Dagblaðið - 23.06.1977, Blaðsíða 16

16
DAGBLAÐIÐ. FIMMTUDAGUB 93 .lUNt 1977
-
Eltingaleikur í „kerfinu”
Ekki tekið tillit til ólíkra einstaklinga þegar um gervibrjóst er að ræða
Þau sem fast hja heildverzluninni Remediu. GervibrJóst þau sem fást hjáLyf javerzlun ríkisins. DB-myndlr: Hörður.
„Þetta gengur allt mjög hægt
fyrir sig í gegn um kerfið og
kostar oft ðskaplegt hringl og
margar ferðir á milli staða,“
sagði Halldóra Thoroddsen hjá
Krabbameinsfélaginu er við
inntum hana eftir því hvernig
íslenzkum konum gengi að fá
gervibrjóst við sitt hæfi eftir að
brjóst þeirra hafa verið numin
af vegna sjúkdóms. ! grein
annars staðar í blaðinu er rætt
um nýja gerð af gervibrjóstum
á bandarískum markaði og
fannst okkur tilvalið að kanna
hvernig þessum málum væri
háttað hér á landi.
Tveir aðilar sjá um útvegun
gervibrjósta fyrir íslenzkan
markað. Lyfjaverzlun ríkisins
og heildverzlunin Remedía. Hjá
Lyfjaverzluninni fást brjóst
fyllt sílikoni og lofti. Þeim er
stungið inn í brjóstahaldara og
er ómögulegt að hafa þau án
þeirra. Þau kosta á nýjasta
verði 7478 krónur en
Tryggingastofnun ríkisins
endurgreiðir 70% þannig að
hlutur kvennanna er 2242
krónur. Hjá Remedíu fást hins
vegar brjóst sem okkur virtust
mun eðlilegri. Þau eru úr plasti
sem heitir silastik og er það
alfínasta sem hægt er að fá.
Þau eru fyllt með sílikoni.
Framyfir brjóstin frá Lyfja-
verzluninni hafa þau að þau
eru í eðlilegri þyngd og hafa
venjulegan likamshita. Þau
límast einnig við likamann og
þurfa konur því ekki nauðsyn-
lega að nota brjóstahaldara.
Þau eru einnig þannig úr garði
gerð að óhætt er að fara með
þau í sund og komi á þau
smágat lagast það af sjálfu sér.
Þessi brjóst eru hins vegar mun
dýrari en hin, kosta alls 16.465
kr., en að frádregnum hlut
trygginga kosta þau 4.646
krónur.
Brjóstin hjá báðum þessum
fyrirtækjum eiga það sameigin-
legt að þau eru ekki alvég eðli-
leg viðkomu og ekki er neinn
munur á þeim eftir því hvort
þau eiga að vera hægra eða
vinstra megin.
Halldóra Thoroddsen hjá
Krabbameinsfélaginu sagði að
lítil gæði brjóstanna væri þó
ekki það versta. Fyrirhöfnin
sem fylgir þvi að verða sér úti
um þau væri oft gífurleg og
getur gert það að verkum að
konurnar hreinlega missa
kjarkinn þar sem um svo við-
kvæmt mál er að ræða.
Fyrst þarf læknir að skoða
konurnar og mæla hversu stór
brjóst þær þurfa að nota. Síðan
er að kaupa brjóstin og þurfa
konurnar þá að leggja út féð
fyrir þeim. Eftir það er svo að
fá hluta Tryggingarstofnunar
greiddan. Oft þurfa konurnar
að fara margar ferðir á hvern
stað. Ef eitthvað kemur svo
fyrir blessað brjóstið eða að
konunum falla þau ekki byrjar
sáma sagan upp á nýtt.
Halldóra sagði að það væri
vitaskuld einstaklingsbundið
hvað konum félli bezt varðandi
gervibrjóst sem annað. Það sem
einni þætti alveg órnögulegt
væri það bezta hugsanlega fyrir
aðra. Vitaskuld væri því þægi-
legast að konurnar fengju þá
gerð brjósta sem þeim hentaði
bezt strax eftir aðgerð og helzt
inni á sjálfu sjúkrahúsinu
hlutur trygginga hefði þá begar
verið greiddur. DS.
NÝ GERVIBRJÓST Á BANDARÍSKUM MARKAÐI
„Mamma”Barbie doll tekin til starfa á ný
Það skilur vist enginn nema
kona sem í því hefur lent hvað
því fylgja miklir andlegir og
líkamlegir örðugleikar að missa
annað eða bæði brjóstin. Úr
líkamlegu erfiðleikunum hefur
verið bætt að nokkru með
gervibrjóstum en þau sem hafa
fengizt eru að flestra dómi það
vond og ljót að sálrænu erfið-
leikarnir hafa sízt minnkað.
