Dagblaðið - 20.12.1979, Side 6

DAGBLAÐIÐ. FIMMTUDAGUR 20. DESEMBER 1979.
Hráefnið í jólasælgætið rándýrt:
Kókoskúlur, fylltar döðlur,
grænmeti og ávextir úr marsipani
Eitt af því sem fylgir jólunum er
jólasælgætið. Gaman er að búa til
jólasælgæti sjálfur en hráefnið er
mjög dýrt. Allt sem fer í sælgætið,
eins og hjúpsúkkulaði, marsipan,
hnetur, möndlur, núgga og döðlur,
rúsínur og kokkteilkirsuber, er lúxus-
vara og verðið eftir því. Hins vegar
getur verið gaman að búa til eitthvað
smávegis, rétt svona í eina eða tvær
skálar rétt yfir bláhátíðisdagana.
Kókoskúlur
og fylltar döðlur
Heima hjá mér ,,í gamla daga”
bjuggum við til kókoskúlur, fylltar
döðlur og ýmislegt smávegis úr
marsipani. Þá þurfti að „þekkja ein-
hvern” sem vann í súkkulaðiverk-
smiðju til þess að fá fyrir náð og
miskunn hjúpsúkkulaði, sem nú fæst
í öllum matvöruverzlunum. Hluta af
því sem við bjuggum til létum við í
hjúpsúkkulaðið og úr afganginum
bjuggum við til toppa, létum þá
kornfleks, blásið korn og/eða
rúsínur út í súkkulaðið og létum
stifna á vaxpappír.
Dönsku viku- og kvennablöðin
birta jafnan heilmikið af leiðbeining-
um og uppskriftum að jólasælgæti.
Myndirnar sem þar birtast af heima-
tilbúnu „nammi” eru alveg eins og
þar væri um að ræða fínasta konfekt
frá Nóa, Lindu, Ópal eða Freyju. Því
miður varð konfektið okkar í gamla
daga ekki svona fallegt að sjá, en það
bragðaðist alveg prýðilega fyrir því.
Kartöflur og
gulrætur
Við hnoðuðum flórsykri upp í
marsipanið til þess að drýgja það og
bjuggum til örlitlar gulrætur og kart-
öflur. Látinn var gulur matarlitur í
marsipanbita og myndaðar „gul-
Þessi mynd er úr Alt for damerne í október. Eins og sjá má er konfektið þeirra
eins fallegt og það væri búið til hjá viðurkenndri konfektverksmiðju. Konfektið
okkar I gamla daga varð aldrei svona fallegt, en það bragðaðist samt alveg jafnvel.
Takið eftir gafflinum sem sést á myndinni. Þetta er sérstakur „hjúpsúkkulaði”-
gaffall, sérlega breiður. Vel má notast við venjulegan gaffal.
_ ___íf ■ Wm
CB ÉB
rætur”. Grænn litur var látinn í smá-
vegis marsipan og búið til „blóm” á
gulræturnar. Einnig var hægt að búa
til „appelsínur”, gular kúlur sem velt
var upp úr grófum sykri. Þábjuggum
við til litlar „kartöflur” (þær voru
svo litlar að þær hefðu aldrei fundið
náð í Grænmetinu), stungum marsi-
pankúlur að utan með eldspýtumog
veltum þeim síðan upp úr kakói.
Fylltar döðlur voru alltaf vinsælar,
en í rauninni má alveg skera stórar
döðlur í tvennt. Það er ekki hægt að
nota pressaðar döðlur í slíkt sælgæti.
Þá var alltaf búið til hart núgga,
sem er í rauninni ekki annaðen sykur
bræddur á pönnu með söxuðum
möndlum eða hnetum. Gætið að hit-
anum þegar það er búið til, þvi mjög
lítið bil er frá því að sykurinn er
mátulega brúnn og þar til hann
byrjar að brenna. Gætið einnig að
því að börnin meiði sig ekki á sykur-
eldamennskunni, bræddur sykur
getur brennt inn að beini ef hann fer
á litinn handlegg eða fót.
Annars er sniðugt að eiga hart
núgga mulið í dós á búrhillunni. Það
er mjög gott t.d. í heimatilbúinn ís og
eins sem skraut á kökur (t.d. Frank-
f urtarköku) og tertur.
Hér á síðunni í dag getið þið lesið
ýmsar uppskriftir að jólasælgæti. Þvi
miður höfum við ekki haft tækifæri
Þarna eru alls konar litfagrar marsipanrúllur með kokkteilávöxtum og möndlum.
Hægt er að nota hugmyndaflugið við tilbúning jólasælgætisins.
til þess að prófa allar uppskriftirnar reynt að hafa allar leiðbeiningar sem
og lítum ekki á okkur sem neina sæl- einfaldastar og samkvæmt gamalli
gætissérfræðinga, en við höfum reynslu. -A.Bj.
Eggin kosta 1.620
kr. á Eskifirði
Kaupfélagsstjórinn á Eskifirði,
Þorsteinn Sveinsson, hringdi til
okkar og var sárreiður yfir því að
tekið var fram á Neytendasíðunni á
þriðjudaginn að eggjakílóið kostaði
1900 kr. þar. — Þetta er ekki rétt. Kg
af eggjum kostar núna 1.620 kr. og
hefur gert það allan desembermánuð,
sagði Þorsteinn.
Hann sagði að þegar eggin hefðu
verið dýrust á Eskiftrði í haust hefði
kg kostað 1.820 kr. í pöntunarfélag-
inu.
Benti Þorsteinn á að flutnings-
. I
kostnaður austur á Eskifjörð með bíl
væri gífurlega mikill eða 55 kr. á kg,
og er þá eftir að leggja á vöruna og
reikna af henni söluskatt. Sölu-
skattur er í rauninni reiknaður tvisvar
sinnum af vörum sem fluttar eru út á
land, því söluskattur er greiddur af
flutningsgjaldinul!
Hins vegar er ekki um að ræða
neinn aukakostnað þótt eggin séu
flutt austur úr Rangárvallasýslu, því
samkvæmt upplýsingum Þorsteins
ber framleiðandinn kostnaðinn af því
aðsendaegginaustur. -A.Bj.
Sennilega er þaó með eggjaframleiðslu eins og flest annað, með nútima tækni og
mannfjölda er allt orðið svo flókið. Nú verður allt að vera framkvæmt samkvæmt
vfsindalegum útreikningi og ekki hægt að hafa „hænur I hlaðvarpanum”. Egg eru
framleidd f þar til gerðum búum — annar aðili annast síðan kjúklingaframleiðsl-
una o.s.frv. — Á myndinni má sjá „fyrrverandi” eggog „tilvonandi” kjúklinga.
DB-mynd Hörður.