Dagblaðið - 09.07.1977, Blaðsíða 3
DAGBLAÐIÐ. LAUGARDAGUR 9. JÚLl 1977.
Af garðskálanum
í Hallargarðinum
Raddir
lesenda
Umsjón:
Dóra Stefánsdóttir
Ragnhildur skrifar:
Ég átti leið niður í miðbæ
Reykjavíkur um daginn. Meðal
annars gekk ég fram hjá Hall-
argarðinum við Fríkirkjuveg.
Við mér blasti vægast sagt
hryllileg sjón. Garðskálinn sem
undanfarin ár og áratugi hefur
verið til svo mikillar prýði er
nú að grotna niður af vanhirðu.
Allar rúður eru brotnar og
skálinn hefur auðsjáanlega
ekki verið málaður í langan
tíma.
Hvað á þetta að þýða? Hefur
ekki borgin nógu mörgu fólki á
að skipa til þess að hægt sé að
halda við svona hlutum, sen
sannarlega prýða bæinn? Borg
um við ekki nóg útsvar? Eða
getur það verið að einhverjir
hafi sofnað á verðinum?
Ég vil endilega að þetta verði
lagfært hið snarasta og þá væri
ekki úr vegi að koma gosbrunni
þeim sem er í sama garði í horf
á nýjan leik. Mætti svo ekki
nota skálann? 1 gamla daga var
seldur í honum ís, tr ekki ráð
að taka upp þá þjónustu? Ég er
alveg sannfærð um að kaup-
menn vildu gjarnan taka
skálann á leigu og jafnvel gera
við hann.
DB hafði samband við Leif
Blumenstein byggingarfræðing
sem starfar hjá Reykjavíkur-
borg og Hafliða Jónsson
garðyrkjustjóra. Leifur sagði:
„Það ér mikill misskilningur að
garðhúsið sé að hruni komið.
Það hefur verið á dagskrá hjá
okkur hjá borginni í nokkurn
tíma að gera við hann en vegna
yfirvinnubannsins hefur
nokkuð dregizt að ljúka fram-
kvæmdum. Við erum þó búnir
að forða húsinu frá frekari
skemmdum með því að fúa-
verja það.
Astæðan fyrir því að húsið er
svona ljótt að utan er sú að við
brenndum alla gamla málningu
af því til þess að hægt væri að
skipta um fúna viði. Það er á
tveimur stöðum sem slíkt er
nauðsynlegt. Ég býst við að
tjaldað verði yfir húsið í haust
til þess að mála það.
Það er líka rangt að húsið
standi autt. Garðyrkjan hefur
þarna aðstöðu. Fólkið sem
vinnur á hennar vegum
drekkur þarna kaffi og verk-
færi eru geymd þarna. Húsið er
upphitað allt árið svo ekki ætti
það að skemmast af þeim
sökum. Ef rúður hafa verið
brotnar, sem ég hef ekki heyrt
um, hafa það áreiðanlega verið
helgarskemmdir sem hafa lík-
lega verið lagfærðar síðan.“
Hafliði garðyrkjustjóri sagði:
„Gosbrunnurinn er þannig
að það er ekki hægt að setja
hann í gang eins og hann er
'núna. Við höfum haldið upp á
myndina af svaninum, sem er
síðan á dögum Thors Jensens
og höfum ekki viljað brjóta
hana upp til að koma bununni í
gang. Við yrðum líka að brjóta
upp sjálfa skálina því hún er
orðin lek og heldur ekki vatni.
Annars var þetta aðallega tjörn
sem notuð var til að vaða í og
skemmdist hún nokkuð af þeim
völdum.
Ennþá hefur engin formleg
ákvörðun verið tekin um hvort
eigi að afskrifa gosbrunninn I
heild eða gera við hann. Þetta
er nokkuð viðameira verk en
almenningur gerir sér grein
fyrir.
