Frjáls verslun - 01.12.1972, Blaðsíða 37

fyrir rekstri þeirra væri, að þær
væru nógu stórar og byðu upp
á nægilega fjölbreytni. Það
væri greinilega þróunin erlend-
is, og farið væri að örla á henni
hér.
Bókasala, sérstaklega á ís-
lenzkum bókum, dróst nokkuð
saman með tilkomu sjónvarps-
ins, og sagði Baldvin að hún
væri hvergi nærri búin að ná
sér aftur og því væri íslenzk
bókaútgáfa í nokkrum vanda
stödd. Væri því ekki úr vegi
að fella niður söluskatt á bók-
um, eins og gert er t.d. í Nor-
egi, og Bretar eru nú að gera.
Hins vegar mun sala í ýms-
um erlendum bókmenntum
heldur hafa aukizt, jafnvel 1
tengslum við sjónvarpið. Um
áform á næstunni má nefna,
að endurskipulagning á hús-
næði verzlunarinnar, einkum
anddyris, er fyrirhuguð á
næsta ári.
Að lokum vildi Baldvin
þakka öllum viðskiptavinum
verzlunarinnar fyrir viðskipt-
in í 100 ár! Vænti hann þess,
að verzlunin mætti áfram
halda uppi því merki er Sigfús
Eymundsson setti hátt fyrir 100
árum, þegar Reykjavík var
smáþorp.
Jón Loftsson opnar vöruhús
„Verzlið þar sem úrvalið er
mest og kjörin bezt,“ eru eink-
unnarorð vöruhúss Jóns Lofts-
sonar h.f. við Hringbraut 121,
sem nýlega var opnað í tilefni
30 ára afmælis hlutafélagsins.
Hús þetta mun tvímælalaust
vera eitthvert fullkomnasta
vöruhús í byggingariðnaði hér-
endis. Húsið skiptist í fjölda
mundssonar, ein stærsta og
deilda eftir vörutegundum.
Byggingavörukjördeild, þar
sem smærri byggingavörur og
verkfæri eru á boðstólum.
Byggingavörudeild, þar sem
grófari byggingavörur eru. Má
þar nefna milliveggjaplötur,
mátstein úr Seyðishólarauða-
möl, vikurplötur, garðhellur o.
fl. Þar eru einnig veittar upp-
lýsingar um máthellu- og mát-
steinshús.
Timburdeild er á annarri
hæð yfir byggingavörudeild,
þar sem hægt er að fá hvers
konar harðvið og þilplötur, og á
hæðinni fyrir ofan er spónn og
panill, og sér fyrirtækið um
uppsetningu ef óskað er.
Þá er komið að húsgagnaum-
setningunni, sem er einhver sú
mesta hér á landi í einni verzl-
un.
Á þriðju hæð eru eldhús- og
borðstofuhúsgögn í fjölbreyttu
úrvali, ásamt tilheyrandi
skrauti og ljósum. Þar eru einn-
ig ski'ifstofuhúsgögn.
Stofuhúsgögn, svo sem sófa-
sett, sófaborð, veggskápar o.fl.
eru á fjórðu hæð. Þar er úrval
inn- og erlendra húsgagna. Til-
heyrandi ljósaútbúnaður er þar
einnig.
Svefnherbergishúsgögn eru
svo á fimmtu hæð. Þar eru á
700 fermetra gólffleti hvers
konar svefnherbergishúsgögn
og tilheyrandi ljósabúnaður.
Einnig er þar nokkuð úrval af
sængurfatnaði.
Auk þessara deilda eru
hreinlætistækjadeild, þar sem
lituð og ólituð baðsett eru m.a.
fáanleg ásamt vegg- og gólf-
Frá húsgagnadeild
Jóns Loftssonar hf.
flísum í stíl, og tilheyrandi
blöndunartækjum.
Gólfteppadeild, sem býður
upp á gólfteppi frá öllum
helztu gólfteppaframleiðendum,
innlendum og erlendum. Og
rafdeild með viðurkennd heim-
ilistæki af þekktum gerðum. í
deldinni eru einnig hljómflutn-
ingstæki frá mörgum framleið-
endum, dýr og ódýr.
Bíladeild verður á fyrstu
hæð, þar sem Chrysler bílar
verða til sýnis og sölu, og loks
má geta þess að eftir áramótin
verðuropnuð kaffitería og veit-
ingasalur í húsinu, og verður
þaðan gott útsýni. Veitingastað
þessum hefur verið valið nafn-
ið Hringborg.
Fyrirtækið býður upp á
greiðsluskilmála á öllum vörum
sínum, mismunandi eftir
magni og greiðslutíma.
Fyrirtækið Jón Loftsson h.f.
er 30 ára um þessar mundir,
sem fyrr segir. Jón Loftsson,
stofnandi þess, hafði rekið
verzlun og útgerð og síldarsölt-
un í yfir 20 ár í eigin nafni,
svo fyrirtæki undir þessu nafni
hefur verið rekið i 50 ár.
Jón Loftsson h.f. verzlaði strax
í upphafi með byggingavörur,
enda var draumur Jóns heit-
ins að koma upp alhliða vöru-
húsi í þeirri mynd, sem nú er
orðin að veruleika.
Eftir að hlutafélagið hafði
verið stofnað, réðst Jón í mikl-
ar byggingaframkvæmdir við
Hringbraut 121, og hafa bygg-
ingar þar stöðugt verið að auk-
ast síðan og er gólfflötur fyr-
irtækisins nú um 10 þúsund
fermetrar.
í tilefni af þessum miklu
tímamótum í sögu fyrirtækis-
ins, ræddi blaðið við Loft
Jónsson núverandi forstjóra, og
sagði hann m.a. að það væri
trú sín að fyrirtæki sem þetta,
gæti gengið vel, þar sem þróun-
in erlendis væri í þessa átt, og
reyndar væri farið að bera á
henni hér í öðrum verzlunar-
greinum.
Um verkefni framtíðarinnar,
sagði Loftur að á næstunni yrði
fyrst og fremst unnið að því
að fullkomna þetta vöruhús,
auka vöruúrval og fleira, en
fram í tímann vildi hann ekki
spá, fyrr en að fenginni reynslu.
FV 12 1972
37