Ársrit Ræktunarfélags Norðurlands - 01.01.1960, Qupperneq 69

69
ar jurtir. Merkastar þeirra rannsókna eru gerðar af Banda-
ríkjamanninum Nason, sem fyrstur einangraði enzym, sem
inniheldur þetta efni í allríkum mæli. Þetta enzym eða vaki
hefur áhrif gagnvart upptöku nitratsambandanna. Áður var
það þekkt, að molybden hefur virk áhrif í sambandi við það,
er bakteríur binda hið frjálsa köfnunarefni loftsins. Rann-
sóknir á Rothamsted hafa sýnt, að efnið Vanadium getur ekki
komið í stað molybden að þessu leyti, en það hefur af ýms-
um verið álitið, að svo væri. Þó ekk sé sannað, hverja þýð-
ingu Vanadium hefur fyrir j urtir hafa þó rannsóknir á
Rothamsted sýnt, að það hefur líffræðilegar verkanir til
gagns fyrir jurtagróðurinn.
TILKYNNING
Síðastliðið sumar bauð Ræktunarfélag Norðurlands H.
Land Jensen, tilraunastjóra í Ödum á Jótlandi, hingað til
Vz mánaðar dvalar, en Land Jensen er kunnur búvísinda-
maður og þó einkum sem sérfræðingur í votheysgerð.
Þáði hann boðið og ferðaðist hér um ásamt konu sinni,
Elsu, fyrri hluta ágústmánaðar, kynnti sér íslenzkan land-
búnað og þó einkum heyverkun. Hefur hann lofað að skrifa
um ferð sína og þó einkum, hvernig ísl. landbúnaður og
skilyrði til búreksturs hér á landi komu honum fyrir sjónir,
og vænti ég þess, að sú frásaga geti birzt í næsta Ársriti.
Við vonum fastlega að Land Jensen og frú hafi haft ánægju
af ferðinni og við vitum með vissu að Island á ágæta tals-
menn og vini þar sem þau hjón eru, en það er ef til vill
mest um vert.
Ólafur Jónsson.