Dagblaðið - 16.08.1977, Side 4
DAGBLAÐIÐ, MUÐJUDAGUR 16. AGUST 1977.
i
i
:
►
í gær fréttum við af ungum
íslenzkum ballettdansara sem
unnið hefði erlendis í fjögur ár
og væri nú á mikilli hraðferð
hér á landi. Við náðum I hann
og höfðum stuttlega tal af hon-
um. Hann heitir Guðlaugur
Einarsson, sonur Einars Guð-
laugssonar bónda á Blönduósi
og konu hans, Ingibjargar Jóns-
dóttur. Guðlaugur á tvo bræður
sem einnig hafa getið sér nokk-
urt orð á listabrautinni. Það
eru þeir Jón Karl sem er kór-
stjóri Svansins og tónlistar-
kennari á Akranesi og Skarp-
héðinn sem hefur fram að
þessu starfað með lúðrasveitum
víða um land þrátt fyrir að
fyrst núna sé hann að hefja
tónlistarnám.
— Hvernig tók nú fólkið þitt
dansáhuga þínum, Guðlaugur?
„Það sagði nú fátt. Eg er
kominn af bændafólki í báðar
ættir og ég efast um að það hafi
skilið almennilega hvað um er
að vera. Ég dansaði mikið strax
sem strákur, aðallega gömlu
dansana og svoleiðis. Svo sýndi
ég á barnaskemmtunum."
— Hvað er svo langt síðan
alvaran kom til sögunnar?
„Eg fór til Lúbeck fyrir
fjórum árum. Áður hafði ég
verið aðeins 2 ár við Þjóðleik-
húsið og hafði því litla reynslu.
Það komu hingað tveir Þjóð-
verjar sem hjálpuðu til við að
færa upp kabarett og þeir buðu
mér með sér utan. Nú, ég gekk
aðþví.
Ég hef verið á samningi sið-
an. Fyrstu 2 árin var ég undir-
borgaður vegna reynslu-
leysis míns hér að heiman. En
nú er ég aðeins farinn að sýna
sóló og hagurinn vænkast. Ég
er núna að byrja að vinna í
Dortmund sem er helmingi
stærri bær en Lúbeck og er I
Ruhr-héraði. Það má svo sem
geta þess að þar er framleiddur
heimsfrægur bjór. Þarna fæ
talsvert betri laun en ég hef
haft eða allt að 2000 mörk á
mánuði (173 þús. ísl. kr.), hef
ekki haft nema 1700.“
— Ertu þá fullmenntaður
dansari?
„Eg hef nú aldrei farið i
gegnum neinn skóla nema
skóla reynslunnar. Ég var orð-
inn tvítugur þegar ég byrjaði.
Það vantar alltaf karlmenn,
sérstaklega þá sem eru svolítið
stórir, þannig að tækifærin fara
ekki eftir menntun fyrst og
fremst."
— Hvernig er að vera 1
Þýzkalandi? Þú nefndir áðan
að þú hefðir lág laun.
„Já, ballettdansarar eru yfir-
leitt illa launaðir í Þýzkalandi.
Það eru ekki nema tvö ár síðan
þeir fóru að fá sömu laun og
kórsöngvarar við óperuna.
Þjóðverjarnir eru nokkuð
stífir en annars alveg ágætir.
Ég fékk að finna það dálítið
fyrst að ég var útlendingur.
Ég er það dökkur á brún og brá
að þeir héldu jafnvel að ég væri
Suðurlandabúi. En þegar þeir
vissu að ég væri tslendingur
kölluðu þeir mig alltaf víking.
Þjóðverjar vita nokkuð mikið
um Islendinga og hafa áhuga á
að vita meira.
Klassískur ballett
er ekki mín
sterkasta hlið
Þegar ég kom út kunni ég
ekki eitt einasta orð í þýzku en
ég fór í einkatíma og þetta kom
furðulega fljótt.“
— Og hvað finnst þér nú
mest gaman?
„Ég var eiginlega orðinn of
Jim
„Það vantar alltaf karlmenn, sérstaklega þá sem eru stórir
gamall þegar ég byrjaði til að
ná nokkrum árangri í klassisk-
um ballett. Mér þykir miklu
meira gaman að dansa jassball-
ett og kabarettdansa. Mest
gaman þykir mér að koma fram
í söngleikjum og ég ætla að fara
meira út í það. Ég ætla að leika
meira og ætla í söngnám.
Ég hef komið fram I óperum,
óperettum og barnaleikritum
auk ballettsýninganna. Einu
sinni hef ég líka komið fram í
hópsýningu I sjónvarpi. Það var
eiginlega mín bezta reynsla.
r,Ef ég væri ekki samnings-
bundinn næsta ár gæti ég haft
nóg að gera I sjónvarpi."
— Og hvað hyggstu svo fyrir
meira?
„Eg er að hugsa um að fara til
Ameríku. Ég er eiginlega á
bakaleið þaðan núna, ég hef
nefnilega verið þar I þrjár
vikur og komizt I kynni við
ýmist gott fólk. Til dæmis var
ég hjá ákaflega góðum söng-
kennara. Ef allt fer eins og ég
vil fer ég þangað eftir ár.“
— Þú ert ekkert að hugsa
um að koma heim?
„Nei, ekki að svo stöddu. Hér
engin tækifæri að hafa.
Þetta er skaði þvi hér er margt
hæfileikafólk sem ekki fær að
sfn því það vantar tæki-
færi.“
Við óskum Guðlaugi góðs
gengis.
- DS
„Þjóðverjar héldu að ég væri
Suðurlandabúi.“ — DB-mynd
Guðlaugur i Oskubusku á sviðinu f Lúbcck.
DB-mynd Jim.
t'..............
„ÞJÓÐVERJ AR KALLA MIG
VÍKING,” SEGIR GUÐLAUGUR
EINARSSON, ÍSLENDING-
UR A ERLENDRIGRUND