Dagblaðið - 09.04.1981, Blaðsíða 5

DAGBLAÐIÐ. FIMMTUDAGUR 9. APRÍL 1981
5
Tregir til að dreifa
Frímúrarabók Úlfars
sem fjallar um stöðu Frímúrara í stjórnmálum, stjórnsýslu, embættum og
tengslum íviðskiptalífi þjóðarinnar
„Það er eins og menn haldi að bók
mín um Frímúrararegluna sé svo
samfelldur meiðyrðalestur að ekki sé
þorandi að taka hana til dreifingar,”
sagði Úlfar Þormóðsson blaðamaður
þegar fréttamaður DB innti hann
eftir útgáfu bókarinnar Bræðra-
banda.
Henni verður .dreift í allar bóka-
verzlanir í lok vikunnar. Er þetta
fyrra bindið af tveim, sem spannar
frásögn um tilurð frímúrara frá upp-
hafi og allt til félagatals og æviatriða
hinnar íslenzku deildar þess félags.
Seinna bindið kemur út eftir fáar
vikur.
„Framkvæmdastjóri Innkaupa-
sambands bóksala og dreifingarstjóri
tóku strax vel í boð mitt um að það
fyrirtæki annaðist dreifingu bókar-
innar,” sagði Úlfar, „en vegna
„eðlis” bókarinnar töldu þeir rétt að
bera málið undir stjórnina.”
Hann kvað tvo af 5 stjórnarmönn-
um hafa talið þau viðskipti sjálfsögð
og eðlileg. „Formaðurinn Arnar Ing-
ólfsson, forstjóri Bananasölunnar,
taldi rétt að fjalta um málið á
stjórnarfundi. Var hann timasettur
þannig, að óhjákvæmilegt var að
leita hófanna annars staðar,” sagði
Úlfar. Hann er á förum til írlands
þar sem hann hefur dvalizt undan-
farna mánuði og unnið að frágangi
bókarinnar Bræðrabanda.
Vil engan særa...
„Ég leyni því ekki, að ég vil ekki
eiga þátt í að dreifa einhverju, sem
gæti sært einhvern,” sagði Arnar
Ingólfsson í viðtali við DB. „Við
viljum sjá bókina áður en við tökum
ákvörðun um dreifingu hennar. Ég
reikna með því að þetta sé viðskipta-
lega hagkvæmt fyrir Innkaupasam-
bandið og á fastlega von á því að við
tökum þetta að okkur.
DB telur sig hafa áreiðanlegar
heimildir fyrir því, að dreifingin hafi
verið borin undir a.m.k. einn af for-
vígismönnum frimúrara. „Þetta
sýnir vel þá tillitssemi sem jafnvel
harðsnúnir bananasalar telja sig
þurfa að sýna, þegar frímúrarar eru
annars vegar,” sagði Úlfar Þormóðs-
son. „Gagnvart efni bókarinnar er
Innkaupasambandið eins og blað-
burðarbarn gagnvart til dæmis efni
Dagblaðsins.”
„Ég hefi leitazt við að afla sannra,
eðlilegra og sanngjarnra heimilda, og
er ég því fremur skrásetjari en
höfundur í venjulegum skilningi,”
sagði Úlfar. Hann kvað Bræðrabönd
vera heimssögulegt yflrlit yfir regluna
frá upphafi með kafla um heimspeki
og helgisiði, sem félagar nefna svo,
auk starfs og reglna í stúkunum.
Langur kafli er um sögu íslenzku
Frímúrarahreyfingarinnar og nafna-
skrá um félaga. Fyrra bindið er tals-
vert á þriðja hundrað blaðsíður með
fjölda mynda. Raktir eru helztu
þættir ævi- og starfsferils.
Þjóðfélagsleg
staða félaganna
„f seinni bókinni verður svo fjall-
að um stöðu þeirra í þjóðlífinu, þátt-
töku í stjórnmálum, stjórnsýslu,
embætti og fyrirtæki, sem félagarnir
hafa tengzt, átt eða rekið,” sagð
Úlfar.
„Ekki verðu alveg fyrir það synj-
að, að örlitlu efni er vikið að mann-
legri hrösun félaganna og afleiðing-
um eða engum afleiðingum hennar.”
„f síðara bindinu er velt upp þeirri
spurningu, hvort allur þorri félags-
manna sé ekki nytsamir sakleysingjar
í störfum fyrir annað og aðra, sem
þeir þekkja hvorki haus né sporð á,”
sagði Úlfar Þormóðsson.
