Dagblaðið - 29.10.1977, Blaðsíða 5

/ACiBLAÐIÐ. LAUGARDAGUR 29. OKT0BER 1977.
ÞJOÐARATKVÆÐIUM STERKA OLIÐ
Jón G. Sólnes skorar enn á
Alþingi að láta fara fram þjóö-
aratkvæðagreiðslu um bruggun
og sölu áfengis öls á Islandi.
Hann lagði fram þings-
ályktunartillögu f gær um þetta
efnii „Alþingi ályktar að fela
rikisstjórninni að láta fara
fram í sambandi við næstu al-
þingiskosningar þjóðarat-
kvæðagreiðslu um, hvort
heimila skuli framleiðslu og
sölu áfengs öls í landinu. Þátt-
taka i væntanlegri atkvæða-
greiðslu skal heimil öllum, sem
náö hafa 18 ára aldri, þegar
atkvæðagreiðslan fer fram,"
segir í tillögu Jóns G. Sólness.
Á undanförnum árum hefur
allmikið verið um það rætt,
hvort heimila skuli framleiðslu
og sölu áfengs öls i landinu,
segir í greinargerð með tillögu
Jóns. Þar segir ennfremur:
„Mjög skiptar skoðanir eru
manna á meðal um þetta mál og
sýnist sitt hverjum eins og
gengur.
Á síðasta Alþingi var til með-
ferðar frumvarp, sem gerði ráð
fyrir nokkrum breytingum á
núgildandi áfengislögum.
Flutningsmaður þessarar
tillögu flutti þá tillögu í sam-
bandi við umrætt frumvarp,
sem gerði ráð fyrir því, að nú-
gildandi áfengislögum skyldi
breytt á þann veg, að fram-
leiðsla og sala áfengs öls yrði
heimiluð.
Örlög frumvarpsins urðu
hins vegar þau, að það komst
aldrei úr nefnd og dagaði uppi í
þinginu. Reyndi því aldrei á
það, hvort þingvilji væri fyrir
því að leyfa framleiðslu og sölu
áfengs öls eða ekki.
Næsta ár fara fram almennar
þingkosningar. Flutnings-
maður telur eðlilegt að leitað sé
eftir því að fá vitneskju um,
hver sé hinn raunverulegi
þjóðarvilji í jafn umdeildu máli
og þessu. Auðveld leið og
kannske sú marktækasta er að
mati Jóns G. Sólnes að láta fara
fram þjóðaratkvæðagreiðslu
um málið.
Telur flutningsmaður sjálf-
sagt að nota það tækifæri, sem
býðst 1 næstu þingkosningum.
Hann telur einnig sjálfsagt að
miða þátttöku i atkvæðagreiðsl-
unni við 18 ára aldur. Vill hann
með því leggja áherzlu á þá
skoðun sfna, að ákvörðun í
málinu sé ekki síður mál ungu
kynslóðarinnar en hinnar eldri.
Þvf sé ekki nema eölilegt, að
unga fólkið fái að láta álit sitt í
Ijós í þjóðaratkvæðagreiðsl-
unni.
BS
Tannlæknafélagið 50 ára:
Ekki æskilegt að
allar tannviðgerðir
séu greiddar
af tryggingafé
Tannlæknafélag íslands verður
50 ára á morgun, sunnudag.
Verður þá mikið um dýrðir hjá
félagsmönnum og verður meðal
annars afmælisfagnaður nú í
kvöld að Hótel Loftleiðum.
Á blaðamannafundi sem efnt
var til vegna afmælisins lögðu
stjórnarmenn mikla áherzlu á það
að veita almenningi aukna
fræðslu um það hvernig bezt
mætti koma í veg fyrir tann-
skemmdir. Stofnaður hafði verið
sérstakur sjóður innan félagsins
til þessara hluta og var hann
falinn Tryggingastofnun rikisins
til ráðstöfunar. En tannlæknarnir
sögðu með mikilli óánægju að
sjóðurinn hefði ekki verið snertur
og væri hann nú milli 5 og 6
milljónir króna. Fyrir það fé væri
mikið hægt að gera ef rétt væri
haldið á málum. Þau mál færu nú
vfst að færast f betra horf og
gerðu tannlæknarnir sér vonir
um að brátt yrði gert mikið átak í
því að fræða almenning.
