Dagblaðið - 24.11.1980, Blaðsíða 28

28
DAGBLAÐIÐ. MÁNUDAGUR 24. NÓVEMBER 1980.
Fólk í afmœlisfagnaði
Verzlunarskóla Islands
Óli Tynes nýráðinn framkvœmdaritstjóri:
Kratinn skemmti
sér vel á flokks-
þingi allaballa
Mörgum alþýðubandalags-
manninum þótti sem Jón Baldvin
Hannibalsson, stórkrati og
Alþýðublaðsritstjóri, hefði snúið frá
villu síns vegar og gengið til liðs við
Alþýðuandalagið. Jón Baldvin var
mættur á flokksþing Alþýðubanda-
lagsins 4 fimmtudagskvöld og urðu
margir til þess að vikja sér að honum.
Kratinn skýrði þó vist sína faglega,
en þangað var hann kominn sem
blaðamaður.
Ekki var annað að sjá en Jón
Baldvin skemmti sér hið bezta og
ekki hvað sízt þegar skólabróðir
hans, Ragnar Arnalds, sendi krötum
heldur ófagrar kveðjur úr ræðustóli.
Einar Karl Haraldsson ritstjóri
Þjóðviljans er þarna með stéttar-
bróður sínum af Alþýðublaðinu og er
ekki annað að sjá en vel fari á með
þeim.
„Sé til þess að út-
gáfúdagar standist
— á þeim 8 tímaritum sem Frjálst framtak gefur út
„Mitt nýja starfsheiti er fram-
kvæmdaritstjóri. Það er lausleg
þýðing á enska orðinu Managing
editor. Ein ástæðan fyrir því að tíma-
ritið Fólk var lagt niður er sú að
blaðið tafðist oft í prentun og efni frá
ritstjórnarmönnum var seinna í
vinnslu en ráðgert var. Þetta varð til
þess að blaðið kom ekki út á þeim
dögum, sem það átti að gera,” sagði
Óli Tynes, fyrrum ritstjóri
vikublaðsins Fólk, sem nú hefur
fengið splunkunýtt starfsheiti, sem
áður hefur ekki þekkzt í blaða-
mennsku hérlendis.
,,Þar sem ég er eldgamall
blaðahundur og þekki þetta allt
saman út og inn verð ég núna í því að
sjá til þess að útgáfudagar standist á
þessum 8 tímaritum sem Frjálst fram-
tak gefur út. Auk þess mun ég skrifa
greinar og viðtöl eftir því sem tími
vinnst til. Með öðrum orðum er ég að
hjálpa til við að allt stoppi ekki í
flöskuhálsinum, eins og sagt er,”
sagði Óli.
,,Ég hafði mjög gaman af að gefa
út Fólk. Ég var búinn að vera mjög
lengi i alvarlegum fréttum, bæði á
Mogganum og Vísi. Það var því
geysilega gaman að komast í svona
léttmeti og þurfa ekki lengur að
hugsa um vandamál umheimsins. En
það er erfitt að koma út svona litlu
blaði. Útgáfukostnaður hefur
hækkað mikið á árinu en það er lítið
hægt að hækka blaðeins og Fólk.
Ef slíkt væri mögulegt yrði að
stækka blaðið verulega og fá inn
fleiri auglýsingar. Þá hefði þurft að
hækka útgáfukostnaðinn um heil-
margar milljónir,” sagði hinn nýi
framkvæmdaritstjóri Frjáls
framtaks.
-ELA.
Óli Tynes: Ég hafOi mjög gaman af
að gefa út Fóik. Ég var búinn að
vera lengi í alvarlegum fréttum,
bmOiá Mogganum og Visi."
DB-mynd: Ragnar Th. SigurOsson.
Fjöldi gamalla nemenda
Verzlunarskóla íslands notaði
tækifærið og heimsótti gamla
skólann sinn á fimmtudaginn í
síðustu viku. Þann dag var haldið
upp á að i haust voru liðin 75 ár frá
því að skólinn var stofnaður.
1 tilefni afmælisins buðu for-
ráðamenn skólans gömlu nemendum
í heimsókn. Þeim gafst kostur á að
ganga um húsin þrjú við Grundarstíg
og Hellusund þar sem kennslan fer
fram og skoða kennslubúnaðinn.
Kennarar, skólastjórn og annað
starfsfólk var til viðtals og svöiuðu
forvitni gömlu verzlinganna.
í tilefni þessara tímamóta bárust
skólanum gjafir víða að, peningar,
blóm og blómavasi. Stærstu gjöfina,
fimm milljónir króna, færði Þorkell
Valdimarsson skólanum í minningu
Sigurliða Kristjánssonar og Helgu
Nokkrir af kennurum Verzlunarskólans. Á miðri myndinni er Valdimar
Hergeirsson yfirkennari.
Tveir gamiir verzlunarskólanemendur, Erla Hannesdóttir, útskrifuð 1951,
og Pótur GuOjónsson stórkaupmaóur, utskrrfaður 1948. Þess má geta að
það ár vann Pótur véiritunarbikar skólans. DB-myndir: Einar Ólason.
Baldur Pálmason fráfarandi að-
stoóardagskrárstjóri útvarpsins,
brautskráður 1938, bragðar á nýja
Sanhaspiisnernum.
Jónsdóttur konu hans. Sjö fyrirtæki
og stofnanir gáfu skólanum eina
milljón hvert, Félag íslenzkra stór-
kaupmanna gaf hálfa milljón og
gamall nemandi færði skólanum 250
þúsund krónur.
Meðfylgjandi myndir tók ljós-
myndari Dagblaðsins í hátíðasal
skólans. Þar voru fluttar ræður, kór
Verzlunarskólans söng og bornar
voru fram veitingar.
-ÁT-
son bekkjarbróður Kristins.
Hjónin Hjördís Sigurðardóttir og Kristinn Hallsson formaOur Nemenda-
sambands Verzlunarskólans Ibrautskráður 19451 rabba viO Þórhall Ara-