Dagblaðið - 09.12.1976, Qupperneq 2

2
DAÍJBI.AÐIÐ. FIMMTUUACJURÖ. DKSKMBKR 1976.
f '
Vegaframkvæmdir í Breiðholti:
Enginn almennilegur vegur tit
að taka við umferðinniaf
nýja veginum úr Breiöholti III
,,íbúar Breiöholts III hafa
feiifiiö ærna ástæðu til aö
fagna. því nýlefia var tekinn í
notkun vegar er tengir Vestur-
hóla við Stekkjarbakka í
Breiöholti I, Þessi nýi vegur
styttir vegalengdina til annarra
borgarhverl'a Reykjavíkur
verulega og er því íbúuni
Breiðholts mikill og þarfur
sparnaöarauki. Þvi efast ég
ekki um, aö íbúar Breiöholts III
eru borgaryfirvöldum afar
þakklátir þó segja megi með
sanni, að hann hefði mátt
komast í gagnið fyrr. En nú er
vegurinn kominn — og það er
vel.
lbúar Hólahverfis þurfa því
ekki lengur að aka hinn langa
veg — það er suður Vesturhóla
— suður Vesturberg — þaðan
Norðurfellið og loks vestur
Breiðholtsbraut þangað til þeir
loksins, já, loksins komast á
Reykjanesbrautina. Nei, nú
ökum við niður hinn nýja, en
þó bratta veg niður á Stekkjar-
bakka og hann vestur. A móts
við Grænastekk verður fyrir
heldur ósjálegur vegarspotti —
holöttur mjög. En hann er tals-
vert ekinn. Astæðan? Jú, hann
styttir verulega leiðina niður á
Reykjanesbraut. Ef Stekkjar-
bakkinn er ekinn að Alfab.
— og ekið þaðan út á Reykja-
nesbrautina þá lengist vega-
lengdin verulega — auk þess
sem verulega mæðir á Álfa-
bakkanum á mesta anna-
tímanum. Jú, þaðan fer mikill
meirihluti íbúa Breiðholts I á
leið sinni til vinnu.
Því má ljóst vera að vegar-
kaflinn frá Grænastekk og út á
Reykjanesbraut er og veröur
verulega ekinn þó slæmur sé.
Nú minnist ég þess, að gatna-
málastjórinn í Reykjavík
svaraði lesendabréfi í DB um
þennan vegarspotta og sagfti
hann þá að lagt yrði á hann
varanlegt slitlag. Ljóst væri að
Nvr og vandaöur vegur hefur veriö lagöur ofan úr Breiðholti III
niður á Stekkjarbakka. en síðan tekur við heldur lélegt framhald.
útsUlinn og holóttur malarvegur. sem liggur niður á Reykjanes-
braut. DBmynd. Sv. Þorm.
Raddir
lesenda
Fossvogsbraut yrði ekki lögð á
næstunn — ef nokkurn tíma og
því þyrfti að bæta þennan veg-
arkafla verulega Ég er honum
hjartanlega sammála — ég ek
þarna um á hverjum degi. Það
hlýtur að teljast glapræði að
ætla að beina umferð frá
Breiðholti III á Álfabakkann,
svo lagfæra verður veginn.
Það er einnig ljóst, að á vegar-
spottann verður ekki lagt
varanlegt slitlag i vetur — en í
holurnar má bæta og lagfæra
veginn verulega. Því er fyrir-
spurn mín til gatnamálastjóra
sú, hvort það verði gert og þá
hvenær.
Ingi Ú. Magnússon svaraði
þessari fyrirspurn. Kvað hann
vegalagnir í Breiðholtinu vera í
endurskoðun nú og ekki alveg
ljóst hvað út úr henni kæmi.
Áformað hefði verið að leggja
nýjan veg frá beygjunni neðst í
Stekkjarbakkanum og út á
Reykjanesbraut, en sú fram-
kvæmd hefði verið skorin út úr
fjárhagsáætluninni og yrði á
því bið um sinn. Ingi sagði það
liggja Ijóst íyrir að mikið álag
yrði á þessum stutta malarvegs
spotta, en ekki væri gert ráð
t'yrir malbikun hans í bráð..
Reynt yrði að halda honum
við með ofaníburði og heflun,
en síðan yrði framtíðin að leiða
í ljós hver reynslan yrði.
JÓLA-
GETRAUN
Jólagetraunin heldur áfram
og erum við nú komin að fjórða
hluta.
