Frjáls verslun - 01.01.1979, Blaðsíða 57
■ Framfaraár\
„Hekla“ Loftleiða komin
Fyrsta íslenzka millilandaflugvélin
Flugfélagið Loftleiðir h.f. keypti nýlega Sky-
master-flugvél frá Bandaríkjunum, og kom hún
hingað til lands sunnudaginn 15. júní s.l. Það mun
síðan verða talinn einn af merkisdögum í sögu
íslenzkra samgöngumála, því að þetta er fyrsta
millilandaflugvélin, sem kemst í innlendra eigu.
Margt manna var saman komið á Reykjavíkur-
flugvellinum þennan dag, þegar flugvélarinnar var
von, kl. 2.30 síðdegis. Varla hafði sekúnduvísirinn
lokið þrítugustu hringferð sinni á þriðja tímanum,
þegar vélin sást bera við skýjaðan himininn úti við
sjónhringinn — eins og örsmár fugl. Slík ná-
kvæmni í framfylgd ferðaáætlana er nú orðin
möguleg, jafnvel þótt um feiknalegar vegalengdir
sé að ræða. Er það athyglisvert í sjálfu sér.
Þegar flugvélin hafði setzt og farþegar voru
stignir á fasta grund, flutti form. Loftleiða h.f.,
Kristján Jóh. Kristjánsson, ávarp og skýrði frá vél-
SKYMASTER
nUN FÍU6J0 I0TA TU.
T1ILLILAN0AFLU6S.
3K '.
c/L t/tts
/írt/t //ý 'jt’/í/'S/t
6RUMNAH
FÍU6SINS ANKAST
iXTlUHAAfUOiB TU. VtST-
FiAROA 06 HMOURLANOS.
foItlBiðir "h.
SI M A K:
2469: Skri)ilol<u< H«)ii«rui*t< V.i
Í48.-.;
C07I.
Ö>;?: FluetkUtð 11 RnkinikiulliUitlU.
KLÆÐAGERÐIN
AMARO KX.r.
ARKUREYRI
arkaupunum og öðru í sambandi við það framtak.
M.a. þakkaði hann ýmsum aðilum, sem höföu lið-
sinnt félaginu og gert því kaupin fær. Á eftir honum
tók Emil Jónsson, samgönguráöherra, til máls og
drap á hliðstæðu þessa dags við þann dag árið
1914, er fyrsta hafskip íslendinga kom hingað til
lands. Óskaði hann félaginu og þjóðinni til ham-
ingju með þetta nýja og vandaða flugfar.
Almenningi var gefinn kostur á að skoða flug-
vélina. Hún er fjórhreyfla og búin öllum fullkomn-
ustu siglinga- og öryggistækjum. Að innanverðu
er frágangur allur traustur og smekklegur, og er
sýnilegt að vel muni fara um farþegana, sem geta
verið 46 að tölu. Áhöfn vélarinnar er skipuð 7
mönnum, þar af tveimur flugþernum.
Á eftir móttökuathöfninni var gestum Loftleiða
h.f. boðið til dýrindis veitinga í flugvallarhótelinu,
og undu menn sér þar vel — og lengi.
Þessi nýja og glæsilega flugvél hefur verið skírð
Hekla. Henni fylgja einlægar óskir um ævinlegan
velfarnað og góöa þjónustu í þágu íslenzkra sam-
gangna.
(1947)
57