Frjáls verslun - 01.01.1953, Blaðsíða 16

Vilhjálmur 1>. Gíslason, fjTrverandi skólastjóri.
Um mánaðarmótin janúar-febrúar s.l. lét Vilhjálm-
ur Þ. Gíslason af skólastjórn Verzlunarskólans, þar
sem .hann tók við embætti útvarpsstjóra frá sama
tíma. Skólastjóri Verzlunarskólans varð Vilhjálmur
árið 1931 og hefur haft það starf á hendi til þessa.
í því starfi hefur hann aflað sér mikilla vinsælda,
jafnt nemenda sinna sem samkennara, og átt mestan
þátt í að gera Verzlunarskólann að traustri og vin-
sælli menntastofnun.
Hann er einn af þeim skólamönnum, er gert hef-
ur sér sérstaklega far um að kynnast lífsviðhorfi æsk-
unnar og skilið hana rétt. Hann hefur ávalll verið
boðinn og búinn að rétta nemendum sínum örvandi
hönd, hvort sem um hefur verið að ræða námið sjálft
eða félagslífið innan skólans. Það vitum við gerzt, er
notið höfum handleiðslu hans á okkar eigin námsár-
um.
Of langt mál yrði að telja hér upp önnur störf
Vilhjálms í þágu alþjóðar og annarra málefna, þar
sem það hefur verið gert á öðrum vettvangi, en þau
eru mörg.
Vilhjálmur hefur verið nátengdur starfsemi út-
varpsins allt frá upphafi og rödd hans hefur heyrzt
oftar á öldum ljósvakans en flestra annarra. Vin-
sældir hans sem útvarpsfyrirlesara verða af engum
dregnar í efa.
Á þessum tímamótum þakkar verzlunarstéttin Vil-
hjálmi örugga skólasljórn í liðleg tuttugu ár og ó;k-
ar honum allra heilla í nýja starfinu.
í rilnefnd FRJÁLSRAR VERZLUNAR átti Vil-
hjálmur sæti í mörg ár og vann mikið og golt verk í
þágu blaðsins á fyrstu árum þess. Fyrir allt það
færir blaðið honum þakkir sínar og biður hann vel
njóta í því ábyrgðarmikla starfi, er hann hefur nú
tekizt á hendur.
G.
16
FRJÁLSverzlun