Dagblaðið - 25.06.1981, Page 9

DAGBLAÐIÐ. FIMMTUDAGUR 25. JÚNÍ1981.
i
Erlent
Erlent
Erlent
Erlent
I
Skiptar skoðanir á skipan kommúnista í stjóm Frakklands:
Ráðamenn Moskvu
ánægðir en Banda-
ríkjamenn óhressir
Bandaríkjamenn sögðu í gær að
aðild kommúnista að rikisstjóm
Frakklands muni hafa áhrif á , ,tón
og innihald samskipta okkar sem
bandamanna.”
Stjórn Ronalds Reagan gaf út var-
fæmislega orðaða yfirlýsingu eftir
heimsókn Georges Bush, varaforseta
Bandaríkjanna, til Frakklands. Þar
lét Bush hafa það eftir sér að aðild
kommúnista að hinni nýju rikisstjórn
Frakklands hlyti að valda banda-
mönnum Frakka áhyggjum.
f yfirlýsingu bandariska utanrikis-
ráðuneytisins sagði: „Jafnframt því
sem við viðurkennum fyliilega og
virðum rétt ríkisstjómar Frakklands
til að ráða eigin samsetningu þá er
það staðreynd að aðiid kommúnista
að þessari rikisstjóm, eða sérhverri
annarri rikisstjóm bandamanna
okkar í Vestur-Evrópu, mun hafa
áhrif á tón og innihald samskipta
okkar sem bandamanna.”
Síðar í yfirlýsingunni sagði:
„Frakkland er þýðingarmikili banda-
maður og vinur Bandarikjanna . . .
Við fögnum tækifærinu tU að halda
áfram ágætu sambandi þjóðanna.”
í fyrstu var skipan kommúnista í
frönsku ríkisstjórnina getið án
athugasemda af Kremlverjum. En i
gærkvöldi var skipaninni fagnað í
Moskvu-útvarpinu og sagt að hún
sýndi að hin andkommúniska stefna
sem boðuð hefði verið af hægri
öflum í Frakklandi og annars staðar
hefði beðið algert skipbrot.
„Ef þjóðin
villerég
reiðubúinn”
— segir Rajai, sem
þykirlíklegastur
tilaðverðanæsti
forseti írans
Mohammed Ali Rajai forsætis-
ráðherra írans þykir líklegastur
til að taka við forsetaembættinu
af Bani-Sadr sem síðastliðinn
mánudag var vikið úr embætti af
Khomeini trúarleiðtoga írans og
'æðsta ráðamanni þar í landi.
Forsetakosningar veröa
haldnar 24. júlí næstkomandi og
þá sagði Rajai í blaðaviðtali: „Ef
þjóðin óskar þess þá er ég reiðu-
búinn að verða forseti.”
Rajai er 48 ára gamali fyrrum
stærðfræðikennari í mennta-
skóla, og sætti pyntingum á
valdatíma Reza Pahlavi keisara.
Hann varð forsætisráðherra á
síðastliðnu ári, skömmu eftir
upphaf stríðs írans og íraks, og
hefur síðan átt í nær stöðugum
útistöðum við Bani- Sadr forseta.
REUTER
Aðild kommúnista að frönsku ríkisstjórninni hefur vakið mikla athygli og eru ekki allir jafnhrifnir af þeirri ákvöröun
franskra sósiaiista að bjóða kommúnistum fjögur sæti í ríkisstjórninni. Á myndinni heilsast þeir Georges Marcháis, leiðtogi
Kommúnistaflokksins (til hægri) og Lionel Jospin, framkvæmdastjóri Sósíalistaflokksins.
Ógnaröldinni í Uganda er ekki lokið:
HERMENN MYRTV 55 MANNS
Á TRÚBODSSTÖD íUGANDA
Hermenn Uganda myrtu 55 manns
og særðu hundrað til viðbótar i gær
er þeir réðust á trúboðsstöð i Vestur-
Nílarhéraði að því er starfsmaður
Rauða krossins á stöðinni sagði.
Starfsmaður alþjóðlega Rauða
krossins (ICRC) sagði fréttamönrtum
i Kampala að 25 starfsmenn
Ombachi-trúboðsstöðvarinnar, flest-
ir þeirra Frakkar, legðu upp með
hina særðu frá trúboðsstöðinni í dag.
Hann sagði að skotbardagar hefðu
staðið á milli stjórnarhermanna og
skæruliða áður en árásin var gerð.
