Árbók Landsbókasafns Íslands - Nýr flokkur - 01.01.1988, Síða 81

LANDSBÓKASAFNIÐ 1986
81
heíur nokkur undanfarin ár varið fáeinum þúsundum króna til
bókakaupa handa safninu.
Rætt var í september við forráðamenn Bibliothéque Sainte Genevi-
éve og hinnar norrænu bókadeildar þess um leiðir til eílingar íslenzka
bókakostinum og hugsanleg bókaskipti milli safnanna.
HÚSNÆÐISMÁL í bréfi, er ég ritaði Sverri Hermannssyni
menntamálaráðherra 27. febrúar 1986,
fór ég þess á leit, að Landsbókasafn íslands fengi „til bráðabirgða
umráð yflr því húsnæði, er losnar við brottför Þjóðskjalasafns Islands,
og ráðstafanir til að nýta Safnahúsið á annan veg verði ekki gerðar,
fyrr en bæði söfnin hafa horfið þaðan á braut.
Menntamálaráðherra varð við þessum tilmælum, en síðan verður
að koma í ljós, hvenær svo hefur verið búið í haginn fyrir Þjóðskjala-
safn í gömlu Mjólkurstöðinni, að unnt verði að flytja gögn svo að um
muni úr Safnahúsinu þangað inn eftir.
Landsbókasafn er nú með bókageymslur utan safns á fjórum
stöðum og bindur því miklar vonir við, að úr rakni fyrir Þjóðskjala-
safni sem fyrst.
ÞJÓÐARBÓKHLAÐA í fjárlögum fyrir árið 1986 brá svo við, að
þar var ekki gert ráð fyrir neinu fé til
framkvæmda við Þjóðarbókhlöðu, en hins vegar var á Alþingi
samþykkt frumvarp fyrir atbeina Sverris Hermannssonar mennta-
málaráðherra um þjóðarátak til byggingar Þjóðarbókhlöðu, sem
fólgið er í því, að eignarskattsauka áranna 1987-89 skuli varið til að
ljúka smíði bókhlöðunnar. Lfnnið var þó á árinu innanhúss fyrir fé,
sem eftir stóð frá fyrra ári, og nokkurt forskot á eignarskattsaukann,
eins og greint var frá í síðustu Árbók.
Landsbókasafni íslands, 1. desember 1987,
Finnbogi Guðmundsson.