Dagblaðið - 12.02.1979, Blaðsíða 8

DAGBLAÐIÐ. MÁNUDAGÚR 12. FEBRÚAR 1979.
Enn settar takmarkanir á rækjuveiðar í ísafjarðardjúpi:
Sjómenn hætta veiðum í
mótmælaskyni
„Á morgun rær enginn hinna 40
rækjubáta héöan og óvíst er hvenær
við hefjum róðra, það veltur verulega
á því sem kemur út úr viðræðum
sendinefndar okkar við sjávarútvegs-
ráðherra á morgun. Undir hinum nýju
reglum, sem taka gildi á morgun,
teljum við útilokað að stunda þennan
útveg,” sagði Finnbogi Jónasson
rækjusjómaður á Jsafirði í viðtali við
blaðið í gær.
Hinar nýju reglur kveða á um að
aðra vikuna megi bátarnir ekki veiða
nema tvo daga og hina vikuna þrjá, og
mest landa þrem tonnum á viku 1 stað
sex tonna áður og fimm daga úthaldi.
Þetta er annað áfall rækjusjómanna
og rækjuvinnslufólks við Isafjarðar-
djúp á skömmum tíma. I hittiðfyrra
höfðu veiðzt rúm þúsund tonn fyrir
áramót, en í haust og fram til 9. jan. sl.
voru allar veiðar bannaðar vegna
seiða i Djúpinu. Voru því bæði
sjómenn og landverkafólk meira og
minna atvinnulaus þar sem frystihúsin
höfðu þegar tryggt sér starfskraft og
alltaf var vonazt til að úr rættist.
Síðan 9. jan. hefur verið góð veiði
en ofan á hinar nýju reglur bætist að
nú er líka lokað 40% þess veiðisvæðis,
sem bátarnir hafa fengið verulegan
- atvinnuástand 80 sjómanna
og fjölda land verkafólks í
ólestri mánuðum saman
hluta afla síns úr. Síðustu aðgerðir
stjórnvalda standa i sambandi við
kuldakastið undanfarið, sem leitt
hefur til þess að síld hefur leitað á
djúpslóð. Fyrri aðgerðirnar voru I kjöl-
far rannsókna á grynnri slóð sem
leiddi í Ijós of mikið seiðamagn í aflan-
um.
Finnbogi segir það skoðun
rækjusjómanna að rannsóknirnar séu
nær eingöngu framkvæmdar á stöðum
sem líklegt er að slæmar niðurstöður
fáist. Þannig hefðu togsýni Drafnar
aldrei fengizt unnin vegna smæðar og
seiðafjölda einmitt sömu dagana og
heimabátar voru að koma með
vinnsluhæfan afla að landi. Enda væri
það augljóst hagsmunamál bátanna að
koma með sem stærsta og bezta rækju
til að fá sem bezt verð.
-GS.
Fljótt á litið gæti þarna verið á fcrðinni Volkswageneigandi, dauðþreyttur á bilastæðaleysinu i miðbæ Reykjavfkur. En
þessi maður er ekki að höggva bifreið sinni leið inn i stæði i Hafnarstrætinu, heldur er hann að brjóta klaka af götunni.
Klakabrikurnar á götum Reykjavikur hafa siðustu daga valdið ófáum utanikeyrslum. Níi ætti sem sagt að vera einni færri í
Hafnarstrætinu. DB-mynd Hörður.
„Ekki rétt að stöðva
við 350 þús. tonnin”
— miðað við núverandi vitneskju um loðnustof ninn segir
Kristján Ragnarsson f ormaður Landssambands íslenzkra
útvegsmanna
„Miðað við þá vitneskju sem okkur
hefur borizt um ástand loðnustofnsins
þá tel ég ekki koma til mála að stöðva
veiðar á loðnunni, þegar aflinn á
vetrarvertið verður kominn upp í 350
þúsund tonn eins og fiskifræðingar
hafa verið að gefa i skyn að þurfi,”
sagði Kristján Ragnarsson formaður
Landssambands íslenzkra útvegs-
manna i viðtali við DB í gær.
