Frjáls verslun - 01.08.1953, Qupperneq 21

COMET III.
Bandaríska flugfélagið Pan Am-
erican World Airways hefur ný-
lega gert pöntun á þremur þrýsti-
loftsfarþegaflugvélum hjá brczku
Ilavilland verksmiðjunum, og verða
flugvélar þessar af gerðinni Comet
III. Gert er ráð fyrir, að þær verði
tilbúnar til afhendingar árið 1956,
en möguleiki er fyrir því, að fé-
lagið kaupi til viðbótar sjö flug-
vélar af sömu gerð, en afhending
þeirra myndi þá fara fram ári síð-
ar. — Hinar nýju þrýstiloftsflug-
vélar PAA koma til með að verða
notaðar á öllum helztu flugleiðuin
félagsins, en þær munu geta flog-
ið í einum áfanga um 5000 km. leið
með fulla hleðslu. Er það svipuð
vegalengd og milli Bretlands og
New York. Miklar vonir eru tengd-
ar við þessar nýju flugvélar, sem
eiga eftir að stytta flugtímann á
liinum lengri flugleiðum til mik-
illa muna.
Gaman var að líta inn í eina vefnaðarvöruverzlun
þarna. Hún var að sjálfsögðu æði fábrotin og laus við
hverskonar te])ruskap, en afgreiðslumaðurinn, sem var
karlmaður, lá endilangur up]) á búðarborðinu og las
í bók. Hann hafði ekkert undir höfðinu, en annan fót-
inn kreppti hann um hnéð og stóð þannig í hann á
borðinu. Við gengum að lionum, en hann var niður-
sokkinn í söguna og leit aldrei af bókinrii meðan við
horfðum á hann.
Á miðri götunni var strákur og steikti kartöflur á
pönnu. Hann rak upp skerandi öskur með vissu milli-
bili til þess að lýsa ágæti kartaflanna. Þó hitinn væri
þarna nokkuð yfir 40 gráður í sólinni, þá var alls ekki
óþolandi úti á götunni. Loftið var þurrt og frekar létt,
og þoldum víð þetta vel.
1 þorpinu var allt fátæklegt, en þcgar við héldum
upp hæðina út úr því, mátli líla vel byggð hús og
falleg, sem stóðu á hæðadrögunum, sýnilega bústaðir
herraþjóðarinnar, Frakka.
Oft var keyrt á efstu eggjum, og var vegurinn næsta
glæfralegur að sumum fannst. Bílstjórinn ók sem óður
væri, og var svo komið síðast, að karlmönnum fannst
óhætt að viðurkenna hræðslu sína.
Allar hlíðar voru nýsánar hveiti, og var gaman að
sjá akrana í snarbrötlum hlíðunum. Láréttar vatns-
rennur voru mokaðar upp í akrana með vissu milli-
bili, til þess að taka við regnvatninu, og síast svo úr
þeim niður hlíðarnar. 011 önduðum við léttara, þegar
bíllinn kom niður á jafnsléttuna og til Algier komum
við heilu og höldnu kl. 5.
Þessi ferð til Bou-Saada varð sérstæð. Við keyrðum
á sjö límum 2000 ár aftur í tímann. Litum nú með
eigin augum, í stað þess að lesa um það. okkur óþekkt
menningarstig, og sáum, til dálítillar vanvirðu fyrir
hinn mikla hraða og hávaða í löndum liins menntaða
lieims, að þama í Bou-Saada er sálarró fólksins meiri.
Maðurinn, sem harpaði grjótið úr leirnum fyrir utan
borgarnnirana og flutti síðan í tágakörfum á asnanum
sínum þangað, sem hann byggði kofann sinn, hefur
vafalaust haft sínar áhyggjur, en ekki varð séð, að
þær væru meiri en áhyggjur milljónamæringsins. sem
framhjá reið á úlfalda sér til afþreyingar og lét teyma
undir sér. Ferðin til Bou-Saada stöðvaði okkur í flug-
hraða framvindunnar eitt augnablik. Það kom yfir
okkur ró, eins og þegar skyndilega lygnir eftir storm.
Notalegt sálarástand. En við nutum þessa sálarástands
samt fyrst og fremst vegna þessa, að við vissum, að
okkar beið ekki sú nauð að deila kjörum við þetta
fólk.
En á öllum hlutum eru margar hliðar. Sú mynd,
sem skýrast er mörkuð í huga okkar úr þessari ferð,
er ekki dregin úr lægð þessa menningarstigs, sem við
sáum, heldur er hún tekin af þaki hótelsins, þegar
kvöldhúmið dregst eins og mjúk slæða yfir loft og láð
og viðburðir dagsins móka í hugum okkar. Við stör-
um undrandi og lnigfangin yfir ævintýraland, húsa-
rústirnar verða að höllum, og pálmakrónurnar stærri
og fegurri, en fram úr húminu stígur Ali Baba, bendir
fram og segir: Bou-Saada, Bou-Saada.
FRJÁLS VERZLUN
77