Ársrit Ræktunarfélags Norðurlands - 01.01.1960, Blaðsíða 80
so
samvinna um notkun véla, svo sem við votheysgerð og jarð-
vinnslu.
Hvað bilanir áhrærir, þá held ég, að tjón af þeirra völd-
um verði helzt fyrirbyggt með því, að búnaðarfélög sveit-
anna komi sér upp samstæðum af þeim vélum og verkfær-
um, sem mest veltur á og helzt valda tjóni ef falla úr notkun,
og láni þeim bændum, er fyrir slíku verða, meðan þeir fá
bót ráðna á biluninni, en það getur oft tekið nokkurn tíma
ef varastykki þarf að útvega, oft og tíðum erlendis frá.
III. HEIMSVALDASINNAR.
í áróðursmoldviðri nútímans tíðkast mjög að finna upp
óvinsæl nöfn og bamra á þeim í tíma og ótíma. Eitt þvílíkra
nafna, er nú klingja oftast við, er „Heimsvaldasinni". I hvert
sinn, sem áróðursmenn austrænu blokkarinnar þurfa að ná
sér niðri á einhverjum eða fellur ekki í geð gangur heims-
málanna, er áróðursvélin látin öskra þetta orð, og fer það
nú að verða nokkuð útjaskað, eins og mörg önnur orð af
líka tagi, sem notuð hafa verið í áþekkum tilgangi. Hverjir
eru þessir heimsvaldasinnar, er kommúnistunum virðist
standa svo mikill stuggur af? Heimsvaldasinnar hljóta að
hafa það markmið að vinna heiminn undir vald sitt eða
kreddu, en sem stendur er ekki kunnugt nema um eina teg-
und manna eða eina samsteypu, er hefur slikt á stefnuskrá
sinni, en það eru einmitt Kommúnistarnir. Þá greinir að-
eins lítið eitt á um hvernig slíkt megi bezt takast. Maosinn-
ar telja að það verði aðeins gert með stríði, en fylgjendur
Krúsjeffs halda, að þetta megi takast á friðsamlegan hátt,
sem samkvæmt þeirra hugtakafræði þýðir með áróðri, undir-
róðri og ágengni. Þeir slá þó varnagla þann, að ef sú aðferð
dugi ekki, sé alltaf hægt að söðla um og láta vopnin skera úr.
Aðalatriðið er, að samkvæmt yfirlýstri stefnu kommúnista,
skal stefna þeirra fyrr eða síðar ráða ríkjum í veröldinni með
illu eða góðu. Hverjir eru svo heimsvaldasinnar?