Árbók Landsbókasafns Íslands - Nýr flokkur - 01.01.1988, Qupperneq 50

FINNBOGI GUÐMUNDSSON
Um varðveizlu bókakosts og annarra gagna
Erindi flutt á fundi Félags bókavarða í íslenzkum
rannsóknarbókasöfnum
Formaður hefur beðið mig að skýra hér að nokkru frá ráðstefnu þeirri
um varðveizlu bókakosts og annarra gagna, er Samtök landsbóka-
varða gengust fyrir í samvinnu við UNESCO og IFLA dagana 7.-10.
apríl 1986, en ráðstefnustaðurinn var Þjóðbókasafnið í Vín.
Þátttakendur voru um eitt hundrað frá um 60 löndum, því að auk
forstöðumanna Þjóðbókasafna víðs vegar að úr heiminum sóttu
ráðstefnuna ýmsir sérfræðingar og fólk, er að varðveizluþættinum
vinnur. Ráðstefnan var sett mánudaginn 7. apríl, en stóð síðan næstu
þrjá daga eða til fimmtudagskvölds.
Þriðjudag og fimmtudag voru haldnir allsherjarfundir, en miðviku-
daginn voru fluttir samtímis tveir fyrirlestrar, hvor á sínum stað,
þannig að menn urðu að velja á milli. En fyrirlestrarnir lágu fyrir í
upphafi ráðstefnunnar fjölritaðir, og ég er hér með allan bunkann.
Þjóðbókasaf'nið í Vín vann mikið og gott undirbúningsverk í
samvinnu við sérstaka nefnd, og var formaður hennar William J.
Welsh, aðstoðarforstöðumaður Library of Congress.
Einn bandarísku þátttakendanna Rutherford Rogers, fyrrum for-
stöðumaður bókasafns Yaleháskóla, tók að sér að ílytja í ráðstefnulok
yfirlit um hana, og kvaðst hann hafa tekið það saman í byrjun apríl
og haft þá undir höndum 32 af41 framsöguerindi alls.
Hann flokkaði yflrlitið í þrennt, fjallaði fvrst um hinn ntikla vanda,
er okkur væri á höndum í þessu efni, þar næst um það, hvað til ráða
væri til að leysa þennan vanda, svo sem um meðhöndlun, geymslu og
varðveizlu rita og annarra gagna, ennfremur breytingu úr einu formi
í annað, svo sem við myndatöku, og loks ræddi hann um áætlanagerð
um samræmdar aðgerðir.
Niðurstöður framsögumanna úr ýmsum löndum bentu til, að um
fjórðungi bókakostsins í rannsóknarbókasöfnum væri hætt, en þá ráð
fvrir því gert, að frávik væri frá þessu í einstökum löndum og við