Ársrit Ræktunarfélags Norðurlands - 01.01.1926, Qupperneq 68

70
því hagfræðislega og heilbrigðislega þýðingu fyrir oss.
Garðyrkjan er þroskandi starfi, sem eykur skilningin á
þroska jurtanna og störfum náttúrunnar betur heldur en
önnur jarðyrkja, auk þessa henta garðyrkjustörfin sjer-
staklega unglingum og eru mjög vel fallin til þess að
auka skilning þeirra á jurtaræktinni og áhuga fyrir land-
búnaðinum. Garðyrkjan hefir því bæði mentandi og upp-
eldislega þýðingu.
Jeg hefi hjer aðallega talað um garðyrkju sem mat-
jurtarækt, en önnur hlið garðyrkjunnar snýr að því, að
fegra og prýða umhverfis heimilin með blóma og trjá-
gróðri. Þessháttar garðyrkja er líka mikils virði, þó áhrif
hennar sjeu aðallega sálfræðisleg, en alstaðar þykir slík
heimilisprýði augljós menningarvottur.
í nánd við hinn stærri kauptún og umhverfis heitar
uppsprettur, getur garðyrkjan ennfremur átt framtið sem
algerlega sjálfstæður atvinnuvegur.
Vafalaust mætti fleira telja garðyrkjunni til gildis heldur
en hjer hefir verið gert, en þetta ætti að nægja til þess
að sýna fram á, að garðyrkjan er svo þýðingarmikill liður
í búskap vorum og framförum, eða ætti að vera það,
að þeim tíma og þvi fje, sem varið er til að afla reynslu
og auka þekkingu á henni, er vel varið, og mjer virðist
það fyllilega tímabært mál að taka garðyrkjufræðsluna til
gagngerðrar íhugunar og gera ráðstafanir til þess að
auka hana að miklum mun.
Mín skoðun er sú, að oss vanti garðyrkjuskóla. Skóla,
sem starfar alt árið og getur veitt jöfnum höndum fræðslu
í bóklegri og verklegri þekkingu. Námstími hvers nem-
anda verður þá heilt ár. Að vetrinum fer fram bókleg
kensla í helstu undirstöðuatriðum náttúruvísindanna,
grasafræði,* lífeðlisfræði, efnafræði, eðlisiræði o. s. frv.,
en auk þess verður þá kend almenn garðyrkjufræði