Dagblaðið - 28.12.1976, Blaðsíða 8

DA(JBLAÐIÐ. ÞRIÐJUDAGUR 28. DESEMBER 1976.
Uppsprengdur „sláturkostn-
aður” keyrir kjötverðið upp
— mikill gróði hjá sláturhúsum
Sláturhúsin hafa tekið til sín
geysilegan hagnað. Kunnugur
maður, sem hefur reiknað það
dæmi, sagði Dagblaðinu, að
þarna mundi vera um nálægt
milljarð að ræða, þegar allt
væri lagt saman. Væri slík fjár-
hæð i staðinn notuð til að lækka
kjötverðið, mætti lækka kíló-
verð urn marga tugi króna.
Hann taldi, að talsvert af
þeim sláturkostnaði, sem upp
er gefinn við verðlagningu
landbúnaðarafurða, væri ,,til-
húinn". Nefndin, sem ákveður
verðlagsgrundvöll landbúnað-
arafurða, hefur ekki aðstæður
til að kanna málin til hlítar.
Hún samþykkir því þann kostn-
að, sem henni er upp gefinn.
Sláturkostnaður á hvert kjöt-
kíló skiptist þannig í þessum
reikningum: Laun 40 kr., fæði
4,20 kr., rafmagn 1,46 kr., olía,
hiti 0,96 kr., umbúðir 5.86 kr.,
aðrar rekstrarvörur 3,94 kr.,
kjötskoðun 1 kr., flutnings-
kostnaður 5,73 kr., frysting
13,20 kr., tryggingar 2,64 kr.,
skrifstofa 0,94 kr., laun á skrif-
stofu 11,75 kr., önnur rekstrar-
gjöld 0,44 kr., heildsölukostnað-
ur 21,48 kr.
Heimildarmaður blaðsins
nefndi til dæmis laun á skrif-
stofu, sem bætist við liðinn
„skrifstofa", sem furðumikinn
lið. Ennfremur frystingu og
heildsölukostnað. Nefndi hann
dæmi um sláturhús, ekki stórt,
þar sem laun á skrifstofu hefðu
verið gefin upp sem 10 milljón-
ir þann stutta tíma, sem slátrun
stóð yfir. Þar kom einnig út yfir
50 milljóna hagnaður, þegar
málið var kannað.
„Mikið af kostnaðinum, sem
upp er gefinn við verðlagningu,
er tilbúinn kostnaður, sem alls
ekki er til,“ sagði heimildar-
maður blaðsins.
Það lætur að líkum, að bænd-
ur græði ekki á þessu, heldur
milliliðurinn, sláturhúsið.
Þá hafði heimildarmaður
blaðsins metið, að slátrun
hverrar kindar tæki um hálfa
klukkustund þegar allt er talið
með. Þetta þýddi um 300 krón-
ur í laun, en dilkurinn vægi 15
kiló.
Að öllu þessu athugúðu væri
ekki við öðru að búast en því,
að nettóhagnaður sláturhús-
anna væri mikill, miðað við
þessar reikningsaðferðir. Þetta
kemur síðan fram í kjötverðinu
til neytenda.
•HH
TÍZKURÉTTIR K0MA í
STAÐ S0ÐNINGAR
Þeir fjölmörgu gestir sem
heimsótt hafa Veitingahúsið að
Laugavegi 28 undanfarin ár verða
að snúa sér eitthvað annað á nýja
árinu. Staðnum verður lokað frá
og með 1. janúar, en þá verður
hafizt handa með að innrétta
hann upp á nýtt. Það er eigandi
Asks við Suðurlandsbraut,
Magnús Björnsson sem tekur við
rekstrinum af Lóu Kristjánsdótt-
ur. Hann sagði að Veitingahúsinu
að Laugavegi 28 vrði breytt og
yrði það rekið með svipuðu sniói
og Askur, að viðbættu kaffi og
alls konar meðlæti með því. Lögð
verður áherzla á fljóta og góða
afgreiðslu á mat fyrir fólk sem
vill taka hann með sér.
Það er því fyrirsjáanlegt að
soðningin er fyrir bí á Laugaveg-
inum og ekki er í mörg hús að
venda fyrir þá sem enn kunna að
meta hana.
-KP.
G0TT HEILSUFAR
EN RJÓMALAUSAR
JÓLATERTUR
„Það oru róleg og snjólaus jól
hjá okkur á Eskifirði," sagði
Regína Thorarensen fréttaritari
DB í viðtali við blaðið í gær.
,,Það snjóaði svolítið i gær-
kvöldi en logn var og smávegis
frost. Heilsufar hefur verið mjög
gott hjá okkur og læknirinn var
aldrei ónáðaður um jólahátiðina.
Á Þorláksmessu handleggsbrotn-
aöi ung kona á malbikaðri göt-
unni vegiia þess að héla var á og
mikil hálka. Hún var flutt á
sjúkrahúsið í Neskaupstað og gert
að brotinu og kom konan aftur
heim á aðfangadag.
