Dagblaðið - 07.09.1976, Blaðsíða 7

Dagblaðið - 07.09.1976, Blaðsíða 7
DAGBLAÐIÐ. ÞRIÐJUDAGUR 7. SEPTEMBER 1976. Erlendar f réttir REUTER * Áttu 1.6 milljónir? Þá getur þú keypt doktors- nafnbót Komiö hefur fram viö réttar- höld í Frankfurt í V- Þýzkalandi að vestur þýzkir læknar hafa greitt stórar fjár- hæöir fyrir falskar prófessors- nafnbætur. Paul-Fredrich Schwalm, einn fimm manna, sem ákærðir hafa verið fyrir að stunda slíka sölustarfsemi á fölskum lækna- skilríkjum og prófessorsgráðum frá brezkum háskólum, sagði, við réttarhöldin, að þeir hefðu fyrst selt slíka nafnbót lækni frá Lúbeck. Læknirinn borgaði 1.6 milljónir ísl. króna fyrir prófessorsnafnbót og fór síðan fram á að hann fengi sölulaun fyrir sölu á slíkum pappírum til handa starfsbræðrum sínum þar í borg. Fór kaupverðið upp í 4.6 milljónir íslenzkra króna. Prófessorsnafnbæturnar voru veittar í nafni „Hinnar Frjálsu Anglisku kirkju", sem einn hinna ákærðu, Werner Nestmann,hafði stofnað. Nestmann sagði við réttarhöldin, að hann hefði, auk þess sem hann seldi óútfyllt prófskírteini frá há- skólum, sett á laggirnar tvær falskar skrifstofur í London, sem vottuðu um sannleiksgildi þeirra, ef einhver færi að spyrja. Forsetaiundur fímnt Afríkuríkia: BÍÐA SKÝRSLU AF FUNDI KISSINGERS OG VORSTERS Forsetar fimm Afríkuríkja halda áfram fundi sínum í DarEs Salaam i Tanzaníu í dag, til þess að reyna að brúa bilið milli hinna stríðandi afla í Ródesíu, á meðan þeir bíða sendimanns Henry Kissingers, utanríkisráðherra Bandaríkj- anna, sem tekið hefur að sér miðlunartilraunir. Sendimaður Kissingers, er sérstakur aðstoðarráðherra hans um málefni Afríku, William Schaufele, sem flytja mun forsetunum skýrslu um viðræður Kissingers við Vorster, forsætisráðherra S- Afríku, í Zurich nú um helgina. Er Schaufele væntanlegur til Tanzaníu á morgun. Eftir að forsetarnir hafa heyrt skýrsl- una, er búizt við að þeir taki ákvörðun um það hvort Kissinger á að koma sjálfur til Afríku í næstu viku, eins og hann hefur boðizt til. Er slíkt að einhverju leyti talið háð samþykki ráðamanna í S- Af ríku og Ródesíu Ef öllu verður komið í kring, er búist við að Kissinger beiti sömu aðferðum og í löndunum fyrir botni Miðjarðarhafs, þ.e. hann fljúgi fram og til baka og eigi viðræður við ráðamenn. Forsetarnir fimm, Nyerere frá Tanzaníu, Kanada frá Zambíu Khama frá Botswana, Machel frá Mosambique og Netó frá Angóia, hafa einnig fjallað mikið um málefni Zambíu sem S-Afríka, hefur haldið í járngreipum að undan- förnu. Þá hafa þeir átt viðræður við alla leiðtoga blökkumannahreyfinga . í Ródesíu, en þær eru fjöl- margar. Er búist við því, að koma þurfi á góðu samkomu- lagi milli þeirra, ef allt á ekki að fara í bál og brand, ef af sjálfstæði verður i náinni framtíð. Forsetar fimm Afríkuríkja bíða nú skýrslu af fundi Vorsters forsætisráðherra S-Afríku og Kissingers utanríkisráðherra Bandaríkjanna. Nota þeir tím- ann til þess að ræða við ýmsa leiðtoga frelsishreyfinga blökkumanna. Hér er Vorster ásamt utanríkisráðherra sinum Hilgaard Muller. Bann við f'fólda- fundi í Katalóníu KISSINGER HITTIR GISCARD D'ESTAING — rœða peningamálin Spænsk stjórnvöld hafa bannað fjöldafund katalónskra þjóðernis- sinna, sem halda átti í Barcelona á laugardaginn. I fáorðri tilkynn- ingu stjórnvalda í Barcelona í gær var engin ástæða gefin fyrir banninu við fundinum, en aðeins sagt að forsprökkum hans hefði verið tilkynnt um þessa ákvörðun. Fundahaldarar höfðu sagt að fundurinn yrði merki um „endur- reisn þjóðar". Þeir krefjast þess að sjálfsstjórn Katalóniu verði komið á, eins og var á tímum spænska lýðveldisins á fjórða tug aldarinnar. Búizt var við að þátttaka í fund- inum yrði mikil, jafnvel að fundarmenn skiptu nokkrum tug- um þúsunda. Henry Kissinger, utanríkisráð- herra Bandaríkjanna, kom til Parísar í nótt og mun eiga fund með Valerey Giscard d'Estaing Frakklandsforseta. Mun umræðu- efni fundarins verða hugsanlegur fjárhagsstuðningur Frakka við þjóðirnar í suðurhluta Afríku, ef til samninga kemur þar í landi. Kissinger kom til Parísar frá London, þar sem hann hafði gert brezkum ráðamönnum grein fyrir viðræðum sínum við Vorster for- sætisráðherra S-Afríku og lagt fram svipaða beiðni um fjárhags- aðstoð. «€ Fundur d'Estaing og Kissingers mun snúast um fjárhagsaðstoð Afríkuríkjum til handa. Fyrirhugaður fundur sjálfsstjórnarsinna i Katalóníu hefur nú verið bannaður. Hér má sjá mynd frá óeirðum, sem urðu fyrr á þessu ári í Barcelona, en þar beitti óeirðalögreglan að vanda kylfum og táragasi. Flugrœningjar á flœkingi — enginn vill hafa þá með Tveir þriggja flugræningja, sem rændu flugvél KLM flug- félagsins sl. laugardag, komu aftur til Kýpur í nótt eftir að öll flugfélög í Aþenu höfðu neitað að flytja þá sem farþega. Talið er að þeir tveir hafi nú verið handteknir, en lögreglan hefur neitað þvi. Ekki er vitað hvar þriðji flugræninginn heldur sig. Öllum var þeim lofað að fara frjálsir ferða sinna eftir að þeir létu gísla sína lausa sl, sunnu- dag, — 83 farþega flugvélarinn- ar og fimm manna áhöfn. Gríska lögreglan sagði frétta- mönnum að mónnunum, Ham- dane Benehlel, 31 árs gómlum Alsírbúa og Mohamad Rustin. 26 ára Sýrlendingi, hefrti verið neitað um far frá Aþenu til írak, nema í fylgd með lög- reglumönnum. Grísk yfirvöld hafa neitað að láta slíkt fylgdarlið í té. Voru flugræningjarnir fluttir til Kýpur með sérstakri flugvél. Nýkomnar kúrekatöfflur Litur: Rauðbrúnt Stœrðir: 35-40 Teg. 1695 Verð kr. 3.560. Skóverzlun Þórðar PéturssonaF Kirkjustrœti 8 v/Austurvöll Sími 14181 Póstsendum

x

Dagblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið
https://timarit.is/publication/260

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.