Dagblaðið - 29.10.1976, Qupperneq 2

?
______________________________________DACBLAÐIÐ. FÖSTUDAGUR 29. OKTOBER 1976.
Fleiri eru smyglarar en sjómenn
— segir einn gamalreyndur frá Patró
Magnús Cuðmundsson,
sjómaður á Patreksfirði,
skrifar:
Einhvern veginn er það svo
að stundum virðist maður fá
köllun til að skrifa fjölmiðlum
og kemst ekki hjá því að láta
verða af þvi, enda þótt enginn
tími sé aflögu til slíkra hluta.
En það er enginn friður fyrr en
búið er að koma því á pappírinn
sem leggst á hugann vegna sam-
félagsins.
Ég fer hér nokkrum orðum
um hina óhugnanlegu glæpa-
þróun sem orðin er í okkar litla
samfélagi og þó sérstaklega á
Stór-Reykjavíkursvæðinu.
Síðasta stórglæpamálið, sem nú
er barizt við, eru ávísanafalsar-
arnir og hafa nöfn nokkurra
þeirra verið birt, sem betur fer.
Ég verð að lýsa yfir, hér í
þessum greinarstúf, furðu
minni á því að klerkur Njarð-
víkinga skyldi leyfa sér að taka
upp hanzkann fyrir ávtsana-
falsarana í ræðu sent hann
flutti í útvarpsguðsþjónustu.
Hann aumkaðist mikið yfir að
nöfn þessara manna hefðu
verið birt. Vitnaði hann í því
sambandi í orð Krists sem
sagði: „Sá yðar sem syndlaus er
kasti fyrsta steininum. Það er
margt fleira sem stendur í
bibliunni og komu þessi orð
upp í huga minn: „Hlustið ekki
á fræðimennina því þeir tala
annað en þeir hugsa.“ Hvað
segja menn um þá sem vinna
rangan eið fyrir rétti? Hvað
segja klerkar um það? Þessi
glæpatíðni, sem sífellt eykst, á
sér djúpar rætur og hefur verið
aó þróast í áratugi
Smygl á áfengi hefur verið
stundað í auknum mæli í ára-
tugi og varð ég þess vísari eftir
að ég hóf að stunda sjómanna-
störf. Mér virðist alltaf sem
flest sé gert til að beina augum
fólks að fiskimönnum sem sigla
með afla sinn til sölu erlendis,
en ég spyr: hvers vegna?
Fiskimenn hafa afar litla
möguleika til að smygla því
þeim er nefnilega skammtaður
gjaldeyrir, sem er skorinn mjög
við nögl, þó að þeir afli hans
sjálfir, og hrekkur skammtur-
inn skammt. Samt er reynt að
eltast við og leita uppi eina
umframflösku af brennivíni
ef einhver fiskimaður hefur
þorað að leggja i slík kaup.
Hitt er aftur staðreynd að þú
verður að eiga gjaldeyri til þess
að kaupamagn af víni erlendis
og vil ég því segja eina sögu
hérna sem rennir stoðum undir
það hvar muni helzt að leita að
stórsmyglurum og glæpahyski.
Eitt sinn fékk ungur banka-
starfsmaður úr Reykjavík að
koma með í söluferð til Þýzka-
lands sem farþegi. Ja, mikið er
á sig lagt til þess að skoða
hafnarborg í hálfan annan
sólarhring, ef það var þá mark-
miðið. Nei, það var nú aldeilis
ekki það sem þessi maður var
að gera. Hann fékk sinn toll
eins og við hinir, 3 flöskur af
víni, 3 kassa af bjór. En hann
gerði bara meira því hann
keypti sér 100 kassa af áfengi
sem allir fóru i land í Reykja-
vík. Það er dágóður peningur
— rúmlega fjórar milljónir í
sölu.
Lesandi góður, þú skalt
ekkert furða þig á því þótt illa
gangi að upplýsa smyglmál og
önnur viðlíka stórmál.
