Frjáls verslun - 01.05.1975, Blaðsíða 28
afgangurinn eru notaðir bílar.
Árin 1971—1974 hafa verið
fluttir inn 7399 nýir bílar að
meðaltali á ári, sem er mjög
eðlilegt eða um 10% af heildar-
bilaeign landsmanna. Nú er aft-
ur á móti augljóst að bílarnir
verða eldri og verri eins og
sölutregðan ber með sér. Sem
dæmi um hana er innflutning-
urinn fyrstu þrjá mánuði þessa
árs 615 bílar á móti 2941 á
sama tíma í fyrra.
F.V-: — Á aðalfundi Bíl-
greinasambandsins var ályktað,
að óeðlilega mikill bílainnflutn-
ingur í fyrra væri fyrst og
fremst afleiðing rangrar gengis-
skráningar og jafnvægisleysis í
efnahagsmálum. Verða nú inn-
flytjendur ekki samt að taka á
sig nokkra ábyrgð á því, að hér
eru hundruð óseljanlegra bíla,
sem liggja undir skemmdum?
Ásgeir: — Þessi mikli inn-
flutningur í fyrra var fyrst og
fremst afleiðing óvissun.nar í
efnahagsmálum. Fólk hafði
mikla peninga milli handanna
og það var öllum ljóst, að grip-
ið yrði til harkalegra aðgerða.
Þær komu hins vegar seint og
um síðir, en fólk var búið að
koma fjármunum sínum í ló
áður. Undir slíkum kringum-
stæðum er mjög freistandi fyrir
bílaumboð að flytja mikið inn.
Við sátum uppi með 50 ó-
selda bíla þegar gengisfellingin
reið yfir í fyrrahaust. Fyrr á
haustinu héldum við bílasýn-
ingu, þar sem 80 manns skráðu
sig fyrir nýjum bílum og gerð-
um við pantanir í samræmi við
það. Þegar á reyndi hættu flest-
ir þessara kaupenda við.
Ég ætla ekki að gera tilraun
til að spá í endalok þessa máls.
Bílaumboðin eru um 20 talsins
og mörg þeirra sitja uppi með
bíla frá því í fyrra. Mér reikn-
ast til að samtals séu þessir 'bíl-
ar nú um 1200. Umboðin bera
mikinn kostnað af þeim, bæði
vexti og geymslugjöld og
vandamálið getur orðið mjög
alvarlegt ef t.d. verksmiðjurnar
gefa umboðunum ekki afslátt.
Það eru þær hins vegar tregar
til að gera, því að með því yrði
verðhlutföllunum öllum raskað
og það gæti stórskaðað söluna í
framtíðinni.
Vegna þess, að ýmsir hafa
rætt um þennan innflutning
sem einhvers konar glæpaverk
vil ég benda á að andvirði þess-
ara bíla er á að gizka 360
milljónir í gjaldeyri. Menn sjá
ofsjónum yfir þessu, á sama
tíma og rætt er um að kaupa
skuttogara fyrir milljarð, þrátt
fyrir þær bláköldu staðreyndir
sem fyrir liggja um taprekstur
togaraútgerðarinnar-
F.V.: — Hvernig standa. á-
lagningarmál hjá bílainnflutn-
ingsfyrirtækjunum? Hvaða á-
hrif gæti aukið frjálsræði í á-
lagningarmálum haft á stöðu
þessara fyrirtækja og fyrir hag
bílakaupenda?
Ásgeir: — Nú er álagningin
ákveðin 6,3% af kostnaðarverði
fólksbifreiðar og 5200 krónur
að auki án tillits til verðs á bíln.
um. Ég býst fastlega við að
bílarnir myndu hækka eitthvað,
þó misjafnlega eftir verðflokk-
um, ódýrari bílarnir mest, en
þeir dýrari minna, ef álagning-
in yrði leyfð frjáls. Ástæðan er
sú, að innflutningsfyrirtækin
hafa ekki nægilegt rekstrarfé-
Með frjálsri álagningu myndi
skapast meira svigrúm til að
veita afslætti og það kæmi við-
skiptavinunum til góða. Við
ríghöldum í þessa álagningu
nú og víkjum ekki frá henni.