Sagði hann ekki hafa borizt neinar
viðhlítandi röksemdir fyrir Joessari
skoðun fræðinganna, auk þess sem
þeir hafi haft alls konar fyrirvara fyrir
skoðunum sínum.
„Núna er aftur á móti mál
málanna hvaða árangur næst úr þeim
loðnugöngum, sem fundust í leiðangri
rannsóknarskipsins Bjarna Sæmunds-
sonar út af Vestfjörðum,” sagði
Kristján. „Ef þar verður um einhvern
verulegan afla að ræða er það mjög at-
hyglisvert. Flotinn dreifist og aflinn
ætti að geta aukizt verulega.
Kristján Ragnarsson sagðist vilja
benda á að til þess að geta staðið við
þá samninga sem gerðir hefðu verið
um sölu á loðnuhrognum þyrfti I það
minnsta eitt hundrað þúsund tonn af
loðnu að veiðast eftir að hrognin væru
orðin nýtanleg. Væri þar meðal
annars ein ástæðan sem hann sæi fyrir
að ekki kæmi til mála að stöðva
loðnuveiðar við 350 þúsund tonna'
mörkin.
Hann sagði að allar upplýsingar um
loðnuna hefðu hingað til verið heldur
losaralegar, og raunar hefðu þeir hjá
LÍÚ ekki gert ráð fyrir að taka neina
afstöðu til tillagna um 350 þúsund
tonna hámarksafla fyrr en skýrslur
hefðu borizt um árangur leiðangursins
útaf Vestfjörðum. -ÓG.
Gatnagerð í Blesugróf inni
Albert Guðmundsson og Sigurjón
Pétursson voru fremstir í hörðum
umræðum á fundi með íbúum
Blesugrófar, sem haldinn var á
fimmtudagskvöld.
Rætt var um skipulagsmál þessa
gamla borgarhverfis, meðal annars
gatnagerð þar. Sigurjón taldi að ekki
yrði hægt að breyta framkvæmdaá-
ætlun borgarinnar fyrir þetta ár meö
tilliti til framkvæmda i hverfinu þótt
þeirra væri þörf.
Albert Guðmundsson lofaði aö
koma á framfæri tillögu í borgar-
stjórn um úrbætur I hverfinu og bar
síðan fram svofellda tillögu ásamt
Birgi ísleifi Gunnarssyni í umræðum
um framkvæmdaáætlun borgarinnar.
„Við undirritaöir gerum það að til-
lögu okkar að endurskoðuð verði
framkvæmdaáætlun sú, sem eftir
stendur, þegar tillögur gatnamála-
stjóra um niðurskurð á framkvæmda-
árinu hefur hlotiö afgreiðslu í borgar-
ráði og áður en hún kemur til sam-
þykktar I borgarstjórn, með það i
huga, að hafist verði handa um fram-
kvæmdir um aukið umferðaröryggi
fyrir íbúa Blesugrófarhverfis, og hafist
verði handa um verklegar fram-
kvæmdir við varanlega gatnagerð þar
á þessu ári, til dæmis við Stjörnugróf,
en sú gata mun liggja vel við fram-
kvæmdum.
Þetta gamla borgarahverfi er nú
fullskipulagt og ibúar þess telja það
réttlætismál, að næstu gatnagerðar-
framkvæmdir verði í þeirra hverfi, og
á undan þeim nýju hverfum, sem ráð-
gert er að vinna í á þessu ári.”
Tillögunni var vísað til meðferðar
framkvæmdaráðs borgarinnar. -BS.
Þingeyri:
Viðbótin gleður
hjörtu karlpen-
ingsins
— Stúlkur frá Ástralíu, Nýja-Sjálandi og S-Af ríku
Mikil atvinna hefur verið á Þingeyri
undanfarið og i janúar bárust um 500
tonn að landi. Það er um 200 tonnum
meira en menn muna nú síðustu ár i
þessum mánuði. Með hinni miklu at-
vinnu hefur menningarlifið einnig
blómstrað með hefðbundnum kóræf-
ingum og þorrablótum.
