Dagblaðið - 24.11.1980, Blaðsíða 9

DAGBLAÐIÐ. MÁNUDAGUR 24. NÓVEMBER 1980.
f
Erlent
Erlent
Erlent
Erlent
I
Hávær mótmæli í Brettandi:
Krefjast sýkn-
unar fyrir morð
—Stúlkur er myrtu föður sinn hlutu þriggja ára fangelsi
Brezku kvenréltindasamtökin og
fjöldi annarra aðila hafa mótmælt því
kröftuglega að tvær systur, 18 og 21 árs
gamlar, hafa verið dæmdar í þriggja
ára fangelsi fyrir að drepa föður sinn.
Þykir dómurinn óréttlátur og fólk
krefst þess að stúlkurnar verði sýkn-
aðar. Nokkrir þingmenn hafa tekið
undir þessi sjónarmið og lofað að taka
málið upp í þinginu. Kvennasamtökin í
Bretlandi munu standa fyrir mótmæla-
göngum í dag vegna þessa máls.
Stúlkurnar tvær sem hér um ræðir
höfðu oftsinnis mátt þola alvarlegar
misþyrmingar, jafnvel beinbrot, af
hendi föður síns og sömu útreið fékk
móðir þeirra. Allt sitt líf hafa þær mátt
búa við hrottafengna framkomu föður
síns. Það kom fram við réttarhöldin að
faðirinn hafði barið þær þegar í
bernsku og ekki nóg með það heldur
hafði hann þvingað þær til að horfa á
þegar hann misþyrmdi gæludýrum
þeirra. Sömuleiðis hafði hann oft
þvingað þær til að horfa á er hann lú-
barði móður þeirra.
,,Hann eyðilagði bókstaflega allt
sem okkur hefur þótt vænt um í lífi
okkar, greinilega vegna þess að hann
Systurnar Charlene, 18 ára, og Anette Maw, 20 ára, voru dæmdar til þriggja ára
fangelsisvistar fyrir að myrða föður sinn.
naut þess aðsjá okkur þjást,” sagði hin
átján ára gamla Charlene við réttar-
höldin. Móðirin hefur vitnað um að
þann dag sem maður hennar var drep-
inn hafi hann verið að því kominn að
drepa hana, þegar dæturnar komu
henni til hjálpar. „Þetta var í eina
skiptið sem stúlkurnar hafa veitt hon-
um mótspyrnu,” sagði móðirin.
„Hann réðst þá á þær í staðinn fyrir
mig og hótaði að drepa þær, þegar
Anette stakk hann með búrhníf sem
Charlene rétti henni og hann dó af
stungusárinu.”
Vil svert-
ingjum vel
Ronald Reagan, nýkjörinn Banda-
ríkjaforsed, lofaði að sjá til þess að
bandarískir blökkumenn yrðu ekki af-
skiptir er hann tæki við völdum af
Carter forseta 20. janúar næstkom-
andi.
Reagan sagði þetta við fréttamenn
vegna ummæla leiðtoga blökkumanna
um að þeir óttuðust að sá niðurskurður
ríkisútgjalda sem Reagan hefur boðað
mundi koma niður á ýmsum velferðar-
málum. Sex blökkumenn á móu hverj-
um einum kusu Carter í forsetakosning-
unum. Reagan sagðist hafa gert vel við
svertingja meðan hann var ríkisstjóri í
Kaliforníu og hann hygðist gera enn
betur nú.
Kjarnorku-
vopn
tilAfríku?
Shehu Shagari forsed Nígeríu hefur
sakað vestrænar þjóðir um að aðstoða
Suður-Afríku við að verða sér út um
kjarnorkuvopn og varaði þær jafn-
framt við, að þetta mundi leiða til víg-
búnaðarkapphlaups í Afríku. f ræðu
sem hann hélt um utanríkismál um
helgina gaf hann í skyn að Nígeríu-
menn kynnu sjálfir að verða sér úd um
kjarnorkuvopn ef Suður-Afríka réði
yfir slikum vopnum.
Weizman
rekinn
Ezer Weizman, fyrrum varnarmála-
ráðherra ísraels, hefur verið rekinn úr
flokki Menachem Begins forsædsráð-
herra vegna þess að hann greiddi at-
kvæði með vantrauststíllögu gegn ríkis-
stjórn Begins í síðustu viku. Weizman
hefur þegar lýst því yfir, að hann hafi í
hyggju að stofna nýjan stjórnmála-
flokk. Hefur hann leitað eftír stuðningi
Moshe Dayans við hinn nýja flokk en
Dayan greiddi vantrauststíllögunni í
síðustu viku einnig atkvæði sitt. Ríkis-
stjórnin hélt þá velli með aðeins þriggja
atkvæða mun. Verðbólga í ísrael er nú
138 prósent.
Ronald Reagan átti fund með Helmut Schmidt, kanslara V-Þýzkalands, i síðustu
viku og fór vel á með þeim.
Með tilkomu Super Sun sólartækjana getið
þið nú átt þess kost að verða sólbrún hvenær
sem þið óskið og það meira að segja heirha
hjá ykkur.
Super Sun sólartækin eru til sýnis og sölu í
verslun okkar.
Einkaumboð á íslandi
fyrir Super Sun.
Reykjavíkurvegi 66 - Hafnarfirði - Sími 52979
Léttur veggur,
með stuðlum — hillum
skápum og heilum flötum
allt eftir þínum þörfum
SVERRIR HALLGRIMSSON
Smíðastofa, Trönuhrauni 5, Sími 51745