Dagblaðið - 02.01.1981, Blaðsíða 7
DAGBLAÐIÐ. FÖSTUDAGUR 2. JANÚAR 1981.
7
Vestmannaeyjar:
Misheppnað
bankarán
á nýársnótt
Tilraun til bankaráns var gerð í
Vestmannaeyjum á nýársnótt.
Þjófurinn varð frá að snúa tóm-
hentur.
Það var laust eftir hádegi í gær að
menn tóku eftir að gluggi hafði verið
tekinn úr austan megin á húsi Spari-
sjóðs Vestmannaeyja við Bárugötu.
Við rannsókn lögreglunnar kom í ljós
að farið hafði verið inn í fyrrinótt eða
gærmorgun og gerð tilraun til að
opna tvo rammgerða peningaskápa,
sem eru í húsakynnum sparisjóðsins.
Merki eru um að þjófurinn, sem
talið er að hafi verið einn, hafi ráðizt
að skápunum með verkfærum en
ekki tókst honum að opna. Varð
hann því frá að hverfa eftir að hafa
skemmt læsinguna á öðrum skápnum
— sem reyndar geymdi enga peninga,
heldur aðeins skjöl. Rannsókn
málsins er haldið áfram hjá lögregl-
unni í Vestmannaeyjum.
-ÓV.
Gamla árið varkvatt með brennum ogfluReldum að vanda. Brennur hafa oftast verið Jleiri i Reykjavlk en á yamlárskvöld nú
en Jlugeldaskothríðin á miðnœtti var sizt minni en undanfarin ár og var sannarlega falleg sjón af efstu hœðum Reykjavíkur.
Ein afstœrstu brennum Reykjavíkur var við Ægissiðuna, þarsem þessi mynd vartekin. DB-mynd: Gunnar Örn.
Tíu manna aukalið
lögregluþjóna á Sauð
árkróki um áramót
allt var tíðindalaust þar
Fimm lögreglumenn úr Reykjavík og
fimm frá Akureyri voru sendir til
Sauðárkróks um áramótin. Áttu þeir
að vera starfsbræðrum sínum þar til
halds og trausts ef unglingar á staðnum
gerðu alvöru úr þeirri hótun sinni að
leggja lögreglustöðina í rúst. — En
ekkert bar til tiðinda. Áramótin á
Sauðárkróki voru jafnfriðsöm og róleg
og annars staðar á landinu.
Að vísu slapp lögreglustöðin ekki
alveg. Einhvern tíma milli klukkan sjö
og níu á nýársdagsmorgun var ein rúða
í húsinu brotin. Rúðubrjóturinn var
ekki fundinn í gærdag.
Ungmenni á Sauðárkróki voru ákaf-
lega óánægð með að ekki fékkst leyfi
til að hafa áramótabrennu á sínum
gamla stað. Höfðu þau hótað að
brenna lögreglustöðina í staðinn.
Það var Magnús Einarsson aðstoðar-
yfirlögregluþjónn i Reykjavík sem
hafði stjórn aukaliösins með höndum.
-ÁT-
Krónan fær að rýrna í sparibaukum eitt ár í viðbót:
Hækkun vaxta
slegið á f rest
— vextir á afurðaiánum lækkaðir um 4,5%
Vestir hækkuöu ekki um áramótin
eins og lög gerðu ráð fyrir. Ríkis-
stjórnin tilkynnti Seðlabankanum að
aðlögunartimi verðtryggingar spari-
fjár og lánsfjár yrði framlengdur til
næstu áramóta. Aðlögunartiminn
átti að renna út nú um áramótin en
ríkisstjórnin ákvað að láta ekki koma
til vaxtahækkunar sem er liður i efna-
hagsráðstöfunum hennar. Hins vegar
munu lánskjaramálin verða „tekin til
frekari umfjöllunar eftir áramótin,
þar á meðal rýmkun reglna um verð-
tryggða sparisjóðsreikninga,” eins og
segir i frétt frá Seðlabankanum um
málið.
Ennfremur hefur bankaráð Seðla-
bankans ákveðið í samráði við rikis-
stjórnina að lækka vexti af gengis-
bundnum afurðalánum úr 8.5% i
4%. Samsvarandi vextir af endur-
lánum Seölabankans lækka úr-7.5% i
3.0%. Vaxtalækkunin gildir frá og
með 21. september 1981. -ARH.
Gjaldmióilsskipti
2. janúar
Bankamir og útibú þeirra verða opnir
eingöngu vegna gjaldmiðilsskipta föstu-
daginn 2. janúar 1981 kl. 10-18.
Komið og kynnist nýja gjaldmiðlinum með
því að skipta handbærum seðlum og mynt
í Nýkrónur.
Viðskiptabankarnir
a.
<3