Væri álagningin frjáls gæti
hugsazt, að í vissum tilfellum,
yrði hún lægri en nú. í Svíþjóð
fara bílakaupendur á milli
borga og bjóða í bílana. Svipað
þessu gæti gerzt hér, ef álagn-
ingarreglur breyttust.
F.V.: — Hvernig skiptist
söluverð bílsins í einstaka
þætti, þ. e. a. s. verð frá fram-
lciðanda, gjöld og tolla til ríkis,
beinan kostnað og álagningu?
Ásgeir: — Mér reiknast til að
skiptingin á fólksbifreið sé
þannig: F.o.b.-verð 28,9%,
kostnaður vegna flutnings,
trygginga og hafnargjalda 6,6
%, tollur, innflutningsgjald,
gúmmígjald og söluskattur er
59,3% og álagning 5,3% af
söluverðinu.
F.V.: — Hvað verður helzt
gert til að bæta viðgerðarþjón-
ustu við bílaeigendur oe: hvað
er það einkanlega, sem háir
rekstri bifreiðaverkstæða?
Ásgeir: — Rekstur verkstæð-
anna stendur alveg í járnum
um þessar mundir og það eru
álagningarmálin sem valda því.
Útseld vinna er nú að meðaltali
770 krónur á tímann en þar af
eru launin og launatengd gjöld
79%. Ég hef kannað, hvað verð-
ið á útseldri vinnu þyrfti að
vera til að viðgerðirnar bæru
sig og var útkoman 1183 krón-
ur á timann- Við myndum ekki
reka bifreiðaverkstæði nú nema
af því að við þurfum að yfir-
fara nýja bila, áður en þeir eru
settir á götuna, og líka vegna
þessarar siðferðjlegu skyldu,
sem okkur finnst við bera gagn-
vart eigendum Volvo-bíla, — að
veita þeim nauðsynlega þjón-
ustu.
Ef ég leigði út verkstæðið og
gæfi bifreiðavirkjanum afslátt
af varahlutum, er líklegt að
verkstæðið bæri sig hjá honum.
Harðnaði eitthvað á dalnum hjá
okkur myndi þessi afsláttur
ekki verða veittur og þess
vegna verða verkstæðin að geta
borðjð sig á vinnunni. Þannig
reiknum við dæmið út. Það eru
líka fjölmörg verkstæði starf-
rækt, sem engan afslátt fá hjá
varahlutaverzlunum og verða
að ná endum saman með vinn-
unni einni.
Viðgerðir hafa mjög dregizt
saman að undanförnu. Núna
þurfa menn að bíða eftir 10 þús.
kílómetra skoðun í 3 vikur en
biðin var 3 mánuðir í fyrra. Þá
urðu menn líka að biða í 3—4
vikur eftir að koma bíl á verk-
stæði til viðgerðar sem nú tek-
ur 10 daga. Vegna peningaá-
standsins hjá fólki nú er hætt
við, að bílaviðgerðir verði látn-
ar sitja á hakanum, ef mögulegt
er. Við höfum haft þann sið, að
hringja í eigendur bíla, sem eru
til viðgerðar hjá okkur, og láta
vita, ef einhverjar frekari bil-
anir koma í ljós við skoðun. I
fyrra var oftast ákveðið á
stundinni að láta gera við, en
nú spyrja menn, hvað viðgerð-
in muni kosta og svo hvort ekki
megi komast af án hennar ein-
hvern tíma.
F.V.: — Hverjar eru skyldur
bílaumboða hér í sambandi við
vara.hlutaþjónustu oj viðgerð-
ir?
28
FV 5 1975