Hinn hraðfara vinur okkar,
jólasveinninn, er nú kominn á
heitari slóðir. Nú hyggst hann
útbýta gjöfum sínum á eyju, en
nafn hennar er lauslega tengt
þeim hátíðahöldum sem frarn-
undan eru. Hvert er nafn eyj-
unnar eða eyjaklasans'.* Aftur
setjið þið kross við það svar
sem þið teljið réttast.
A — Hawaii
B— Páskaeyjarnar
C— Bermuda
Sjónvarpsmenn:
Eru þeir með eða á
móti Palla-plötunni?
Guðrún Benediktsdóttir
hringdi:
Mig langar til að forvitnast
um hver sé raunveruleg afstaða
sjónvarpsmanna til Palla-
plötunnar, sem er nýkomin út.
Fyrst auglýsa þeir hana í bak
og fyrir, kvöld eftir kvöld, en
senda síðan yfirlýsingu til allrá
fjölmiðla, þar sem segir að þeir
séu andvígir plötunni. Þetta
kemur óneitanlega upp um
fjárþörf sjónvarpsins, að þeir
skuli ekki geta vísað frá
auglýsingu, sem þó brýtur í
bága við opinberar yfirlýsingar
þeirra.
Þar fyrir utan má svo nefna,
að Palla-platan er góð og gild og
á eftir að njóta mikilla
vinsælda yngri kynslóðarinnar,
því það var einmitt Gísli Rúnar,
sem gerði þessa brúðupersónu
hvað vinsæíasta.
Jón Þórarinsson, dagskrár-
stjóri í Lista- og skemmmtideild
sjónvarpsins, sagði yfirmenn
þess hafa vísað því til útvarps-
ráðs hvort auglýsing skyldi
leyfð eða ekki, þar eð þeim
þótti þetta anzi mótsagnakennt.
I útvarpsráði fannst mönnum
ekki þörf á að stöðva
auglýsinguna og við það
stendur.
„Sólarferö” skólasýning:
Foreldrar og skólastjórar! Sendið
ekki bömin á klámsýningar!
Undrandi faðir skrifar:
Fyrir skömmu fórum við
hjónin í Þjóðleikhúsið og sáum
leikritið Sólarferð. Er skemmst
í'rá því að segja, að heldur
urðum við fyrir vonbrigðum
með það, að sjálft Þjóðleikhúoið
skuli nú vera komið á þaó lága
stig að byggja afkomu sína á
lélegu klárni og útþynntum
bröndurum, auk þess sem reynt
ér að krydda allt saman með
Ijótu . orðbragði í algjöru til-
gangsleysi, að því að manni
virtist.
Fórum við hjónin heim af
þeirri leiksýningu fremur
hrygg í bragði, enda er greini-
lega af sem áður var, er þetta
leikhús þjóðarinnar sýndi upp-
byggjandi menningar- og lista-
verk og þurfti samt ekki að
kvarta undan því, að aðsókn
væri lítil.
Það, sem mér ofbýður er hins
vegar það. að nú er búið' að
bjóða þessa sýningu fram sem
skölasýningu. Ætlunin er, að
börn, sem ekki er einu sinni
búið að ferma. eigi að fá að sjá
þessa endemis þvælu. sem auk
þess er engum til góðs. Til
hvers eiga börnin að sitja undir
einhverju klámþrugli í Þjóð-
leikhúsinu? Er ekki nóg að þau
verði f.vrir alls kyns áhrifum
frá sjónvarpi og úr kvikmynd-
um, eða jafnvel á götunni
sjálfri? Eg er sannfærður um.
að kvikmynd. sem gerð væri
eftir þessu „leikriti" myndi
verða bönnuð börnum innan 16
ára aldurs og ég veit ekki betur.
en að kvikmyndahúsin verði að
sæta ströngu eftirliti i þeirn
efnum. Hvers vegna ekki Þjóð-
leikhúsið? Er það vegna þess.
að það er orðið „fínt'* að hlusta
á klám af fjölum leikhússins?
Ég hvet forráðamenn leik-
hússins til þess að sjá sórna sinn
í að hætta þessari vitleysu og
Va*ri kvikmynd gerð eftir leik-
ritinu Sólarferð. yrði liiin
örugglega bönnuð börnunt inn-
an 16 ára aldurs. segir faðir
sent undrast að sýningiu skuli
boðin fram seni skólasýning.
alla skólastjóra til þess að af-
þakka boðið um þessa skólasýn-
ingu.