Frjáls verslun


Frjáls verslun - 01.01.1963, Blaðsíða 17

Frjáls verslun - 01.01.1963, Blaðsíða 17
Það er sannfæring mín, að enn megi auka sjáv- araflann töluvert, og sérstaklega megi bæta öryggi þeirrar atvinnugreinar með nýjum tækjum og auk- inni vísindalegri þekkingu á miðunum kringum landið og fiskigöngum. Vafalaust er að margfalda má verðmæti sjávarafurða með auknum fiskiðnaði og margs konar vinnslu, og það hlýtur að verða markmið okkar að flytja engan fisk úr landi óunn- inn. Hins vegar getur verið áhættusamt að festa mikið fjármagn í dýrum fiskiðjuverum, án þess að aflinn sé sæmilega tryggður. Vísindin verða hér að koma til og skapa öruggan grundvöll. Fiskrækt er álitleg atvinnugrein, sem nú er að hefjast hér á landi og gæti orðið töluverður at- vinnuvegur. Fyrstu árin munu eflaust verða erfið. Þá þarf að verja miklu fjármagni til vísindnlegra rannsókna og tilrauna. Um framtíð landbúnaðarins er einnig deilt. Til dæmis hefur sauðfjárrækt aukizt mjög á síðustu árum, en nú telja ýmsir, að beitilöndin séu næst- um fullnýtt með óbreyttum aðferðum og aukning sauðfjárræktar því vafasöm með sama hætti og ver- ið hefur. Afla verður nýrrar þekkingar á nýtingu beitilanda. Vísindin verða enn að koma til á öll- um sviðum, ef landbúnaðurinn á að vaxa eins og við þörfnumst. Verksmiðju- og verkstæðisiðnaður hefur aukizt mjög hér á landi á undanförnum árum. Aðstæður hafa þó iðulega verið óeðlilegar vegna tollvernd- ar og viðskiptahafta og þykir mér ekki ólíklegt, að við verðum að stokka upp þau spil og ef til vill fyrr en okkur grunar. Af þessum sökum er einnig stundum deilt um framtíð þessara atvinnugreina, en ég er sammála þeim, sem því halda fram, að okkur beri að Ieggja mjög mikla áherzlu á eflingu iðnaðarins í landinu, þó ekki væri nema vegna þess, að okkur er brýn nauðsyn að breikka grund- völlinn fyrir þjóðarframleiðslunni. En sá iðnaður, sem hér kann að myndast, verður að grundvallast á víðtækri þekkingu á þeim aðslæðum. sem geta gert hann samkeppnisfæran við erlenda framleiðslu. Þá verða vísindin að koma til í mjög vaxandi mæli. Við þurfum að nýta til fullnustu þau hráefni, sem til eru í landinu og hverja þá aðstöðu, sem hér kann að vera betri til iðnaðar, en á meðal keppinauta okkar. Landið okkar er fremur snautt af náttúruauð- æfum, öðrum en vatnsorku og jarðhita. Hins vegar er áætlað að virkja megi vatnsafl, sem nemur að minnsta kosti 16. þús. millj. kwst. á ári. í dag not- um við árlega aðeins um 500 millj. kwst., eða rúmlega 3% af virkjanlegu vatnsafli. Þessi orka getur orðið undirstaða að miklum iðnaði. Svo eigum við jarðhita, og loks má ekki gleyma mannkostum þjóðarinnar, sem nýta verður betur með aukinni þekkingu og sérmenntun. Fróður maður sagði ekki alls fyrir löngu, að við íslendingar hefðum varla nýtt meira en 3—5% af náttúruauðæfum okkar í dag. Þetta má vel vera nokkuð rétt, en hins vegar virðist mér alls ekki liggja ljóst fyrir, hvar og hvernig við eigum að auka þjóðarframleiðslu eins og við þörfnumst. Jafnvel þótt við séum sannfærð um getu þessa lands til þess að sjá fyrir margföldum íbúafjölda á næstu áratugum, verður það því eðlileg spurning, hvort við eigum að láta tilviljun ráða um uppbyggingu atvinnuveganna, eða að kveðja til rannsóknir og vísindi í vaxandi mæli og kappkosta að ski'puleggja uppbyggingu nýrra atvinnugreina og eflingu þeirra. sem fyrir eru. Ég held við hljótum öll að vera _ ~B & ipíf X FH.TALS VERZLUN 17

x

Frjáls verslun

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Frjáls verslun
https://timarit.is/publication/282

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.