Ársrit Ræktunarfélags Norðurlands - 01.01.1960, Blaðsíða 34
34
en hinn, sem hefur bæði kýr og sauðfé og gildir það bæði um
stofnkostnað og rekstur. Ætli það svaraði ekki kostnaði fyrir
bóndann með lélega kúabúið að fara í skóla til nágrannans
og reyna að komast eftir því, hvað veldur þeim góða arði, er
hann hefur af sínu kúabúi?
Þá má nefna tvö stór kúabú og eru á hvoru um 31 árskýr.
Bæði eru tiltölulega vel rekin og hafa notið mjög áþekkrar
aðstöðu til umbóta og kynbóta. Fóðurbætisgjöf mun áþekk.
Þó er afrakstur annars um 66000 fe meiri en afrakstur hins
og má vissulega finna minna grand í mat sínum.
Þetta eru aðeis þrjú dæmi af mýmörgum hliðstæðum, sem
hægt væri að nefna, og öll eru þessi dæmi byggð á öruggum
staðreyndum, svo mismunurinn verður ekki útskýrður með
ónákvæmu skýrsluhaldi eða því um líku. Þarna er virkilega
um „fundið fé“ að ræða hjá þeim, er betur tekst búrekstur-
inn. Hvað það svo er, er þessum mun veldur, er ég ekki fær
um að segja, en veit þó, að það er fyrst og fremst nákvæmni
og natni, og vil ég eindregið ráða þeim, er ekki eru ánægðir
með afrakstur sinna kúabúa, að líta í kringum sig og munu
þeir þá fljótlega koma auga á einhvem nágranna eða sveit-
unga, er tekst miklu betur, og til hans eiga þeir að leita
fræðslu og ráða. Þó má vera, að stundum þurfi að leita fyrir-
myndanna langt, bæði vegna þess, að þær eru fáar og eins
vegna þess, að vér erum ófúsir að viðurkenna yfirburði ná-
grannanna. Ef til vill þurfum vér heldur ekki að leita neinna
fyrirmynda, heldur einungis að taka oss sjálfa í stranga rann-
sókn og yfirheyrslu. Eftirfarandi spurningar má nefna:
Eru kýrnar vel ættaðar, vel upp aldar og skýrslur um þær
nákvæmar?
Er fjósið bjart, loftgott, rakalaust, jafnhlýtt og vel þrifið?
Eru kýrnar vel hirtar, klipptar, er þær koma inn, og burst-
aðar daglega?
Eru mjaltir í góðu lagi, hreitt og júgrin þukluð og strok-
in? Mjaltavélarnar rétt stilltar og notaðar?