Nú virðist þetta þó standa til
bóta því í Bandaríkjunum eru
nú framieidd gervibrjóst sem
eru mun þægilegri og fallegri.
Það er ,,mamma“ Barbie
dúkkunnar, Ruth Handler, sem
hefur fundið þessi brjóst upp
og framleiðir þau. 1970 voru
bæði brjóstin tekin af Ruth og
eftir það segist hún hafa farið
að gera sér grein fyrir hvað það
væri að vera án þeirra.
„Ég reyndi öll þau
gervibrjóst sein til voru,“ segir
Ruth. „Þau voru öll hringlaga
þannig að ekki var hægt að fá
vinstra eða hægra brjóst. Það
er svipað og ef vinstri skór er
settur á hægri fót“.
Ruth gprði meira en að finna
að þessu, hún gerði eitthvað í
málinu. Og þetta eitthvað var
að búa til mjúk og eðlileg
gervibrjóst. Þau eru þannig að
greinilegur munur er á því
hægra og því vinstra og
brjóstin eru viðkomu nær því'
alveg eins og venjuleg brjóst.
Ruth segir að lífið sé mun
skemmtilegra eftir að hún fékk
sér sjálf svona gervibrjóst, nú
getur hún til dæmis farið í sund
alveg óhrædd um að að sér
verði hlegið. Auk þess hefur
hún ekki grætt neitt smávegis á
framleiðslunni því brjóstin
seijast nú mjög ört og á salan að
öilum llkindum enn eftir að
aukast.
-DS.
Brjóstin hennar Ruth Handier
seljast nú í miklum mæli. „Eg
hef aðe'ins áhyggjur af einu,“
segir hún. „Og það er að þetta
vaxi mér yfir höfuð.
Lék íGuðföðurnum
Dulrænir hæfileikar
Leikkonan Fay Spain, sem
lék f kvikmyndinni Guðföðurn-
um II. hluta, komst að því,
þegar hún var lö ara, ao hun
hefur dulræna hæfileika. Svo
segir hún. Hún kveðst hafa séð
fyrir óorðna hluti æ síðan.
Hún sá til dæmis fyrir lát
tengdaföður síns, og hún hefur
spáð rétt um úrslit fjölda kapp-
leikja. Ennfremur hefur hún
spáð rétt um niðurstöður dóms-
mála.
Hún komst að raun um hæfi-
leika sína, þegar hún var á öku-
ferð með nokkrum kunningjum
í Marylandfylki. Hún þekkti
ekki staðhætti, en allt i einu fór
hún að sjá fyrir, hvaða leið lá
að veitingahúsi. „Ég hafði
aldrei á ævinni komið þangað,
en einhvern veginn vissi ég,
hvar veitingahúsið var. Þetta
var 20 mílna ferð, og ég sagði
rétt til um hverja beygju.“
Menn hafa stundum orðið
skelkaðir við forspá hennar.
„Það var til dæmis fyrir tveim
árum. Ég sá föður eiginmanns-
ins míns, sem mér þótti mjög
vænt um, í gráum poka. Ég vissi
að þetta þýddi að hann mundi
Fay spaln.
deyja.
Ég sagði við manninn minn
síðdegis þennan dag: „Phil,
faðir þinn er að deyja.““
Phil Westbrook, eiginmaður
Fays, segir: „Degi sfðar var
faðir minn látinn, svo að ég fór
auðvitað að trúa á dulræna
hæfileika hennar. Hann hafði
verið veikur um skeið, en engin
ástæða var til að álíta að hann
væri að dauða kominn.“
Fay minntist ánægjulegri
stunda. „Ég get séð fyrir úrslit
„rugby“ leikja “ segir hún, og
eiginmaðurinn hefur gaman af.
„Það er ótrúlegt," segir hann
og hlær. „Ég tel, að hún hafi á
réttu að standa i 75-80 af
hundraði tilvika."
Westbrook, sem er lög-
fræðingur, hefur samt mestan
áhuga á hæfileikum hennar til
að sjá fyrir niðurstöðu flókinna
dómsmála, sem hann fjallar
um. „Nákvæmni hennar er
furðuleg," segir hann. „Hún
spáir ekki um öll mál, aðeins
þau sem hún hefur sérstakt
hugboð um. Þegar hún spáir
um dómsmálin, hefur hún á
réttu að standa f nfu tilvikum af
hverjum tiu.“
„Ég fæ flest hugboðin .í
vöku,“ segir Fay. „Þetta er
alltaf að koma fyrir mig. Ég;
læri að venjast þessu. Ég á ekki
gott með að sjá fyrir eitthvað,
sem kemur við sjálfa mig, en
mjög góð að spá fyrir öðrum. Ég
er ekkert hrædd við þetta. Ég
vildi, að ég gæti séð hluti fyrir
að vild, þvf miður kemur hæfi-
leikinn og fer jafnóðum.“