Stjórnarerindrekar i Kampala sögðu
að árásin hefði verið gerð I þeirri trú
að særðir skæruliðar hefðu fengið
umönnun á stöðinni.
Starfsmaðurinn sagði að vegna
nýlegra bardaga i Vestur-Nilarhéraði,
heimahéraði Idi Amins, fyrrum
einræðisherra í Uganda, hefðu um 10
þúsund manns leitað hælis hjá trú-
boðsstöðinni.
Stjórnarerindrekar í Uganda segja
að stjórnarhermennirnir, sem séu illa
agaðir, án matar, peninga og liðsfor-
ingja, hafi yfirgefið stærsta hluta
héraðsins og látið hann eftir skæru-
liðum, sem flestir eru fyrrverandi
liðsmenn í her Idi Amins.
Menn höfðu gert sér miklar vonir
um að endi yrði bundinn á ofbeldið í
Uganda þegar Milton Obote var kjör-
inn forseti landsins í vetur og lýsti þvi
þá yfir að hann mundi vinna að
þjóðarsátt í landinu. Forsetanum
virðist hins vegar algjörlega hafa mis-
tekizt þetta ætlunarverk sitt. Strax að
loknum kosningunum báru andstæð-
ingar hans fram þær ásakanir að þær
hefðu ekki farið heiðarlega fram og
kom til mikilla óeirða i landinu af
þeim sökum.
Ofbeldi hefur síðan verið daglegt
brauð i landinu og stjóm Obote hefur
mætt mjög harðri andstöðu.
Brúökauj
ferð
og
Júgóslavíu?
Karl Bretaprins og lafði Diana
Spencer munu eyða hveitibrauðsdög-
unum á eyju fyrir utan Júgóslaviu eftir
brúðkaupið 29. júlí næstkomandi.
Það er enska dagbiaðið News of the
World sem fullyrðir þetta. Bucking-
ham-höll hefur hins vegar ekkert viljað
láta hafa eftir sér um þetta efni og þar
fást þau svör ein að „við höfum ekki
fengið neinar upplýsingar um brúð-
kaupsferðina.”
Bush er
úhyggju-
fullur
George Bush varaforseti Bandarikj-
anna sagði eftir viðræður við Mitter-
rand Frakklandsforseta í gær að aðild
kommúnista að ríkisstjórn Frakklands
ylli bandamönnum Frakka áhyggjum
þó skipan ríkisstjórnarinnar væri
innanríkismál Frakka.
Helmut Schmidt, kanslari V-Þýzka-
lands, sagðist hins vegar þeirrar
skoðunar, að skipan kommúnista i
fjögur ráðherraembætti í ríkisstjóm
Frakklands ætti ekki aö valda erfiðleik-
um varðandi samskipti austurs og
vesturs í Evrópu.
Dayan:
Viö getum
smíðaö
kjarnorku-
vopn
Moshe Dayan, fyrrum utanríkisráð-
herra ísraels, sagði í gær að ísraels-
menn væru færir um að smíða kjam-
orkuvopn og myndu láta verða af því
ef arabar kæmu sér upp slíkum vopn-
um. Þetta kom fram í viðtali er italska
sjónvarpið átti við Dayan.
Dayan, sem býður fram sjálfstætt
framboð við þingkosningarnar í ísrael
30. júní næstkomandi, sagði að ísraels-
menn hefðu háð sjö stríð án þess að
nota kjarnorkuvopn. Aðstaðan hefði
hins vegar gjörbreytzt nú þegar sá
möguleiki væri fyrir hendi að leiðtogar
eins og Muammar Gaddafi í Líbýu og
Saddam Hussein í írak kæmu sér upp
kj arnorkuvopnum.
Dayan sagði hins vegar að Israels-
menn yrðu ekki fyrri til að hefja smíði
kjarnorkuvopna en þeir væru færir um
að gera það á mjög skömmum tíma.
Brésnef
boðinn
til Vestur-
Þýzkalands
Sovézki flokksleiðtoginn Leonid
Brésnef mun heimsækja Vestur-
Þýzkaland einhvern tima á fjórum síð-
ustu mánuðum þessa árs i boði
Helmuts Schmidt, kanslara, að þvi er
greint var frá í Vestur-Þýzkalandi í
gær. Nákvæm tímasetning heim-
sóknarinnar verður ákveðin eftir aö
vestur-þýzka þingið kemur saman eftir
sumarhlé.