Að lokum. Vonandi breytist
réttarfarið í þessu blessuða
landi með tilkomu rannsóknar-
ríkislögreglu en til hennar
verður þá að vanda.
Allir ættu að ganga með endurskinsmerki
— annað skapar stórhættu í umferðinni
Það skapast oft mikil badta i skammdeginn i umferðinni «g er þá iilluni. jafnt unuum sem iildnum. hrýn þiirf á að
nota endurskinsmerki.
Fossvogsbúi skrifar:
„Þegar ég fer til vinnu á
morgnana rétt fyrir klukkan
átta á ég leið um Bústaðaveg-
inn. Þar er mikil umferð bíla og
barna á leið í skólann. Mér
finnst það áberandi hve fáir
krakkar eru með endurskins-
merki og sumir m.a.s. á ljós-
lausum hjólum.
Maður er alveg með lífið í
lúkunum þarna í morgun-
myrkrinu. Mér finnst að skólar
og foreldrar ættu að taka
saman höndum um að skylda
öll börn — og reyndar full-
orðna líka til þess að ganga
með endurskinsmerki.“
Raddir
lesenda
Bátafloti í stað
bflaflota
Sú villa slæddist inn i grein
Þórðar Einarssonar hér á sið-
unni sl. miðvikudag í upphafi 7.
málsgreinar að þar stóð bíla-
floti i stað bátaflota. Rétt er
setningin svona: „Má í þessu
sambandi minnast verkfalls
Alþýðusambandsins í vetur
þegar bátaflotinn var stöðvaður
í byrjun loðnuvertíðar..."
o.s.frv.
Leigubflar í Keflavík og nágrenni:
Þjónusta við notendur Iftil sem engin
Reióur leigubílanotandi í
Keflavík ritar:
Hvernig er með leigubílana í
Keflavík? Hafa þeir engum
skyldum að gegna við
samborgara sína? Ástandið í
þessum efnum virðist vera
fyrir neðan allar hellur, t.d. er
aldrei hægt að fá leigubíl eftir
dansleiki i Stapa til að komast
heim. Ef svo vel vildi ekki tii að
lögreglan hefur oft hlaupið
undir bagga með aó aka fólki
heim hefur það liara orðið að
ganga á sinum tveimur jafn-
fljótum hvernig scm viðraði.
Svarið sem maður fær, hjá
starfsstúlkum stöðvanna. er
yfirleitt þaó að engar. bíl sé að
hafa, eða þá að þeir séu uppi á
velli og fáist ekki til að koma
niður eflir. Og ekki er nóg með
það að illmögulegt sé að fá
leigubíl eftir dansleikina.
heldur er það að verða svo að
treglega gengur oft að fá bif-
reiðar á öðrum tímum sóla-
hringsins hérna niður frá í
Keflavík, þótt svo hringt sé i
stöð þá sem hefur auglýst sig
sem eina stærstu leigubílastöð
landsins.
Leigubilstjórastéttin er sem
kunnugt er ..iokuð stétt." Þar
getur ekki hver sem er komið
og farið að aka, en hafa hinir
útvöldu engunt skyldum að
gegna gagnvart viðskipta-
vininum, aðeins að aka þegar
þeim sjálfum hentar bezt, burt-
séð fra þörfum þeirra sem þeir
hafa einokað sig til að þjóna?
Verði ekki einhver bót á
umræddum málum hér á
Suðurnesjunt á næstunni
verður að óska eftir frjálsum
akstri, þar sem hverjum og
einum, sem hefur nteirapróf og
á þokkalega bifreið, leyfist að
stunda leiguakstur. nema þá að
leitað verði á höfuðborgar-
sva'ðið eftir leigubílum — þeir
ættu auðveldlega að geta skipzt
á unt aksturinn bér syðra og
veitt góða þjónustu.