Þingeyringum til aðstoðar á ver-
tíðinni er ungt og friskt fólk frá
Ástralíu, Nýja-Sjálandi og Suður-
Afriku. Þrír strákar eru i hópnum og
afgangurinn stúlkur og er varlega sagt
að stúlkurnar gleðji hjörtu karlpen-
ingsins á Þingeyri. Útlendingarnir eru
á aldrinum 21—26 ára, og er þrennt
frá Suður-Afriku, fimm frá Nýja-Sjá-
landi og afgangurinn frá Ástraliu.
Það stendur fréttaritara DB á Þing-
eyri, Páli Pálssyni nærri að lofa þessar
áströlsku stúlkur, þar sem hann er
giftur einni, en þau hafa verið gift i
þrjú ár. Páll sagði að þau hefðu sýnt
fordæmi með þessari giftingu en
nokkuð væri um óvigða sambúð
Islendinga og erlends fólks sem hefði
komið til vinnu á Þingeyri.
Páll sagði að útlendingar hefðu alla
tið sótt mikið til Þingeyrar. Banda-
ríkjamenn hefðu stundað lúðuveiðar á
árunum 1880—1914 og þá verið tíðir
gestir á Þingeyri. Þá hefðu Frakkar
verið mikið á Þingeyri á skútu-
timanum og síðan hefðu brezkir
togaramenn verið tíðir gestir þar allt
fram að þeim tíma er landhelgin var
færð út í 200 mílur. Nefndi Páll sem
dæmi að árið 1970 hefðu 12 brezkir
togarar legið samtímis við bryggju á
Þingeyri. Þá hafa brezkir togarakallar
verið jafnmargir á Þingeyri og íbúar
plássins. -PP/JH.
Seyðisfjörður:
Endurnýjun fisk-
vinnsluhúsa veldur
atvinnuleysi
Talsvert atvinnuleysi hefur verið á
Seyðisfirði að undanförnu vegna yfir-
standandi breytinga og endurbóta á
fiskvinnsluhúsunum þar. At-
vinnuleysið hefur verið mest meðal
útivinnandi húsmæöra.
I desember sl. var hafizt handa við
breytingar og endurnýjun Fisk-
vinnslunnar hf. og hafa togararnir
tveir siglt með afla sinn til Englands
siðan. Gullbergið hefur siglt þrisvar
en Gullverið tvisvar. Gullverið lagði
upp afla á Seyðisfirði á miðvikudag, en
honum var umskipað í annað skip sem
leigt var til að sigla með aflann svo
togarinn tefðist ekki frá veiðum.
Miklar breytingar haf verið gerðar á
ísbirninum (áður Haföldunni). Er
verksmiðjan nú komin í fullan gang og
gengur vel, skv. upplýsingum fram-
kvæmdastjóra hússins. Löndunar- og
útskipunarbúnaður verður þar kom-
inn í gagnið áður en langt um líður.
Nær eingöngu hefur verið unnið
við loðnu á Seyðisfirði síðan um ára-
mót. Frekar litlu hefur verið landað í
Norðursíld, enda er annar báturinn í
stórri yfirhalningu og hinn missti
nótina í fjarðarmynninu. Þar er þó
búið að frysta um 40 tonn af loðnu og
átján til viðbótar eru í vinnslu.
Alls er búið að landa 21.500
tonnum af loðnu hjá SR og 10.827
tonnum hjá Isbirninum.
JÓV/JG, Seyðisfirði.
150 skólanemar í
heimsókn
— og engin vandræði eða erfiðleikar
Þó 150 fjölbrautskólanemar úr sáttir við atburðarás helgarinnar.
Keflavik kæmu i heimsókn til Akra- „Svona á þetta að vera,” sagði lög-
ness um helgina fóru engin mál úr reglumaður sem DB hafði tal af.
skorðum og lögreglumenn voru vel -ASt.