Bezta ráðið til þess að koma f
veg fyrir tannskemmdir væri vita-
skuld að halda tönnunum hrein-
um því eins og f barnavísunni
segir Það skemmist ei tönn sem
er skfnandi hrein. I öðru lagi
væru tannlæknar því meðmæltir
að drykkjarvatn yrði blandað
flúor og töldu það geta minnkað
skemmdir í tönnum um 50%.
Aðspurður um það hvað liði
þeim málum að allir menn, ekki
aðeins ófrískar konur og börn,
fengju ókeypis eða niðurgreidda
tannþjónustu, sagði Sverrir
Einarsson formaður Tannlækna-
félagsins að hann teldi það alls
ekki æskilegt að allir fengju tann-
viðgerðir fríar með öllu. Tann-
skemmdir væru að miklum hluta
áunnar og teldi hann að fólk færi
betur með tennur sfnar ef það
þyrfti að borga þó ekki væri nema
einhvern hluta þess sem viðgerð
kostar. En vissulega væri stefnan
sú að kostnaðarhlutinn yrði
greiddur eitthvað niður af því
opinbera.
Um þessi mál og önnur sem
viðkoma tannlækningum verða
flutt sjö útvarpserindi á næst-
unni. Það fyrsta var reyndar flutt
síðastliðinn fimmtudag en sfðasta
erindið verður í desember.
Rafn Jónsson, einn af heiðursfélögum tannlæknafélagsins, situr þarna í stól Halls heitins Hallssonar.
Tannlæknar hafa f tilefni
afmælisins komið upp tannvið-
gerðaminjasafni í félagsheimili
sfnu við Síðumúla. Þar er meðal
annars að sjá stól og tæki Halls
heitins Hallssonar sem eru frá
1929 er Hallur var með tannvið-
gerðarstofu í Austurstræti.
Hallur var ásamt þeim Brynjúlfi
Björnssyni og Thyre Loftsson
frumkvöðull að stofnun Tann-
læknafélagsins. DS
ARKAÐ A SKEGGJAI
SÝNISHORNAVEÐRI
— Göngu-Víkingar örkuðu á Skeggja og stofnuðu göngudeild
I sannköiluðu sunnlenzku
veðri, sýnishornaveðri, örkuðu
109 Göngu-Vikingar upp Skeggja,
hátind Hengilsins, sem er 803
metrar á hæð. Það skiptust á skin
og skúrir, þoka og éljagangur,
logn og gola er Göngu-Víkingar
gengu á Skeggja sfðastliðinn
sunnudag og stofnuðu göngudeild
Vfkings. Á Skeggja var hlaðin
beinakerling og þar í lagður
hólkur með gestabók — nöfn
stofnfélaga deildarinnar, alls 156,
þvf sannleikurinn var að ekki létu
Vilhelm Andersen formaður
undirbúningsnefndar lýsir yfir
nýju Isiandsmeti er 109 manns
voru samankomnir á Skeggja.
allir sig hafa það að ganga á
Skeggja.
Framtak Víkinga er dulftið
merkilegt — i raun er þetta fyrsta
íþróttafélagið sem stofnar deild
innan vébanda sinna sem ekki
miðar að beinum keppnis-
fþróttum. Göngu-Vfkingar hafa
fyrirtaksaðstöðu — skíðaskála
Vfkings í Sleggjubeinsskarði sem
verður nokkurs konar bækistöð
deildarinnar. Þar verður opið hús
um helgar og lagt upp f göngu-
ferðir, langar og stuttar. Þar má
og matast — leita upplýsinga, já,
hvaðeina.
Aður en Vfkingar stofnuðu
deild sfna var haldinn kynningar-
fundur. Þar ræddi Árni Reynis-
son framkvæmdastjóri Náttúru-
verndarráðs um náttúruvernd,
Kristján Sæmundsson jarð-
fræðingur ræddi um jarðfræði
Hengilsins sem verður nokkurs
konar heimavöllur Göngu-
Vfkinga og Valdimar örnólfsson
gaf heilræði um gönguferðir um
svæðið.
Og Göngu-Víkingar halda
áfram starfsemi — og er fyrir-
hugað að ganga allar helgar.
Þannig verður farið á morgun í
tvær gönguferðir frá Víkings-
skálanum í Sleggjubeinsskarði,
sú fyrri hefst kl. 11 og þá verður
gengið inn f Marardal og hin,
seinni kl. 1 og þá verður gengið á
Skarðsmýrarfjall. .h. halls.
allt er
þegar
þrennt er
j