Það þóttu tíðindi að húsmæður
á Eskifirði lentu í miklum erfið-
leikum með að þeyta jólarjómann
sinn en þær höfðu keypt mikið af
rjóma eins og að likum lætur.
Þorsteinn deildarstjóri hjá Pönt-
unarfélagi Eskfirðinga var i
morgun að taka á móti rjómapok-
unum, sem húsmæðurnar skiluðu
aftur. Ekki var þó rjóminn súr, en
yrjaður og í kekkjum. Því urðu
menn að borða rjómalausar jóla-
tertur i ár,“ sagði Regína.
„Það hefur aldrei verið jafngóð
kirk.jusókn á jólum og í ár,“ sagði
Regína.
„Presturinn okkar, séra Sigurð-
ur Guðmundsson, sem hér hefur
verið í fimm ár, sagðist ekki muna
aðra eins kirkjusókn. Kirkjan var
troðfull við aftansönginn á að-
fangadagskvöld.
Séra Sigurður er einnig sóknar-
prenstur Reyðfirðinga og þar var
einnig troðfull kirkja á jóladag
þegar hátíðamessan var,“ sagði
Regína.
„Það seldist allur rjóminn upp,
eða alls um 2030 lítrar og ekki
höfum við fengið neinar kvartan-
ir,“ sagði Svavar Stefánsson
mjólkurbústjóri á Egilsstöðum er
við spurðum hann um rjóma sem
ekki var hægt að þeyta og fékkst á
Eskil'irði.
Mjólkurbúið tekur á móti tveim
milljönum >og 300 þúsund lítrum
af mjólk á ári og er umdæmið
mjög viðfeðmt eða alla leið frá
Borgarfirði eystra og allt til
Stöðvarfjarðar, og stundum alla
leiö til Breiðdalsvíkur. Neskaup-
staður er þó ekki talinn með, þvi
þar er sér mjólkurbú og kemur
rjóminn frá Akureyri.
-A.Bj.
Einn slasaðist
í jólaumferðinni
Ungur piltur á skellinöðru varð
eina fórnardýr óhappa í
umferðinni um jólin. Hann var á
ferð vestur Suðurlandsbraut og
ók í sínum fulla rétti eftir aðal-
brautinni. Bíl var ekið austur
Suðurlandsbrautina og sveigt inn
Álfheima. Lenti híllinn á
piltinum. Af þessu hlaut
pilturinn mjög slæmt brot um hné
og er í sjúkrahúsi.
Að sögn varðstjóra slysadeildar
varð nokkuð um árekstra í um-
ferðinni um jólin. Af hlauzt
eignatjón en ekki meiðsl á fólki.
-ASt.
Kastagestirnir verða að snúa sér annað. ætli þeir að fá sér soðningu. venjulegan heimilismat. 1 stað
soðningarinnar koma tízkuréttirnir. grillréttirnir.
p. ^-4- „,,f Liiiid rrm
V
* 1 ; i MM|!
Geðvond
kvíga
hrellir
skyttur í
Hlíðarfjalli
Rjúpnaskyttur, sem
flandra upp um fjöll og firn-
indi til að leita sér að æti
fyrir jólahátíðina, eiga því
fæstar að venjast að mæta
þar nautgripum. Slíkt kom
þó fyrir eina skyttu, norð-
lenzka, sem leitaði bjarga í
Hlíðarfjalli. Eins og gefur að
skilja hélt sk.vttan þegar til
bæja og sagði öðrum frá.
Þótti saga mannsins eflaust
hin versta lygisaga í ætt við
sagnir af Þorgeirsbola heitn-
um og fleiri slikum.
Það sanna kont þó í Ijós
um síðir. í b.vrjun desember.
er verið var að hýsa geld-
neyti á félagsbúinu á Síla-
stöðum sluppu tvær kvígur
í veður og vind. Önnur
náðist von bráðar en hin
gekk laus i nokkra daga ög
varðist öllum sem hugðust
handsama hana.
Þarna var um að ræða
tveggja vetra gámalt kvígu-
grjón, sent varð vetrarfrels-
inu fegið. Leikar fóru þó
þannig að lokum að hún var
handsömuð og eyddi jólun-
um með stallsystrum sinum i
fjósinu á Silastöðum.
—ÁT—
Skellinöðru- og vélhjólaslys
eru þvi miður allt of tið.
Ökumenn virðast ekki taka eft-
ir svona minniháttar farartækj-
um. Slys i þessum tilfellum eru
oft bæði mikil og slæm enda
ökumenn hjólanna litt sem
ekki varðir. I þessu tilfelli
sveigði billinn ekki aðeins
þverl yfir aðalbrautina heldur
lenti hreinlega á hjólinu og
ökumanni þess. — DB-mynd
Sveinn Þormóðsson.