Um garðskálann get ég sagt
þér það að það var Pétur
Pétursson útvarpsþulur sem
tók hann á leigu og fékk leyfi
til að reka þar issölu eða
sjoppu. Hann var mjög áhuga-
samur verzlunarmaður og
auglýsti meðal annars: Kaupið
ís í Hallargarðinum. Hann
kenndi garðinn við Templara-
höllina sem þá var á Fríkirkju-
vegi 11. Pétur á Ilallargarðs-
nafnið, því garðumin húl áður
Fríkirkjugarður. Hallargarðs
nafnið hefur svo lestsi við
garðinn.
Pétur flutti sig síðar um set
og leigði söluturninn sem nú á
Þessi mynd var tekin fyrir líklega tuttugu árum og sjást á henni börn að ieik vid gosbrunnmn.
Garðskálinn er í baksýn.
Ragnar Th. Sigurðsson tók þessa mynd fyrir nokkrum dögum og er hér garðskálinn einn og yfirgefinn
og rúður í honum brotnar. Og engan ís er að fá lengur.
að fara að reisa á Lækjartorgi.
Hann var þá á horni Hverfis-
götu og Kalkofnsvegar. á svo-
kölluðu Hreyfilsplani. Þarna
hafði Pétur mun betri aðstöðu
en I garðhúsinu, það er mjög
þröngt.
Hallargarðinum var breytt
mikið árið 1953. Fyrir þann
tíma hafði verð upphækkaður
ökustlgur fyrir hestvagna í
horni garðsins og sjást enn leif-
ar af honum. Mörgum finnst .
skaði að búið er að rifa stíginn.
Bandaríska ríkið átti, þegar
hann var enn við lýði, eitt horn
garðsins og þar átti að byggja.
Ekkert varð þó af því og banda-
rlska rikið seldi íslenzka ríkinu
sinn hluta fyrir eina krónu, eða
svo segir sagan.“
c IPIÐ LAUGARDAGA
Addidasog Hummel fótboltaskórog æfingagallar • Henson íþróttavörur Tjöld, svefnpokar, tjalddýnur, prímusar, tjaldluktir o.f/. VEIÐIVÖRUR: Vesdistangir, hjól, spúnar, töskur, stígvél o.f/.
QPnDTDADf HAMRABORG10 VrUGllDUIIU SIMI44577-K0PAV0GI
&
Spurning
dagsins
Tekurðu lýsi ?
Spurningu svöruðu krakkar og
gæziukona á gæzluvellinum við
Arnarbakka.
Inga Dagmar Karlsdóttir, 5 ára:
Nei, ég tek ekki lýsi. Það er samt
ekki af því að það sé vont heldur
af þvl bara. Ég tek ekki einu sinni
lýsi á veturna.
Hulda Rún Reynisdóttir, 4 ára:
Ég tek ekki lýsi af þvi að það er
svo vont. Ég tek það ekki heldur á
veturna.
Asta Svavarsdóttir, 5 ára: Já, ég
tek lýsi. Og mér finnst það sko
ekkert vont. Mamma segir að ég
eigi að taka það en ég veit ekki af
hverju, ég geri bara það sem
mamma segir.
Arnold Bryan Cruz, 3 ára: Já, ég
tek lýsi og mér finnst það got*.
Mamma segir að ég eigi að gera
það og ég segi aldrei nei við
mömmu.
Sigtryggur Benediktsson, 5 ára:
Já, ég tek alltaf lýsi og mérfinnst
það ekkert vont. Mamma segir að’
ég eigi að gera það en samt tekur
hún ekki lýsi sjálf. Ég veit ekki af
hverju.
Elsa Eyjólfsdóttir gæzlukona,
(aldur ekki gefinn upp): Nei,
ekki geri ég það nú. Ég gerði það.
kannski einhvern tíma þegar ég
var krakki. Við þurfum ekkert
lýsi hérna þvl við erum svo mikið
úti.