræna svítu op. 54 eftir
Grieg; Erik Tuxen stj. / Sinfóníu-
hljómsveitin í Prag leikur Sin-
fóníu nr. 1 í g-moll op. 13 eftir
Tsjaíkovský; Václav Smetácek
stj.
12.00 Dagskráin. Tónleikar. Til-
kynningar.
12.25 Fréttir og veðurfregnir.

Sjónvarp
9
ÞRIÐJUDAGUR
2. marz
20.00 Fréttir og veður.
20.30 Dagskrá og auglýsingar.
20.40 Þjóðarskútan.
Þáttur um störf alþingis. Um-
sjónarmenn Björn Teitsson og
Björn Þorsteinsson. Stjórn upp-
töku Sigurður Sverrir Pálsson.
21.20 McCloud.
Bandarískur sakamálamynda-
flokkur. Stórborgarvinátta. Þýð-
andi Kristmann Eiðsson.
22.10 Utanúrheimi.
Umsjón Jón Hákon Magnússon.
22.40 Dagskrárlok.

núna, að vandinn er að sprengja ekki
allt utan af sér,” sagði Sigurður.
Það er mikið um hringingar á meðan
við stöldrum við og fréttamennirnir
punkta niður hjá sér og segulbönd eru
sett í gang. Ekki eru það þó allir
fréttamenn sem nota segulbönd, þótt
allir hafi aðstöðu til þess. „En mér
finnst mikið öryggi í að nota þau og
hugsanlegt er að hægt sé að spila kass-
etturnar beint í fréttatímum,” sagði
Sigurður.
Við göngum með honum að stúdíói,
þar sem fréttirnar eru lesnar upp. Þar
inni er meðal annars leynisími.
Stundum eru tekin upp bein viðtöl í
fréttatíma. Margir muna sjálfsagt eftir
viðtali við Helga Hallvarðsson
skipherra á Þór, en hann var að koma
að eftir ein mestu lætin í þorskastríðinu,
rétt eftir kl. sjö um kvöld, þegar frétta-
tíminn var byrjaður.
„Ég er nú búinn að vera á útvarpinu
lengur en elztu menn muna. Já, 33 ár,”
sagði Sigurður, þegar við spyrjum hann
hvað hann hefði lengi starfað hjá
stofnuninni. „Byrjaði sem innheimtu-
stjóri og slysaðist svo til að fara að lýsa
leikjum í íþróttatímum. Svo tók ég að
mér íþróttaþætti sjónvarpsins. Maður
ætti aldrei að blanda saman útvarpi og
sjónvarpi. Vinnan á þessum stöðum er
svo ólík.”. Nú heyrum við Sigurð ekki
lengur lýsa íþróttum. Hann er kominn í
almennar fréttir og orðinn aðstoðar-
fréttastjóri.
Oft heyrum við sömu fréttirnar í
útvarpi og sjónvarpi. Við spurðum Sig-
urð hvort ekki væri hægt að haga þessu
öðru vísi.
Hann sagði að útvarpið væri sá aðili
sem undir flestum kringumstæðum væri
fyrstur með fréttirnar. í stað þess að
sjónvarpið nærri því endurtaki þessar
fréttir, gæti það verið meira á staðnum
og fylgt fréttinni eftir með myndum.
Um hvort við megum nokkuð eiga
von á að fá útvarp á nóttunni, er svarið
að það hafi oft komið til tals en aldrei
orðið úr neinum framkvæmdum, meðal
annars út af bágbornum fjárhag.
-EVI.
Sigurður Sigurðsson, hinn góðkunni og
afar vinsæli útvarpsmaður, er þarjna að
taka niður fréttir í gegnum síma. Rit-
vélin hans Sigurðar er svo fullkomin að
það liggur. við að hún geti unnið án
vélritara og kostar álíka og íbúð gerði
fyrir nokkrum árum.
DB-myndir Bjarnleifur.
Þ