Ársrit Ræktunarfélags Norðurlands - 01.01.1960, Page 94

96
lélegt í fyrra, eða verður það ef til vill að ári. Þetta má þó
fremur telja til undantekninga. í meginatriðum eru það
sömu búin, sem stöðugt ná bezta árangrinum.
Enn er ótalinn einhver mesti og athyglisverðasti mismun-
urinn er mjólkurskýrslumar sýna, en það er munurinn á
einstaklingunum, þ. e. kúnum. Þessi munur segir til sín á
svo að segja hverju einasta býli, hvort sem heildarafkoma
þeirra er góð eða léleg. Margt veldur þessum mun, oft utan-
aðkomandi orsakir, svo sem vanfóðrun af ýmsu tagi, meiðsli
eða sjúkdómar, en meginorsök hans mun þó vera erfðaeðli
kúnna. Mismunandi meðfætt eðli þeirra til að gefa mjólk.
Ekki hef ég séð mér fært að flokka kýrnar að þessu sinni
eftir afurðum, enda segir eitt ár lítið um raunhæf eðlisgæði
einstakra kúa.
Sú venja hefur verið á höfð að telja í sérflokki árlega þær
kýr, er skilað hafa á árinu 20000 fe eða meira. Af slíkum
kúm hafa síðastliðin fjögur ár, sem skýrslur ná yfir. verið
hjá S. N. E. sem hér segir:
1956 1957 1958 1959
Kýr............... 40 63 52 62
Það er í sjálfu sér ekki mikið veður gerandi út af því, þó
að kýr fari eitt og eitt ár í yfir 20 þús. fe., því til eru fjöl
margar kýr betri og farsælli, er aldrei ná því marki. Ég hirði
því ekki um að tíunda allar þessar hámarkskýr, enda er það
gert í Búnaðarritinu. Hitt skiptir meira máli, þegar þær
gefa yfir 20 þús. fe. mörg ár í röð eða skila mjög miklu
mjólkurmagni samlagt um nokkurt árabil. Slíkar kýr munu
nú venjulega taldrar í yfirlitsskýrslum nautgriparæktarinn-
ar í Búnaðarritinu, en til þess að ganga ekki alveg fram hjá
afburðakúnum, eru á töflu VI taldar nokkrar slíkar kýr á
félagssvæði S. N. E. og afrek þeirra. Nokkrar þessar kýr eru
tvímælalaust afburðagóðar, aðrar að vísu ágætar en þó ekki
betri en svo, að á félagssvæði S. N. E. eru vafalaust margar