Frjáls verslun


Frjáls verslun - 01.01.1963, Blaðsíða 4

Frjáls verslun - 01.01.1963, Blaðsíða 4
sum árin einnig verið framleitt allmikið af honum handa öðrum verksmiðjum. Eftir því sem framleiðslan jókst fór rafmagns- notkunin vaxandi og hafa verið reistar tvær raf- rafmagnsstöðvar í dalnum nokkru fyrir innan Höy- anger. Eru allar þrjár stöðvarnar í eigu félagsins og er uppsett vélaafl þeirra í heild 40 þús. kw. En nú stendur meira til en nokkru sinni, þar sem tvö- falda á framleiðslugetuna á aluminíum, er þá verður 26 þús. tonn á ári. Verður öll aukningin byggð á innfluttu aluinina, þar sem aluminiumoxyd-vinnsl- an verður ekki aukin. Nýtt orkuver verður sprengt inn í fjallið á bak við upphaflegu rafmangsstöðina og aðfallsgöng verða sprengd upp fjallið, þannig að í þau renni úr vatnakerfi, sem er í ,550 m hæð. Þar uppi á að gera nokkrar stíflur og frárennslisskurði til miðlunar. Við ýmsa erfiðleika er að etja í sambandi við þessa stækkun. Verstur er skorturinn á landrými, þar sem verið er að sprengja inn í fjallið alveg ofan í gamla orkuverinu og verksmiðjunum, svo að segja undir gömlu aðrennslispípunum og um 250 m löng- um „reykháf', sem á sínum tíma var sprengdur inn í fjallið og opnast hátt uppi í hlíðinni. Setur það sérkennilegan svip á staðinn að sjá fjallið reykja, — og það fluorgasi. Til að auðvelda hinar nýju framkvæmdir hefur varið lagður „Kambavegur" upp fjallið, sem þó hefur hvergi meiri halla en 1 :8. Norðmenn virðast ekki láta sér bregða við slíkar framkvæmdir, sem eru helzt sambærilegar við það, að Vesturlandsveg- urinn lægi yfir Esjuna miðja, en tæki ekki krók út á Kjalarnes. Hvað mestir erfiðleikar verða þó á að stækka sjálf- ar verksmiðjubyggingarnar, sem verða byggðar al- veg ofan í bænum, þótt ekki hafi áður verið langt á milli. Uppskipunaraðstöðuna á einnig að bæta. Um 6 þús. br. tonna skip hafa getað lagzt að hafn- argarði verksmiðjunnar, og hefur alumina verið flutt inn í sekkjum. Nú er ætlunin að 12 þús. tonna skip geti verið í förum þarna og flutt aluminíum- oxydið ósekkjað, sem þá yrði blásið með lofti upp í turna á hafnarbakkanum. Áætlað er, að fjárfesting vegna tvöföldunar alu- miníumvinnslunnar í Höyanger muni nema 90 millj. norskra króna eða um 540 millj. ísl. kr. Segja má, að þessi aukning sé framkvæmd í alveg sérstöku augnamiði. Þegar á árinu 1917 var stofnað dóttur- fyrirtæki NACOS: A/S Nordisk Aluminiumindustri, sem í smáum stíl hóf framlciðslu á ýmsum vörum úr aluminíum í Holmestrand, vestan Oslofjarðar. Þessi framleiðsla jókst smám saman og er nú unnið úr meira magni af málmi en Höyanger getur af- greitt. Nú er hugmyndin að stækka verksmiðjuna í Holmestrand fyrir 32 millj. norskra kr., eða um tæpar 200 millj. ísl. kr., og vinna úr öllum málm- inum frá Höyanger eftir stækkunina þar, en hana á að framkvæma á árunum 1961—65. Um Holme- strand-verksmiðjuna verður rætt frekar síðar. Eins og áður segir er skortur á athafnasvæði í Höyanger, en þetta gildir ekki aðeins fyrir vcrk- smiðjuna heldur og fyrir bæinn, sem risið hefur um- hverfis hana. í rauninni er afar lítið um undirlendi við hinn mikla Sognfjörð og alla hans mörgu þver- dali. Fjöllin ganga víða, að því er virðist, þver- hnípt í sjó fram og er oft drjúgur spölur á milli byggðarlaga. Árið 1915 voru 120 íbúar í Höyanger, en strax og bygging verksmiðjunnar hófst tók að myndast þar bær, sem nú hefur um 3 þús. íbúa. Af þeim vinna um 700 við stórfyrirtækið og er því Árdal III. Verið er að ganga frá ofnum í skála F FRJALS VERZLUN

x

Frjáls verslun

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Frjáls verslun
https://timarit.is/publication/282

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.