Þá er þar og fjallað um aðra karla-
klúbba, allt frá Bilderberg til Kiwanis
og Lions, uppruna þeirra og tilgang.
Ekkert forlag sýndi útgáfu bókar-
innar mikinn áhuga, og nú hefur
komið í ljós tregða við dreifingu
hennar. Eigi að síður verður henni
dreift í bókaverzlanir í vikulokin.- BS
ganga á skíð-
um f rá Blá-
fjöllum
til Hveradala
Skiðaganga á auknum vinsældum
að fagna eins og kom í ljós á Skíða-
degi fjölskyldunnar sem DB gekkst
fyrir á Miklatúni fyrir nokkru. Um
næstu helgi gefst almenningi tæki-
færi á að spreyta sig enn frekar í
göngulistinni, þvi á laugardaginn
kemur, 11. april, mun Skiðafélag
Reykjavikur gangast fyrir almenn-
ingsgöngu á skíðum, ef veður leyfir.
Gengið verður frá Bláfjöllum til
Hveradala um Þrengsli 16 kílómetra
leið. Þetta er létt ganga, því mikill
hluti leiðarinnar er undanhald.
öllum er heimil þátttaka og
tilkynnist á skrifstofu Skíðafélags
Reykjavikur að Amtmannsstíg 2,
föstudaginn 10. apríl kl. 18 til 21, eða
i allra síðasta lagi við Bláfjallaskála
klukkan tólf á hádegi á laugardag.
Þátttökugjald er kr. 70 og greiðist á
innritunarstað. Innifalið i þátttöku-
gjaldinu er hressing fyrir þá sem vilja
á leiðinni og eins verður frameidd
súpa og drykkir á áfangastað.
Mótstjórar eru þeir Erlendur
Björnsson og Ágúst Bjðrnsson og
verða þeir við rás- og endamark.
Einar Ólafsson og Haraldur Pálsson
fylgja göngunni á skiðum og aðstoða
ef þarf, en auk þeirra verða þeir Þor-
steinn Hjaltason fólkvangsvörður i
Bláfjöllum og Magnús Jónasson um-
sjónarmaður I Hveradölum á snjó-
steöum og munu þeir troða göngu-
brautina og aðstoða ef þörf krefur.
-JR
i góðu veðrí er gaman að ganga á
skiðum.
Úlfar Þormóðsson — Frímúrarahöllin við Skúlagötu: „Sýnir þá tillitssemi, sem jafnvel harðsnúnir bananasalar telja sig þurfa að sýna, þegar frímúrarar
eru annars vegar.” DB-myndir Bj. Bj./HV.
Ekkert forlag hafði áhuga á útgáfu „Bræðrabanda”:
Nokkrir nemenda Réttarholtsskóla, sem tóku þátt í sýningunni um síðustu helgi.
DB-mynd Sig. Þorri.
Réttarholtsskóli 25 ára
í vor eru liðin tuttugu og fimm ár
síðan Réttarholtsskóli hóf starfsemi
sína. Nemendur og kennarar hafa af
því tilefni gengizt fyrir ýmsum uppá-
komum í skólanum — t.a.m. var um
síðustu helgi haldin þar sýning á handa-
vinnu og sitt hverju fleira úr starFi og
sögu skólans.
Nemendur Réttarholtsskólans hafa
einnig undir handltiðslu Jcennara
komið upp nýstárlegri sýningu, sem bar
yfirskriftina „Hverfið okkar”. Þar
komu fram fróðlegar upplýsingar um
þróun skólahverfisins og viðtöl við
nokkra íbúa.
í tengslum við 25 ára afmæli skólans
kemur næstu daga út vandað afmælis-
rit, sem selt verður í skólanum. Skóla-
stjóri Réttarholtsskóla er Ástráður
Sigursteindórsson.
-ÓV

FYRIR DÖMUR
OGHERRA
Sýnir að hollir skór eru iíka „smart
Kvenskór:
Litur: Brúnt ieður
Stærðir: 36—40
Verð kr. 266,60
Herraskór:
Litur: Brúnt leður
Stærðir: 36—46
Verðkr. 285,40
Skóverzlun pós,sendum
Þórðar Péturssonar
KIRKJUSTRÆTI 8 - SÍMI 14181 LAUGAVEGI 95. - SÍMI 13570