Frjáls verslun - 01.04.1964, Síða 23

Öllum þessum aðilum vil ég f. h. skólanefndar-
innar þakka ágæt og samvizkusamlega unnin
störf.
Allmörg verzlunarfyrirtæki, samtök og stofn-
anir hafa lagt hönd á plóginn með fjárframlög-
um til byggingarinnar. Reykjavíkurborg og ríkis-
sjóður hafa veitt ómetanlegan stuðning með
fjárframlögum og anarri fyrirgreiðslu. Vil ég
sérstaklega þakka hæstvirtum fjármálaráðherra
Gunnari Thoroddsen fyrir alla hans ágætu að-
stoð og stuðning, fyrst sem borgarstjóri og síð-
ar sem fjármálaráðherra. Of langt yrði upp að
telja alla þá aðila, sem skólinn stendur í þakkar-
skuld við, en þó finnst mér skylt að geta þeirra,
sem hér fara á eftir: Félag ísl. Stórkaupmanna
ca. kr. 250.000,00, Verzlunarbanki íslands h.f.,
Útvegsbanki íslands, Framkvæmdabanki ís-
lands, Eimskipafélag íslands, Sölumiðstöð Hrað-
frystihúsanna og Sveinn Valfells, sem hver um
sig lögðu fram kr. 50.000,00 til byggingarinnar.
Auk þess hefur Verzlunarbankinn veitt skólan-
um rekstrarlán og víxillán, sem gerðu kleift að
fullgera skólann. Landsbanki íslands veitti skól-
anum kr. 500.000,00 lán til 10 ára. Lífeyrissjóður
Verzlunarmanna kr. 1.000.000,00 lán til 15 og
10 ára. Þessum þrem aðilum vil ég þakka sér-
staklega fyrir þeirra ágætu aðstoð, stuðning og
skilning á málefninu.
Þegar Verzlunarmannafélag Reykjavíkur var
gert að launþegafélagi afhenti stjórn V. R., í
samráði við þá aðila, sem við þær aðgerðir urðu
að víkja úr félaginu, skólanum að gjöf lóð á
horni Tjarnargötu og Vonarstrætis, sem síðar
var seld fyrir kr. 1.000.000,00 auk veðskuldabréfs
í húsi V. R. Vonarstræti 4, að upphæð kr.
450.000.00.
Allt hefur þetta fé runnið til skólabyggingar-
innar og verður því fagur minnisvarði fyrir hina
gömlu félaga V. R. og félagið sjálft í heild.
Með tilkomu hinnar nýju skólabyggingar hef-
ur skólinn getað reist sér víðara starfsvið og
fullkomnari og nýtízkulegri kennslu. Á sl. hausti
var haldin glæsileg sýning á skrifstofuvélum
og tækjum í samkomusal skólans og kennslustof-
um. Sýningin var haldin á vegum Stjórnunar-
félags íslands og þótti takast ágæta vel.
Til að nýta sem bezt samkomusalinn var
pöntuð frá Ameríku Hansahurð með hljóð-ein-
angrun, sem hólfar þann hluta salarins alveg af.
Við það hefur myndast pláss fyrir 30—40 manna
kennslustofu, sem notuð er fyrir Verzlunar- og
skrifstofu námskeið, sem skólinn stendur fyrir
og sér um í þá sex mánuði, er það stendur yfir.
Prófskírteini eru veitt að námskeiðinu loknu.
Auk þess hefur skóli Vátryggingarfélaganna ver-
ið hér til húsa, þann tíma sem hann stendur yf-
ir. Það myndast, sem sagt, óteljandi möguleik-
ar fyrir framgangi og þróun verzlunarstéttarinn-
ar, með tilkomu hinnar nýju skólabyggingar.
Þá má ekki gleyma hlutdeild nemenda, gam-
alla og nýrra, að byggingunni og skrifstofutækj-
um í skólann. Þeir hafa á margvíslegan hátt
stutt skólann með fjárgjöfum og tækjum. Rækt-
arsemi þeirra og hlýhugur til skólans ber fagurt
vitni um þá samheldni og vináttubönd, sem
myndast hafa, er þeir voru í skólanum. Félags-
líf skólans hefur alltaf verið með ágætum og
mjög til fyrirmyndar. Hefur það, ekki hvað sízt,
átt sinn stóra þátt í velgengni og framgangi skól-
ans og þess álits, sem hinir mörgu, ágætu nem-
endur, hafa skapað skólanum með dugnaði sín-
um og forystu þegar út í lífsstarfið var komið.
Það er uppörfun fyrir skólanefndina og alla aðra
aðila þegar svo vel gengur, ekki hvað sízt fyrir
skólastjóra og kennara, sem leggja sig alla fram
til að ná sem beztum árangri í kennslunni og sjá
hér margfaldan ávöxt verka sinna..
Hagnýt og fullkomin menntun er það bezta
veganesti, sem fáanlegt er á vegferð lífsins, auk
þess sem hún er sá höfuðstóll er við sjálf get-
um ráðið um hvort sýnir hagnað eða tap.
Að endingu vil ég f. h. skólanefndarinnar, óska
Verzlunarskóla íslands velgengni og framgangs
í nútíð og framtíð, að hann megi eflast og full-
komnast til hagsældar fyrir frjálsa verzlun og
þar með fyrir land og lýð.
Eftirmáli:
Skólaárið 1964—65 eru rúmlega 500 nemend-
ur í Verzlunarskóla íslands, þar með talið nám-
skeiðið, sem skólinn stendr fyrir. Allir bekkir
eru fjórskiptir, nema lærdómsdeildin. Fastir
kennarar eru 14. þar með talinn skólastjóri, en
als eru kennarar 33 talsins.

FRJÁLS VERZLUN
23