Ársrit Ræktunarfélags Norðurlands - 01.01.1960, Page 147

mun þann á nautunum, sem tafla XII sýnir. Við samanburð
á dætrum nautanna utan afkvæmarannsóknarinnar, kom
líka fram sáralítill munur, sjá töflu XVI. Nautin virðast
því bæði mjög góð og hafa líka hlotið viðurkenningu sem
fyrstu verðlauna naut.
Þau virðast bæði hafa góða eiginleika til mjólkur og
mjólkurfitu. Fylkir verður þó að teljast heldur betri. Dœtur
beggja nautanna bera af mæðrum sinum hvað fitu % á-
hrærir, en samanburður á mjólkurhæfni er ónákvæmur
vegna ófullnægjandi vitneskju um mæðurnar. Dætur beggja
nautanna bera af jafnöldum sínum á sambandssvæðinu (sbr.
töflu XVIII). Dætur Þela virðast margar þroskameiri og
kröftugri kýr heldur en dætur Fylkis, er sýnast heldur smáar
og fínbyggðar.
D. Fullyrðingar og staðreyndir. Þessi síðasti þáttur skýrsl-
unnar fjallar um atriði, sem oft er deilt um og margt er full-
yrt um án rökstuðnings. Er hér reynt að færa rök að því,
hvað rétt sé í þessum efnum og rökin sótt í skýrslur S. N. E.
og fleira.
1. Því heyrist oft fleygt, að mjólkurskýrslur bænda séu
mjög ónákvæmar og lítið á þeim að byggja. Á töflu XVII
er gerður samanburður á skýrslufærðri mjólk og innveginni
rnjólk í samlagið, með þeim árangri, að niðurstaðan hér
verður sízt lakari en hjá nautgriparæktarsambandinu sjá-
lenzka, þar sem eftirlit með skýrsluhaldinu er þó mjög
strangt.
2. Því er oft haldið fram, að framfarir í afurðum kúnna
hjá S. N. E. sé einvörðungu vegna bættrar meðferðar og
fóðrunar, en ekki vegna kynbóta. Með rannsókn á hæstu
dagsnyt hjá 1. kálfs kvígum og fullmjólka kúm á mismun-
andi tímum hjá S. N. E. Eins með samanburði á kvígum
undan mismunandi nautum, eru færð sterk rök að því, að
aukinn afrakstur kúnna sé í meginatriðum fenginn með
kynbótum, þótt bætt meðferð og fóðrun hafi að sjálfsögðu
orðið að fylgjast með kynbótunum (sjá töflu XVIII).